ഖത്തര് കെഎംസിസിക്ക് നോര്ക്ക അംഗീകാരം; വിവാദത്തിന് വകുപ്പില്ലെന്ന് ശ്രീരാമകൃഷ്ണന്
മുസ്ലിം ലീഗിന് ഇടതുമുന്നണിയിലേക്ക് നോര്ക്ക വഴി പാലമിടുന്നു എന്ന വാര്ത്തകള് ശരിയല്ല
കൊച്ചി: ഖത്തര് കെഎംസിസിക്ക് നോര്ക്ക അംഗീകാരം നല്കിയതിന് പിന്നില് രാഷ്ട്രീയമില്ലെന്ന് റസിഡന്സ് വൈസ് ചെയര്മാന് പി ശ്രീരാമകൃഷ്ണന്. ഖത്തര് കെഎംസിസി അപേക്ഷ സമര്പ്പിച്ചിരുന്നു. ഇക്കാര്യം വിശദമായി പരിശോധിച്ചു. തുടര്ന്നാണ് തീരുമാനം എടുത്തത്. ഒരു തരത്തിലുള്ള രാഷ്ട്രീയമാനവും ഇതിന് നല്കേണ്ടതില്ല. ലീഗിന് ഇടതുമുന്നണിയിലേക്ക് നോര്ക്ക വഴി പാലമിടുന്നു എന്ന വാര്ത്തകള് ദുര്വ്യാഖ്യാനമാണെന്നും പി ശ്രീരാമകൃഷ്ണന് അറിയിച്ചു. അദ്ദേഹത്തിന്റെ പ്രസ്താവനയുടെ പൂര്ണരൂപം ഇങ്ങനെ...
ഖത്തര് കെ.എം.സി.സിയുടെ നോര്ക്കാ അഫിലിയേഷനുമായി ബന്ധപ്പെട്ട വിവാദങ്ങളും രാഷ്ട്രീയ പരാമര്ശങ്ങളും അസ്ഥാനത്തുള്ളതാണ്. പ്രവാസികളായ മലയാളികളുടേ ക്ഷേമം സംബന്ധിച്ച് വിവിധ പ്രവര്ത്തനങ്ങള് ആസൂത്രണം ചെയ്തു കൊണ്ടിരിക്കുന്നതും, സര്ക്കാരിന്റെ പ്ലാന് ഫണ്ടും അതുപോലെ സ്വതന്ത്രമായ വരുമാനവും ആശ്രയിച്ചുകൊണ്ടിരിക്കുന്നതുമായ ഒരു സ്ഥാപനമാണ് നോര്ക്ക.
വിഭാഗീയത പ്രോത്സാഹിപ്പിക്കുന്നതും ചേരിതിരിവ് ഉണ്ടാക്കുന്ന തരത്തില് പ്രവര്ത്തിക്കുന്നതുമായ വിദേശ രാജ്യങ്ങളിലെ മലയാളി അസോസിയേഷനുകള്ക്ക് അഫിലിയേഷന് നല്കേണ്ടതില്ല എന്നത് നേരത്തേയുള്ള തീരുമാനമാണ്. ഈ സാഹചര്യത്തില് പൊതുവേ പല അസോസിയേഷനുകള്ക്കും അഫിലിയേഷന് നടപടികള് സ്വീകരിക്കാതെ നീട്ടി വച്ചിരുന്നു.
അഫിലിയേഷനുവേണ്ടിയുള്ള ഖത്തര് കെ.എം.സി.സിയുടെ അപേക്ഷ നോര്ക്ക ഡയറക്ടര് ബോര്ഡ് പരിശോധിക്കുകയും ഇക്കാര്യത്തില് വേണ്ട അന്വേഷണം നടത്തി ബോര്ഡിന് സമര്പ്പിക്കാന് റസിഡന്റ് വൈസ് ചെയര്മാന്റെ നേതൃത്വത്തിലുള്ള ഒരു സബ്കമ്മിററിയെ ചുമതലപ്പെടുത്തുകയും ചെയ്തു.
