പ്രവാസി മലയാളികള്ക്ക് സര്ക്കാരിന്റെ കരുതല്, ആനുകൂല്യങ്ങള്; നോര്ക്കയില് അംഗത്വമെടുക്കാന്
ദോഹ: കേരളത്തിന് പുറത്ത് ഇന്ത്യയിലെ ഇതര സംസ്ഥാനങ്ങളിലോ വിദേശ രാജ്യങ്ങളിലോ താമസിക്കുകയോ ജോലി ചെയ്യുകയോ ചെയ്യുന്ന കേരളീയരുടെ പ്രശ്നങ്ങള് പരിഹാരം കാണുന്നതിനും അവകാശങ്ങള് സംരക്ഷിക്കുന്നതിനും വേണ്ടി സംസ്ഥാന നോര്ക്ക വകുപ്പിന്റെ ഫീല്ഡ് എജന്സിയാണ് നോര്ക്ക. പ്രവാസി മലയാളികള്ക്ക് വേണ്ടി ഒട്ടേറെ ആനുകൂല്യങ്ങളും പദ്ധതികളുമാണ് നോര്ക്കയിലുള്ളത്. നോര്ക്കയില് അംഗ്വതമെടുക്കാന് ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം.
https://norkaroots.org/ml/nrk-id-card എന്ന സെറ്റില് പ്രവേശിച്ച് പുതിയ ഒരു അക്കൗണ്ട് എടുത്തതിന് ശേഷം വേണം അംഗത്വത്തിന് അപേക്ഷിക്കാന്. 18നും 70നും ഉടയില് പ്രായമുള്ള കേരളത്തിന് പുറത്ത് ജോലി ചെയ്യുന്നവര്ക്ക് മാത്രമാണ് ഇതില് അപേക്ഷിക്കാന് സാധിക്കുകയുള്ളൂ. 6 മാസത്തില് കുറയാത്ത കാലാവധിയുള്ള വീസയും പാസ്പോര്ട്ടും ഉണ്ടാകണം. പാസ്പോര്ട്ടിന്റെ ആദ്യത്തെ പേജും അവസാനത്തെ മേല്വിലാസമടങ്ങിയ പേജിന്റെയും പകര്പ്പ്, തൊഴില് വീസ/റസിഡന്സ് പെര്മിറ്റ് പകര്പ്പ്, ഫോട്ടോ എന്നിവയാണ് അംഗത്വത്തിന് ആവശ്യമായ രേഖകള്. അംഗത്വത്തിനായി ജി എസ് ടി ഉള്പ്പടെ 372 രൂപയാണ് ഫീസായി അടക്കേണ്ടത്.
തിരികെയെത്തിയ പ്രവാസി കേരളീയര്ക്ക് വേണ്ടി നോര്ക്ക റൂട്ട്സ് നടപ്പാക്കുന്ന ദുരിതാശ്വാസ പദ്ധതി. ചികിത്സാസഹായം, മരണാനന്തര സഹായം, വിവാഹ ധനസഹായം, അംഗവൈകല്യ പരിഹാര ഉപകരണങ്ങള് വാങ്ങുക തുടങ്ങിയവയ്ക്ക് ധനസഹായം നല്കുന്നു. സാന്ത്വന പദ്ധതിക്കായി അപേക്ഷിക്കുന്നവര് കുറഞ്ഞത് രണ്ട് വര്ഷമെങ്കിലും പ്രവാസ ജീവിതം നയിച്ചവര് ആയിരിക്കണം. കൂടാതെ അപേക്ഷകരുടെ വാര്ഷിക കുടുംബ വരുമാനം ഒരു ലക്ഷം രൂപയില് കവിയാന് പാടില്ല.
പ്രവാസി ഇന്ഷൂറന്സ്
പ്രവാസി രക്ഷാ ഇന്ഷുറന്സ് പോളിസിയാണ് പദ്ധതിയില് ഏറ്റവും പ്രധാനപ്പെട്ടത്. ഗുരുതര രോഗത്തിനുള്ള ചികിത്സയ്ക്കായി 1 ലക്ഷം രൂപ, അപകട മരണത്തിന് 2 ലക്ഷം, അപകടത്തെ തുടര്ന്ന് അംഗവൈകല്യം സംഭവിച്ചാല് ഒരു ലക്ഷം രൂപ വരെയാണ് ഇന്ഷുറന്സ് കവറേജ്. ഒരു വര്ഷത്തേക്ക് 649 രൂപയാണ് ഇന്ഷുറന്സ് ഫീസായി ഈടാക്കുന്നത്.
പ്രവാസി പുനരധിവാസ പദ്ധതി
വിദേശത്ത് നിന്ന് മടങ്ങി നാട്ടില് സ്ഥിരതാമസമാക്കുന്നവര്ക്കുള്ളതാണ് പ്രവാസി പുനരധിവാസ പദ്ധതി. രണ്ട് വര്ഷത്തെ പ്രവാസം മതിയാക്കി മടങ്ങിയെത്തുന്നവര്ക്കാണ് ആനൂകൂല്യം ലഭിക്കുകയുള്ളൂ. നോര്ക്കയുമായി കരാറില് ഏര്പ്പെട്ടിരിക്കുന്ന ധനകാര്യ സ്ഥാപനങ്ങളില് നിന്ന് സംരംഭങ്ങള് തുടങ്ങാനുള്ള വായ്പകള് ലഭിക്കും. 3 ലക്ഷം വരെ മൂലധന സബ്സിഡിയും കൃത്യമായി തിരിച്ചടക്കുന്നവര്ക്ക് 3 ശതമാനം പലിശ സബ്സിഡിയും ലഭിക്കുന്നതാണ്.
മൃതദേഹം നാട്ടിലെത്തിക്കാന്
പ്രവാസികളുടെ ഭൗതിക അവശിഷ്ടങ്ങള് തിരികെ കൊണ്ടുവരാന് നിയമപരമായ അവകാശികള്ക്ക് സര്ക്കാര് നല്കുന്ന സാമ്പത്തിക സഹായം. പ്രവാസി കേരളീയന്റെ മൃതദേഹം വിമാനത്തിലോ ട്രെയിനിലോ മറ്റേതെങ്കിലും വാഹനത്തിലോ ഏറ്റവും ചിലവുകുറഞ്ഞ രീതിയില് സ്വദേശത്തു എത്തിക്കാന് നോര്ക്ക റൂട്ട്സ് സഹായിക്കുന്നു. പ്രവാസിയുടെ മൃതശരീരം തിരികെ എത്തിക്കുന്നതിന് ചെലവായ തുക പിന്നീട് ആശ്രിതര്ക്ക് തിരിച്ചു കൊടുക്കുകയാണ് പതിവ്. അത്യധികം സാമ്പത്തിക ബുദ്ധിമുട്ട് നേരിടുന്നവര്ക്ക് മാത്രമാണ് ഈ പദ്ധതിക്കായി അപേക്ഷിക്കുവാന് കഴിയുക
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google