ദുബായ്: മുന്‍ഭാര്യയുടെ ഭര്‍ത്താവിനെ സ്വകാര്യ ഫോട്ടോകള്‍ കാണിച്ച് 42കാരന്റെ ഭീഷണി, ആവശ്യമെന്തെന്നോ..

ദുബായ്: മുന്‍ഭാര്യയുടെ ഭര്‍ത്താവിനെ സ്വകാര്യ ഫോട്ടോ കാണിക്കുമെന്ന് 42 കാരന്റെ ഭീഷണി. ഭര്‍ത്താവില്‍ നിന്ന് വിവാഹമോചനം തേടിയില്ലെങ്കില്‍ നഗ്നചിത്രങ്ങള്‍ ഭര്‍ത്താവിന് അയച്ചുനല്‍കുമെന്നാണ് 42കാരനായ പാക് പൗരന്റെ ഓണ്‍ലൈനിലുള്ള ഭീഷണി. സംഭവത്തെക്കുറിച്ച് മറ്റാരോടെങ്കിലും വെളിപ്പെടുത്താന്‍ ശ്രമിച്ചാലും ഫോട്ടോകള്‍ അയച്ചുകൊടുക്കുമെന്നും ഭീഷണിയുണ്ട്.

എന്നാല്‍ മുന്‍ഭാര്യ പരാതി നല്‍കിയതോടെ കുറ്റം നിഷേധിച്ച ഇയാള്‍ മുന്‍ഭാര്യയെ ഭീഷണിപ്പെടുത്തിയെന്നും സ്വകാര്യത ലംഘിച്ചുവെന്നുമുള്‍പ്പെടെയുള്ള കുറ്റങ്ങള്‍ നിരസിക്കുകയായിരുന്നു. എന്നാല്‍ പ്രതി പിന്നീട് പോലീസിനോട് കുറ്റസമ്മതം നടത്തുകയും ചെയ്തു. എന്നാല്‍ ഏപ്രില്‍ 10ന് രജിസ്റ്റര്‍ ചെയ്ത കേസ് പ്രകാരം ഇയാള്‍ 24 കാരിയായ യുവതിയുടെ ഫോട്ടോ സോഷ്യല്‍ മീഡിയ പ്ലാറ്റ്‌ഫോമുകളായ ഫേസ്ബുക്ക്, ട്വിറ്റര്‍, വാട്‌സ്ആപ്പ്, ഗൂഗിള്‍ പ്ലസ്, ഐഎംഒ എന്നിവയില്‍ പോസ്റ്റ് ചെയ്തതായി പോലീസ് കണ്ടെത്തി.

വിവാഹം കഴിഞ്ഞ് ഒരു മാസം പിന്നിട്ടിപ്പോള്‍ തന്റെ ഭര്‍ത്താവിന് മുന്‍ഭര്‍ത്താവില്‍ നിന്ന് ഫോണ്‍ കോള്‍ ലഭിച്ചുവെന്നും താന്‍ മോശം സ്ത്രീയാണെന്ന് ഭര്‍ത്താവിനെ ബോധ്യപ്പെടുത്താന്‍ ശ്രമിച്ചുവെന്നുമുള്‍പ്പെടെയുള്ള കാര്യങ്ങള്‍ യുവതി അന്വേഷണ സംഘത്തോട് വെളിപ്പെടുത്തിയിരുന്നു. പിന്നീട് യുവതിയുടെ നഗ്നചിത്രങ്ങളും ഇയാള്‍ ഭര്‍ത്താവിന് അയച്ചുനല്‍കി. സംഭവത്തെത്തുടര്‍ന്ന് ഇയാളുടെ മൊബൈല്‍ ഫോണ്‍ പിടിച്ചെടുത്ത പോലീസ് ഫോട്ടോകളും കണ്ടെടുത്തു.

English summary

Man blackmails ex wife's husband with her private photos to demand divorce her.