ദുബായിലേക്ക് വിസിറ്റ് വിസയിൽ പോകാൻ പ്ലാനുണ്ടോ? നിയമങ്ങൾ മാറി..കൈയ്യിൽ 1.13 ലക്ഷം രൂപ വേണം, അറിയാം
ജോലിയെന്ന സ്വപ്നവുമായി മലയാളികൾ അടക്കമുള്ള നൂറുകണക്കിന് പേരാണ് സന്ദർശക വിസയിൽ ഓരോ ദിവസം ദുബായിൽ എത്തുന്നത്. വലിയ ചിലവില്ലാതെ അവിടെ എത്താമെന്നതും കുറഞ്ഞ ചിലവിൽ ജീവിക്കാമെന്നതുമെല്ലാമാണ് ദുബായിലേക്ക് പറക്കാൻ പലരേയും പ്രേരിപ്പിക്കുന്നത്. എന്നാൽ ഇനി ദുബായിൽ വിസിറ്റ് വിസയിൽ പോകുന്നത് അത്ര എളുപ്പമായിരിക്കില്ല. സന്ദർശക വിസ സംബന്ധിച്ച നിയമങ്ങളിൽ പുതിയ മാറ്റം അവതരിപ്പിച്ചിരിക്കുകയാണ് യുഎഇ. വിശദമായി അറിയാം
വിസിറ്റ് വിസയിൽ യുഎഇയിലേക്ക് പോകുന്നവർക്ക് റിട്ടേൺ ടിക്കറ്റും വിസയും കൂടാതെ ഹോട്ടൽ ബുക്കിംഗിന്റെ രേഖകളും ചെലവുകൾക്കായി ഒരു നിശ്ചിത തുകയും കൈയ്യിൽ കരുതണമെന്നാണ് നിർദ്ദേശം. ഒരു മാസത്തെ വിസയ്ക്ക് 3000 ദിർഹവും (68,000 രൂപ) രണ്ട് മാസത്തെ വിസയ്ക്ക് 5000 ദിർഹവും (1.13 ലക്ഷം) യാത്രക്കാർ കരുതണം. ഇത് അക്കൗണ്ടിലോ ക്രെഡിറ്റ് കാർഡിലോ കരുതാം. നിയമങ്ങൾ പാലിക്കാത്തവർക്ക് 5000 ദിർഹം വീതം പിഴ ചുമത്തുമെന്നാണ് മുന്നറിയിപ്പുള്ളത്.
മതിയായ രേഖകളില്ലാതെ യാത്രക്കാർ യുഎഇയിൽ ഇറങ്ങുകയാണെങ്കിൽ അതിൻ്റെ ഉത്തരവാദിത്തം എയർലൈൻ കമ്പനികൾക്കായിരിക്കും. അതുകൊണ്ട് തന്നെ വിമാനക്കമ്പനികൾ ഇത് സംബന്ധിച്ചുള്ള പരിശോധനകൾ കർശനമാക്കിയിട്ടുണ്ട്. കഴിഞ്ഞ ദിവസം രേഖകളില്ലാതെ എയർപോർട്ടിലെത്തിയ പലരുടേയും യാത്ര മുടങ്ങി. വീസയും വിമാന ടിക്കറ്റും മാത്രമായി എയർപോർട്ടിൽ എത്തിയ നൂറുകണക്കിന് പേരാണ് യാത്ര ചെയ്യാനാകാതെ വീട്ടിലേക്ക് മടങ്ങിയത്. കോട്ടയം, ഇടുക്കി ജില്ലകളിൽ നിന്നുള്ളവരാണ് ഇക്കൂട്ടത്തിൽ പലരും. കഴിഞ്ഞ ദിവസം കൊച്ചി എയർപോർട്ടിൽ മാത്രം 20 യാത്രക്കാരെയാണ് തടഞ്ഞത്. കോഴിക്കോട് എയർപോർട്ടിൽ 5 പേർക്കും യാത്ര ചെയ്യാൻ സാധിച്ചില്ല. ഇതുവരെ 30 ഓളെ യാത്രക്കാർക്ക് കോഴിക്കോട് നിന്ന് യാത്ര ചെയ്യാൻ സാധിക്കാതെ വന്നതായി അധികൃതർ അറിയിച്ചു.
ദുബായിൽ ഉള്ള ബന്ധുക്കളുടേയും സുഹൃത്തുക്കളുടേയും കൃത്യമായ വിവരങ്ങളും മേൽവിലാസവുമെല്ലാം പങ്കുവെച്ചെങ്കിലും യാത്ര അനുവദിക്കില്ലെന്ന കർശന നിലപാടാണ് എയർപോർട്ട് അധികൃതർ സ്വീകരിച്ചത്. മാത്രമല്ല യാത്ര മുടങ്ങിയവർക്ക് ടിക്കറ്റ് തുക തിരിച്ച് നൽകാനോ പകരം മറ്റൊരു ദിവസം യാത്ര അനുവദിക്കാനോ വിമാനക്കമ്പനികൾ തയ്യാറായില്ല.
സന്ദർശകർക്കുള്ള മാർഗനിർദ്ദേശങ്ങൾ ഇങ്ങനെ
1.സന്ദർശനത്തിൻ്റെ ഉദ്ദേശ്യം, താമസ സൗകര്യങ്ങൾ, ചെലവുകൾക്കുള്ള ഫണ്ട് എന്നിവ സംബന്ധിച്ച് കൃത്യമായ പരിശോധന ഉണ്ടാകും.. മതിയായ രേഖകൾ ഇല്ലെങ്കിൽ യാത്രക്കാരെ തടഞ്ഞ് വെയ്ക്കും.
2.ടൂറിസ്റ്റ് വിസയിലുള്ള സന്ദർശകർക്ക് ജോലിയെടുക്കാനുള്ള അനുമതി ഉണ്ടായിരിക്കില്ല.
3.തൊഴിൽ വിസയിൽ എത്തുന്ന സന്ദർശകർ പ്രവേശനത്തിന് ശേഷം വിസ നടപടിക്രമങ്ങൾ പൂർത്തിയാക്കണം
4.സന്ദർശകർ അവരുടെ ഹോട്ടൽ താമസം, റിട്ടേൺ ടിക്കറ്റുകൾ, ലഭ്യമായ ഫണ്ടുകൾ എന്നിവയെക്കുറിച്ചുള്ള വിവരങ്ങൾ നൽകണം
5.സുഹൃത്തുക്കളെയോ ബന്ധുക്കളെയോ സന്ദർശിക്കുന്നവർ അവരുടെ ആതിഥേയരുടെ വിസയുടെയും പാസ്പോർട്ടുകളുടെയും പകർപ്പുകൾ, ബന്ധപ്പെടാനുള്ള വിശദാംശങ്ങളും താമസ വിവരങ്ങളും സഹിതം നൽകണം
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google