യുഎഇയിലെ പ്രമുഖ ഇന്ത്യന് വ്യക്തിത്വങ്ങളെ എന്ആര്ഐ മീഡിയ ആദരിക്കുന്നു
ദുബായ്: യുഎഇ ആസ്ഥാനമായി രൂപം കൊണ്ട എന്ആര്ഐ മീഡിയ യുഎഇ ല് വിവിധ മേഖലകളില് മികവ് തെളിയിച്ച വ്യക്തിത്വങ്ങളെ ആദരിക്കുന്നു. മികച്ച തൊഴിലവസരങ്ങള് സൃഷ്ടിക്കുകയും, വിവിധ ജീവകാരുണ്യ പ്രവര്ത്തനങ്ങളിലൂടെ മേഖലയിലെ ഇന്ത്യന് സമൂഹത്തിന്റെ പുരോഗതിക്കായി നിലകൊളളുകയും ചെയ്ത പ്രഗല്ഭരായ 25 ഇന്ത്യന് വ്യക്തിത്വങ്ങളെയാണ് 'എന് ആര് ഐ അവാര്ഡിലൂടെ ആദരിക്കുകയെന്ന് സംഘാടകര് ദുബായില് നടത്തിയ വാര്ത്താ സമ്മേളനത്തില് അറിയിച്ചു.
വിടി ബല്റാം ഇനി ഒളിച്ചുനോട്ടക്കാരന്; രാഷ്ട്രീയ ജീവിതത്തില് കറുത്ത അധ്യായം
ഗള്ഫ് മേഖലകളില് വിവിധ പ്രശ്നങ്ങളില്പ്പെട്ട് പ്രയാസം അനുഭവിക്കുന്ന പ്രവാസികളെ സഹായിക്കുക എന്നതാണ് തങ്ങളുടെ സംരഭത്തിലൂടെ ഉന്നം വെക്കുന്നതെന്ന് ആര് ഐ മീഡിയ സ്ഥാപകനും സിഇഒയുമായ അഫി അഹമ്മദ് പറഞ്ഞു. ആഗോളതലത്തിലുളള പ്രവാസികളുടെ ശബ്ദമായി മാറാന് ശ്രമിക്കുന്ന 'എന് ആര് ഐ മീഡിയ' ഈ വാര്ഷിക എന് ആര് ഐ പുരസ്കാരം പ്രഖ്യാപിച്ച് നടപ്പിലാക്കുന്നതോടെ ഈ രംഗത്ത് മികച്ച പ്രവര്ത്തനങ്ങള്ക്ക് മാതൃകയാവാനും പ്രവാസി സമൂഹത്തിന് പ്രചോദനം നല്കുന്നതിലൂടെ അവരുടെ ലക്ഷ്യം എത്തിപ്പിടിക്കാന് വഴികാട്ടിയായി പ്രവര്ത്തിക്കാനുമാണ് ആഗ്രഹിക്കുന്നതെന്നും അഫി അഹമ്മദ് പറഞ്ഞു.
പ്രത്യേകം ക്ഷണിക്കപ്പെട്ട 200 ലധികം അഥിതികള്ക്കായി മാത്രം സംഘടിപ്പിക്കുന്ന ഗാല ഡിന്നര് പുരസ്കാര ചടങ്ങില് രാജ്യത്തെ വിവിധ രംഗങ്ങളിലെ ഉന്നത വ്യക്തിത്വങ്ങളും, ബിസിനസ് സംരംഭകരും, നയതന്ത്ര പ്രതിനിധികളും, പ്രൊഫഷണല്സുമായിരിക്കും പങ്കെടുക്കുക.