സൗദി:സെക്സിന് നിര്‍ബന്ധിച്ചു,യുവാവിന് 340 ചാട്ടയടി

റിയാദ്: സോഷ്യല്‍ നെറ്റ് വര്‍ക്കിംഗ് സൈറ്റിലൂടെ പരിചയപ്പെട്ട കൗമാരക്കാരിയെ ലൈംഗിക ബന്ധത്തിലേര്‍പ്പെടാന്‍ നിര്‍ബന്ധിയ്ക്കുുകയും ഭീഷണിപ്പെടുത്തുകയും ചെയ്ത സൗദി യുവാവിന് മൂന്ന് വര്‍ഷം തടവും 340 ചാട്ടയടിയും. സൗദി കോടതിയാണ് സ്വദേശിയായ യുവാവിന് ശിക്ഷ വിധിച്ചത്. ബുധനാഴ്ച (ജൂലൈ 9) നാണ് സൗദി മാധ്യമങ്ങള്‍ ഇക്കാര്യം റിപ്പോര്‍ട്ട് ചെയ്തത്.

പെണ്‍കുട്ടിയുമായി പരിചയത്തിലായ 26 കാരനായ യുവാവണ് ശിക്ഷയ്ക്ക് വിധിയ്ക്കപ്പെട്ടത്. പെണ്‍കുട്ടിയുമായി സോഷ്യല്‍ നെറ്റ് വര്‍ക്കിംഗ് സൈറ്റിലൂടെയാണ് യുവാവ് പരിചയത്തിലാകുന്നത്.

പെണ്‍കുട്ടിയുടെ ചിത്രങ്ങള്‍ സൗഹൃദം നടിച്ച് ഇയാള്‍ കൈക്കലാക്കിയിരുന്നു. തുടര്‍ന്ന് തന്നോടൊപ്പം ലൈംഗികബന്ധത്തിലേര്‍പ്പെടണമെന്ന് പെണ്‍കുട്ടിയോട് ഇയാള്‍ പറഞ്ഞു. തന്റെ ആവശ്യം നിരസിച്ചതോടെ പെണ്‍കുട്ടിയുടെ ചിത്രങ്ങള്‍ പരസ്യപ്പെടുത്തുമെന്ന് ഭീഷണിപ്പെടുത്തി,

തുടര്‍ന്ന് കുട്ടിയും കുടുംബവും പൊലീസിനെ സമീപിച്ചു. യുവാവിനെ കുടുക്കാന്‍ പെണ്‍കുട്ടിയോട് അയാളുമായുള്‌ല ചാറ്റിംഗ് തുടരാന്‍ പൊലീസ് ആവശ്യപ്പെട്ടു. തുടര്‍ന്ന് യുവാവ് എത്താന്‍ ആവശ്യപ്പെട്ട സ്ഥലത്ത് പെണ്‍കുട്ടി എത്തി. കുട്ടിയെ കാത്ത് നിന്ന യുവാവിനെ കൈയ്യോടെ പൊലീസ് പിടികൂടി. സൗദി മാധ്യമങ്ങളാണ് വാര്‍ത്ത റിപ്പോര്‍ട്ട് ചെയ്തത്.

English summary

Man jailed for 'online' seduction of teen