നവജാത ശിശുവിനെ തിന്നാന്‍ ശ്രമിച്ച അമ്മ അറസ്റ്റില്‍

ബെയ്ജിംഗ്: ചൈനയില്‍ നവജാത ശിശുവിനെ തിന്നാന്‍ ശ്രമിച്ച അമ്മ അറസ്റ്റില്‍. 24 കാരിയായ ചൈനീസ് യുവതിയാണ് ജനിച്ച് മൂന്ന് ദിവസം മാത്രം പ്രായമുള്ള ആണ്‍കുഞ്ഞിനെ തിന്നാന്‍ ശ്രമിച്ചത് . കുഞ്ഞിന്റെ കൈയ്യുടെ ചെറിയൊരു ഭാഗം ഇവര്‍ കടിച്ച് മുറിച്ചിരുന്നു. യുവതി മാനസിക രോഗിയാണെന്ന് പൊലീസ് സംശയിക്കുന്നു.

ഗര്‍ഭിണിയായ യുവതി തെരുവില്‍ അലഞ്ഞ് തിരിഞ്ഞ് നടക്കുകയായിരുന്നു. പിന്നീട് ആരൊക്കെയൊ ചേര്‍ന്ന് ഇവരെ ആശുപത്രിയില്‍ എത്തിയ്ക്കുകയാിരുന്നു. പ്രവസം കഴിഞ്ഞ് മൂന്നാമത്തെ ദിവസമാണ് യുവതി കുഞ്ഞിനെ തിന്നാന്‍ ശ്രമിച്ചത് . ഡ്യൂട്ടിയിലുണ്ടായിരുന്ന ഒരു നഴ്‌സാണ് ഇക്കാര്യം കണ്ടത്. കുഞ്ഞിന്റെ കൈ മുറിഞ്ഞ് രക്തം ഒഴുകുന്നത് നഴ്‌സിന്റെ ശ്രദ്ധയില്‍പെട്ടു. തുടര്‍ന്ന് സെക്യൂരിറ്റിയുടെ സഹായത്തോടെ സ്ത്രീയുടെ വായ തുറന്ന് നോക്കി. കുഞ്ഞിന്റെ മാംസം അവരുടെ വായില്‍ കണ്ടെത്തി.

സ്ത്രീയെ പൊലീസ് അറസ്റ്റ് ചെയ്തു. ഇവരെ ഭര്‍തൃബന്ധുക്കള്‍ തെരുവില്‍ ഉപേക്ഷിച്ചതാണെന്ന് പൊലീസ് പറയുന്നു . ഭര്‍ത്താവില്‍ നിന്ന് യുവതി ഗര്‍ഭം ധരിച്ചതാണോ അതോ തെരുവില്‍ അലയുന്നതിനിടെ ഗര്‍ഭിണിയായതാണോ എന്നും പൊലീസ് അന്വേഷിയ്ക്കുന്നുണ്ട്.കൈയ്ക്ക് പരിക്കേറ്റ കുഞ്ഞ് ചികിത്സയിലാണ്.

English summary

A new mother in China was arrested after she was allegedly discovered biting into her newborn’s arms.