ദുബായില്‍ ഇന്ത്യന്‍ പെണ്‍കുട്ടിയെ പാക് സ്വദേശി പീഡിപ്പിച്ചതായി പരാതി

ദുബായ്: ദുബായില്‍ ഇന്ത്യന്‍ പെണ്‍കുട്ടിയെ പാക്കിസ്ഥാന്‍ സ്വദേശി പീഡിപ്പിച്ചതായി പരാതി. ഇക്കഴിഞ്ഞ മാര്‍ച്ചിലാണ് സംഭവം. സ്‌കൂള്‍ വിട്ട് വീട്ടിലേക്ക് വരികായിയിരുന്ന പ്രായപൂര്‍ത്തിയാകാത്ത പെണ്‍കുട്ടിയെ ലിഫ്റ്റില്‍വെച്ച് പാക് സ്വദേശി കയറിപ്പിടിച്ചെന്നാണ് പരാതി. ദുബായില്‍ ക്ലര്‍ക്ക് ആയി ജോലി ചെയ്യുന്നയാളാണ് കേസിലെ പ്രതി.

ലിഫ്റ്റില്‍ പെണ്‍കുട്ടിക്കൊപ്പം ഇയാള്‍ മാത്രമേ ഉണ്ടായിരുന്നുള്ളൂ. ലിഫ്റ്റ് മുകളിലേക്ക് നീങ്ങിത്തുടങ്ങിയപ്പോള്‍ പ്രതി പെണ്‍കുട്ടിയെ വലിച്ചടുപ്പിക്കുകയും പീഡിപ്പിക്കാന്‍ ശ്രമിക്കുകയുമായിരുന്നു. കഴുത്തിലുണ്ടായിരുന്ന ടാഗ് വലിച്ചെടുത്ത് പേര് വായിക്കാന്‍ ശ്രമിച്ചെന്നും പെണ്‍കുട്ടിയുടെ പരാതിയിലുണ്ട്.

ലിഫ്റ്റ് നിന്ന് വാതില്‍ തുറന്നതോടെ ഇയാള്‍ പെണ്‍കുട്ടിയെ വിടുകയായിരുന്നു. രക്ഷപ്പെട്ടോടിയ പെണ്‍കുട്ടി ഉടന്‍ വീട്ടുകാരെ വിവരം അറിയിക്കുകയും ചെയ്തു. പ്രതിക്കെതിരെ പീഡനത്തിനാണ് കേസ് ചാര്‍ജ് ചെയ്തത്. തിരിച്ചറിയല്‍ പരേഡില്‍ പെണ്‍കുട്ടി ഇയാളെ തിരിച്ചറിഞ്ഞിരുന്നു. മെയ് 25ന് കേസില്‍ വിധി പ്രസ്താവിച്ചേക്കുമെന്നാണ് റിപ്പോര്‍ട്ട്.

English summary

Pakistani man molests Indian minor in Dubai elevat