ജ്വല്ലറി അറേബ്യയ്ക്ക് ബഹറിനില് തുടക്കമായി
21,000 ചതുരശ്ര മീറ്റര് വിസ്തീര്ണ്ണമുള്ള പ്രദര്ശന നഗരിയിലാണ് പ്രദര്ശനം നടക്കുന്നത്.
മനാമ : 25 മത് അന്താരാഷ്ട്ര ജ്വല്ലറി പ്രദര്ശനം ജ്വല്ലറി അറേബ്യ ബഹ്റൈന് ഇന്റര്നാഷണല് എക്സിബിഷന് സെന്ററില് പ്രധാനമന്ത്രി പ്രിന്സ് ഖലീഫ ബിന് സല്മാന് അല് ഖലീഫ ഉദ്ഘാടനം ചെയ്തു. ഉദ്ഘാടനച്ചടങ്ങില് ഉപപ്രധാനമന്ത്രിമാരായ ശെയ്ഖ് അലി ബിന് ഖലീഫ അല് ഖലീഫ, ശെയ്ഖ് മുഹമ്മദ് ബിന് മുബാരക് അല് ഖലീഫ, വാണിജ്യ വ്യവസായ വകുപ്പുമന്ത്രി സയിദ് ബിന് റാഷിദ് അല് സയാനി, തൊഴില് വകുപ്പു മന്ത്രി ജമീല് അലി ഹുമൈദാന്, ഊര്ജ്ജ വകുപ്പുമന്ത്രി ഡോ. അബ്ദുല് ഹുസൈന് ബിന് അലി മിര്സ തുടങ്ങി വിവിധ വകുപ്പു മന്ത്രിമാരും മന്ത്രാലയങ്ങളില് നിന്നുള്ള ഉന്നതോദ്യോഗസ്ഥരും വിവിധ എംബസികളില്നിന്നും അംബാസഡര്മാരടക്കമുള്ള നയതന്ത്രപ്രതിനിധികളും പങ്കെടുത്തു.
21,000 ചതുരശ്ര മീറ്റര് വിസ്തീര്ണ്ണമുള്ള പ്രദര്ശന നഗരിയിലാണ് പ്രദര്ശനം നടക്കുന്നത്. ഇന്ത്യയടക്കമുള്ള മുപ്പതോളം രാജ്യങ്ങളില് നിന്നായി അറുനൂറോളം സ്ഥാപനങ്ങള് അവരുടെ ഏറ്റവും പുതിയ മോഡലുകളുമായി പ്രദര്ശനത്തില് പങ്കെടുക്കുന്നുണ്ട്. എല്ലാ വര്ഷവും ഇന്ത്യ, ബ്രസീല്, ഗ്രീസ്, ജെര്മ്മനി, ഹോങ്കോങ്, ഇറ്റലി, തായ്ലന്ഡ്, തുര്ക്കി എന്നിവിടങ്ങളില് നിന്നാണ് ഏറ്റവും കൂടുതല് സ്ഥാപനങ്ങള് എത്താറുള്ളത്. ഇരുപത്തി അഞ്ചാമത് പ്രദര്ശനത്തിന് വന് ജനക്കൂട്ടമാണ് സംഘാടകര് പ്രതീക്ഷിക്കുന്നത്. ശനിയാഴ്ച വരെ നീണ്ടു നില്ക്കുന്ന പ്രദര്ശനത്തില് ദിവസേന വൈകിട്ട് നാലു മുതല് രാത്രി പത്തുമണിവരെ പൊതുജനങ്ങള്ക്ക് പ്രവേശനം അനുവദിക്കും.