ഖത്തര് കെ.എം.സി.സിയുടെ പ്രവര്ത്തനങ്ങള് വിലയിരുത്തിയ സമിതി അവര്ക്ക് അഫിലിയേഷന് നല്കാവുന്നതാണെന്ന നിലപാടാണ് സ്വീകരിച്ചത്. ഭാവിയിലും ഒരു തരത്തില് ഉള്ള വിഭാഗീയതയും പ്രോത്സാഹിപ്പിക്കുകയില്ല എന്ന സത്യവാങ്മൂലം സമര്പ്പിക്കപ്പെട്ട ശേഷം ഖത്തര് കെ.എം.സി.സിക്ക് അംഗീകാരം നല്കാവുന്നതാണെന്ന് കഴിഞ്ഞ ഡയറക്ടര് ബോര്ഡ് തീരൂമാനിച്ചു.
ഇതിന് ഒരു തരത്തിലുള്ള രാഷ്ട്രീയ മാനങ്ങളും നല്കേണ്ടതില്ല. ഈ തീരുമാനം ഒരു രാഷ്ട്രീയ തീരുമാനവും അല്ല. ലീഗിന് ഇടതുമുന്നണിയിലേക്കുള്ള പാലമാണ് നോര്ക്ക വഴി ഇട്ടിരിക്കുന്നത് എന്ന തരത്തിലുള്ള വാര്ത്തകള് എല്ലാം ദുര്വ്യാഖ്യാനമാണ്. കെ.എം.സി.സിക്ക് മാത്രമല്ല വിഭാഗീയത പ്രോത്സാഹിപ്പിക്കില്ല എന്ന് ബോര്ഡിന് ബോധ്യമാകുന്ന എല്ലാ അസോസിയേഷനുകള്ക്കും ഈ പരിഗണന ലഭിക്കും.
ഏത് സംഘടനയുടേയും അപേക്ഷകള് ഓരോന്നായി പരിഗണിച്ച് ഭാവിയില് അഫിലിയേഷന് നല്കാമോ ഇല്ലയോ എന്ന് തീരുമാനിക്കും. ഇതുമായി ബന്ധപ്പെട്ട് വിവാദങ്ങള് അനാവശ്യമാണെന്നും അര്ഹിക്കുന്ന അവഗണനയോടെ അതെല്ലാം തള്ളിക്കളയണമെന്നും അഭ്യര്ത്ഥിക്കുന്നു. വിദേശ രാജ്യങ്ങളിലെ മലയാളികളുടെ എല്ലാ തരത്തിലുമുള്ള ഒരുമയാണ് നോര്ക്കയും സംസ്ഥാന സര്ക്കാരും ലക്ഷ്യമിടുന്നത്.
പ്രവാസികള്ക്ക് മതമോ രാഷ്ട്രീയമോ ഇല്ല. പ്രവാസിയുടെ മതവും രാഷ്ട്രീയവും പ്രവാസ ലോകത്ത് മാത്രമുള്ളതാണ്. ഒററക്കെട്ടായി പ്രവാസികള്ക്ക് നോര്ക്ക വഴിയുളള സേവനങ്ങള് അറിയിക്കാന് വേണ്ടി ഒരുമിച്ച് പ്രവര്ത്തിക്കണെമെന്ന സന്ദേശവും ഇതുവഴി ലക്ഷ്യമിടുന്നു. അതിനായി എല്ലാവര്ക്കും അവസരം നല്കുന്നതാണ്. ആഗോള മലയാളികളുടെ കൂട്ടായ്മ ലക്ഷ്യമിട്ട് പ്രവര്ത്തിക്കുന്ന നോര്ക്കയുടെ പ്രവര്ത്തനങ്ങളെ രാഷ്ട്രീയമാനത്തോടെ കാണുന്ന രീതി മാധ്യമങ്ങള് ഉപേക്ഷിക്കണമെന്ന് അഭ്യര്ത്ഥിക്കുന്നു.
-
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു
Click it and Unblock the Notifications
Sign in with Google