അബുദാബി;കുട്ടിയെ കടിച്ച അമ്മയെ വെറുതെ വിട്ടു

അബുദാബി: കുഞ്ഞിനെ കടിയ്ക്കുകയും അടിയ്ക്കുകയും ചെയ്ത യുവതിയെ അബുദാബി കോടതി വെറുതെ വിട്ടു. .യുവതിയ്‌ക്കെതിരെ പരാതി നല്‍കിയത് ഭര്‍ത്താവായിരുന്നു. തന്നോട് വഴക്കിട്ട യുവതി മകളെ ഉപദ്രവിയ്ക്കുകയായിരുന്നെന്നാണ് യുവാവ് കോടതിയില്‍ പറഞ്ഞത്.

തന്നോട് വഴക്കിട്ട ശേഷം പൂന്തോട്ടത്തില്‍ കളിയ്ക്കുകയായിരുന്ന കുഞ്ഞിനെ യുവതി അടിയ്ക്കുകയും ശരീരത്തില്‍ പലയിടത്തും കടിയ്ക്കുകയുമായിരുന്നെന്നാണ് യുവാവ് കോടതിയില്‍ പറഞ്ഞത്. കുഞ്ഞിന്റെ കാലില്‍ അടിയേറ്റ പാടുകളുണ്ട്.

വൈദ്യ പരിശോധനയിലും കുഞ്ഞിന്റെ ശരീരത്തില്‍ മുറിവേറ്റതായി കണ്ടെത്തുകയും ചെയ്തിരുന്നു. കോടതിയില്‍ ഭാര്യയ്‌ക്കെതിരെ അതി ശക്തമായി തന്നെ യുവാവ് മൊഴി നല്‍കിയതായി എമറാത്ത് അല്‍ യൂം റിപ്പോര്‍ട്ട് ചെയ്യുന്നു

എന്നാല്‍ തനിയ്‌ക്കെതിരായ ആരോപണങ്ങള്‍ സ്ത്രീ നിഷേധിച്ചു. മകള്‍ മറ്റ് കുട്ടികളോടൊപ്പം കളിയ്ക്കുകയായിരുന്നെന്നും ഇതിനിടയില്‍ പറ്റിയ മുറിവുകളാണ് കുട്ടിയുടെ ശരീരത്തിലുള്ളതെന്നും യുവതി കോടതിയില്‍ പറഞ്ഞു. സ്ത്രീയ്‌ക്കെതിരെ തെളിവുകള്‍ നല്‍കാന്‍ ഭര്‍ത്താവിന് കഴിഞ്ഞിട്ടില്ലെന്നും സ്ത്രീയെ വെറുതെ വിടുകയാണെന്നും കോടതി പറഞ്ഞു.

English summary

An Abu Dhabi court acquitted a mother of charges filed by her husband that she bit her little daughter while she was playing at the back garden of her house