സന്ദര്ശകര്ക്ക് ബുദ്ധിമുട്ടുണ്ടാവാത്ത രീതിയില് വളരെ കര്ശനമായ സുരക്ഷയിലാണ് പ്രദര്ശനം സംഘടിപ്പിക്കുന്നത്. ഇത്തവണയും ഇന്ത്യന് ജെം ആന്ഡ് ജ്വല്ലറി എക്സ്പോര്ട്ട് പ്രൊമോഷന് കൗണ്സില് പങ്കെടുക്കുന്നുണ്ട്. ഇന്ത്യയില്നിന്ന് ഇത്തവണ 50 സ്ഥാപനങ്ങളാണ് പ്രദര്ശനത്തില് പങ്കെടുക്കുന്നത്. കഴിഞ്ഞ വര്ഷം 61 സ്ഥാപനങ്ങള് പങ്കെടുത്തിരുന്നു. കഴിഞ്ഞ സാമ്പത്തിക വര്ഷത്തില് ഇന്ത്യയില്നിന്നുള്ള ജ്വല്ലറി ഉല്പ്പന്നങ്ങളുടെ കയറ്റുമതിയില് 40 ശതമാനവും ഗള്ഫിലേക്കായിരുന്നു.
ഇന്ത്യയില്നിന്നുള്ള ആഭരണങ്ങളുടെ ഗുണമേന്മയും വൈവിധ്യമാര്ന്ന ഡിസൈനുകളുമാണ് വിപണിയില് ഇന്ത്യന് ജ്വല്ലറിയെ ശ്രദ്ധേയമാക്കുന്നത്. കഴിഞ്ഞ വര്ഷം പ്രദര്ശനത്തില് സന്ദര്ശകരായി എത്തിയത് 46,000 പേരാണ്. ഇതില് നല്ലൊരു ശതമാനം സൗദി അറേബ്യയില്നിന്നെത്തിയവരായിരുന്നു. സൗദിയടക്കമുള്ള ജി.സി.സി.രാജ്യങ്ങളില്നിന്നു മാത്രമായി 12,000 പേരാണ് കഴിഞ്ഞ വര്ഷം സന്ദര്ശകരായി എത്തിയത്.
ലോകത്തിലെ ഏറ്റവും വിലക്കൂടിയ പേനകളുടെ പ്രദര്ശനം ഇത്തവണയും സംഘടിപ്പിച്ചിട്ടുണ്ട്. മറ്റു പ്രദര്ശനങ്ങളെയപേക്ഷിച്ച് ജ്വല്ലറി അറേബ്യക്ക് വര്ഷം തോറും സ്വാകാര്യതയേറുകയാണെന്ന് സംഘാടകര് അറിയിച്ചു.
-
യൂസഫലി പറഞ്ഞ വാക്ക് പാലിച്ചു; യുഎഇയിലേക്ക് 80000 കിലോ ചരക്കുകള് പറന്നെത്തി, ഇനിയും വരും -
രണ്ട് വര്ഷത്തിനിടെ സ്വര്ണം വാരിക്കൂട്ടി, ഇനി അതെല്ലാം വില്ക്കാന് പോളണ്ട്! സ്വര്ണവില കുത്തനെ ഇടിയും! -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ദിലീപിൻ്റെ റിയൽ എസ്റ്റേറ്റ് ബിസിനസിൽ നിന്ന് പിൻമാറാൻ കാരണം; കാവ്യ മാധവൻ പറഞ്ഞത്..'മനസിലേറ്റ മുറിവ് മാറുമോ' -
മീനാക്ഷിയെ പോലെ പണം വാരുന്ന ഡോക്ടറാണോ? അച്ഛന്റെ സ്വപ്നം സഫലമാക്കി ശ്രീലക്ഷ്മി, കലാഭവൻ മണിയുടെ മകൾക്ക് കയ്യടി -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ് -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ -
സ്വർണ വില അഞ്ചാം ദിനവും മൂക്കും കുത്തി താഴെ; പവന് 60,000 രൂപയെന്ന ആഗ്രഹമൊക്കെ നടക്കുമോ?അറിയാം -
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി
Click it and Unblock the Notifications
Sign in with Google