യുഎഇക്ക് വീണ്ടും ഒരു മലയാളം റേഡിയോ
അബുദാബി: പ്രവാസികള്ക്ക് പുതിയൊരു ശ്രാവ്യസംസ്ക്രതി സമ്മാനിച്ച് പ്രവാസി ഭാരതി 810 എഎം റേഡിയോ പ്രക്ഷേപണം ആരംഭിച്ചു. അബുദാബി ആസ്ഥാനമായി പ്രവര്ത്തിക്കുന്ന റേഡിയോ ലോകത്തിലെ ആദ്യത്തെ മലയാളം ഡിജിറ്റല് റേഡിയോ ആണെന്ന് അധിക്രതര് അവകാശപ്പെടുന്നു. വെള്ളിയാഴ്ച വൈകീട്ട് 7 മണിക്ക് അബുദാബി നാഷണല് തീയേറ്ററില് നടന്ന പരിപാടിയില് കേരള പ്രവാസി കാര്യ വകുപ്പ് മന്ത്രി കെ.സി ജോസഫാണ് റേഡിയോയുടെ ഉദ്ഘാടനം നിര്വ്വഹിച്ചത്.
ചടങ്ങില് അബുദാബി മീഡിയ എക്സിക്യട്ടീവ് ഡയറക്ടര് അബ്ദുല് റഹ്മാന് അവാദ് അല് ഹര്തിയും പ്രവാസി ഭാരതി ബ്രോഡ്കാസ്റ്റിംങ് കോര്പ്പറേഷന് ചെയര്മാന് നൗഷാദ് അബുദുല് റഹ്മാനും ചേര്ന്ന് റേഡിയോ സ്വിച്ചോണ് കര്മ്മം നിര്വ്വഹിച്ചു. 2,00,000 വാട്സ് പ്രസരണ ശേഷിയോടെ പ്രക്ഷേപണം ചെയ്യുന്ന റേഡിയോ ഗള്ഫ് രാജ്യങ്ങളിലുടനീളം ലഭ്യമായിരിക്കുമെന്ന് അധിക്രതര് അറിയിച്ചു.
പരിപാടിയില് എം.ഡിയും ജനറല് മാനേജരുമായ കെ ചന്ദ്രസേനന്, ചലചിത്ര പിന്നണി ഗായകന് ജി.വേണുഗോപാല്, കമ്പനി ഡയറക്ടര് കെ മുരളീധരന്, മുന് കേന്ദ്രമന്ത്രി ഒ.രാജഗോപാല്, എംഎം ഹസ്സന്, സയ്യദ് സാദിഖലി ശിഹാബ് തങ്ങള്, കെ സുരേഷ് കുറുപ്പ് എംഎല്എ, മലയാളം സര്വ്വകലാശാല വൈസ് ചാന്സലര് കെ ജയകുമാര്, പ്രൊഫ.അലിയാര്, ഡോ റെജി മേനോന്, നദ അല് മെമറി, നീല് സ്കോട്ട് എന്നിവര് പങ്കെടുത്തു.
Click it and Unblock the Notifications
Sign in with Google