Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
പാസ്‌പോര്‍ട്ട് നിറംമാറ്റം; പ്രവാസികള്‍ക്ക് കടുത്ത പ്രതിഷേധം; ബിജെപി സമ്മര്‍ദ്ദത്തില്‍
ദുബായ്: കേന്ദ്ര സര്‍ക്കാരിന്റെ പുതിയ പാസ്‌പോര്‍ട്ട് പരിഷ്‌കരണത്തില്‍ പ്രവാസികള്‍ കടുത്ത പ്രതിഷേധം. വിദ്യാഭ്യാസമില്ലാത്തവരെ രണ്ടാംനിര പൗരന്മാരാക്കുന്ന പാസ്‌പോര്‍ട്ടിലെ നിറംമാറ്റം സര്‍ക്കാരിന്റെ തുഗ്ലക് പരിഷ്‌കാരമാണെന്നാണ് പ്രവാസികളുടെ അഭിപ്രായം. ലക്ഷക്കണക്കിന് പ്രവാസികളുള്ള ഇന്ത്യയില്‍ ബിജെപിയെ കടുത്ത സമ്മര്‍ദ്ദത്തിലാക്കുന്നതാണ് പ്രവാസി നിലപാട്.
നിലവിലെ പാസ്‌പോര്‍ട്ടില്‍ യാതൊരു പ്രശ്‌നങ്ങളുമില്ലാതിരിക്കുമ്പോഴാണ് കേന്ദ്ര സര്‍ക്കാര്‍ പരിഷ്‌കരണവുമായി എത്തുന്നത്. എസ്എസ്എല്‍സി പാസാകാത്തവര്‍ക്ക് മറ്റൊരു നിറത്തിലുള്ള പാസ്‌പോര്‍ട്ട് നല്‍കുന്നതിനൊപ്പം അവസാന പേജ് ഇല്ലാതാക്കുന്നതും പ്രവാസി സമൂഹത്തില്‍ കടുത്ത എതിര്‍പ്പിന് വഴിവെച്ചിട്ടുണ്ട്.
രാജ്യത്തെ പൗരന്മാരെ വിദേശത്ത് രണ്ടാംകിടക്കാരാക്കുന്നതാണ് ഇപ്പോഴത്തെ തീരുമാനം. വിദ്യാഭ്യാസം കുറവാണെങ്കിലും മികച്ച സാങ്കേതിക ജ്ഞാനം ഉള്ളവരും ബിസിനസ് മേഖലയില്‍ വിജയിച്ചവരുമെല്ലാം ഇനിമുതല്‍ പരിഹാസത്തിന് ഇടയായേക്കും. ഇതിനെതിരെ പ്രധാനമന്ത്രിക്കും വിദേശകാര്യമന്ത്രി സുഷമാ സ്വരാജിനും പ്രവാസികള്‍ കത്തയച്ചിട്ടുണ്ട്.
പ്രവാസി വോട്ടുകള്‍ പ്രാബല്യത്തിലാകാനിരിക്കെ പ്രവാസികളുടെ പ്രതിഷേധം പിടിച്ചുപറ്റുന്ന നയമാണ് ബിജെപിയുടേതെന്ന വിമര്‍ശനവും ഉയര്‍ന്നിട്ടുണ്ട്. ഇത്തരം തീരുമാനങ്ങളിലൂടെ പ്രവാസികളുടെ വോട്ടുകള്‍ നഷ്ടപ്പെടാന്‍ ഇടയായേക്കും. ലക്ഷക്കണക്കിന് പ്രവാസികളുടെ കേരളത്തില്‍ ബിജെപിക്ക് തിരിച്ചടിയാകുന്നതാണ് പ്രവാസികളുടെ പ്രതിഷേധം. പാസ്‌പോര്‍ട്ട് നിറംമാറ്റം ഒഴിവാക്കാതെ പ്രതിഷേധത്തില്‍ നിന്നും പിന്മാറാന്‍ വിദേശ മലയാളികള്‍ ഒരുക്കമല്ല.
