Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
സദ്ഭാവന ഗള്‍ഫ് നാടുകളില്‍ സ്‌കൂളുകള്‍ ആരംഭിക്കും
ദുബായ്: പ്രവാസികളുടെ സഹകരണത്തോടെ ഗള്‍ഫ് നാടുകളില്‍ സ്‌കൂളുകള്‍ ആരംഭിക്കുമെന്ന് കോഴിക്കോട് ആസ്ഥാനമായി പ്രവര്‍ത്തിക്കുന്ന സദ്ഭാവന ഗ്രൂപ്പ് അറിയിച്ചു. അഞ്ച് വര്‍ഷത്തിനുള്ളില്‍ പദ്ധതി പൂര്‍ത്തിയാക്കാനാണ് ഗ്രൂപ്പ് തീരുമാനിച്ചിരിക്കുന്നത്. പഠന രംഗത്ത് സമൂലമായ മാറ്റം അനിവാര്യമാണ് പ്രായോഗിക പരിജ്ഞാനത്തില്‍ അധിഷ്ഠിതമായ വിദ്യാഭ്യാസത്തിന് മുന്‍ഗണന നല്‍കിയാണ് തങ്ങളുടെ കീഴിലുള്ള വിദ്യാഭ്യാസ സ്ഥാപനങ്ങള്‍ പ്രവര്‍ത്തിക്കുകയെന്ന് ഗ്രൂപ്പ് സിഇഒ കെ.ഇ. ഹാരിഷ്, ഗ്രൂപ്പ് ചെയര്‍മാന്‍ കെ.പി. ഷംസുദ്ദീന്‍ എന്നിവര്‍ വാര്‍ത്താ സമ്മേളനത്തില്‍ പറഞ്ഞു. തുടക്കത്തില്‍ ഒമ്പത് സ്‌കൂളുകള്‍ സ്ഥാപിക്കാനാണ് ലക്ഷ്യമിടുന്നത്.
ഇതില്‍ മൂന്നെണ്ണം സൗദിയിലായിരിക്കും. പുതിയ സ്‌കൂള്‍ സ്ഥാപിക്കുന്നതിനൊപ്പം നിലവിലെ സ്‌കൂളുകളുടെ ഗുണനിലവാരം ഉയര്‍ത്താനുള്ള സാങ്കേതിക ഉപദേശങ്ങളും നിര്‍ദേശങ്ങളും നല്‍കും. പാഠപുസ്തകങ്ങളില്‍ ഒതുങ്ങുന്ന വിദ്യാഭ്യാസത്തിന് പകരം പ്രയോഗിക പരിശീലനം കുട്ടികള്‍ക്കും അദ്ധ്യാപകര്‍ക്കും നല്‍കിയാണ് വിദ്യഭ്യാസം മുന്നോട്ട് കൊണ്ട് പോവുക. വളര്‍ന്നുവരുന്ന തലമുറക്ക് സമൂഹവുമായി സംവദിക്കാനുള്ള മനസ്സ് രൂപപ്പെടുത്തുകയെന്നതും വിദ്യാഭ്യാസത്തിന്റെ ലക്ഷ്യമാണ്. പ്രവാസി കുടുംബങ്ങള്‍ക്ക് ഇതിനുള്ള അവസരം കുറവാണ്.
ഇതുകൂടി കണക്കിലെടുത്താണ് പാഠ്യപദ്ധതി രൂപപ്പെടുത്തിയിരിക്കുന്നത്. പ്രവാസികള്‍ക്ക് കുറഞ്ഞ ഫീസ് നിരക്കില്‍ മികച്ച വിദ്യാഭ്യാസം നല്‍കുകയാണ് ലക്ഷ്യം. കേരളത്തില്‍ കോഴിക്കോട്ടാണ് സദ്ഭാവന സ്‌കൂള്‍ പ്രവര്‍ത്തിക്കുന്നത്.
കേരളത്തിലെ സ്‌കൂളുകളുടെ ഗുണനിലവാരം ഉയര്‍ത്താനും സദ്ഭാവനക്ക് പദ്ധതിയുണ്ട്. പ്രവാസി സംരംഭമായി 2008ല്‍ കേരളത്തില്‍ സ്ഥാപിതമായ സദ്ഭാവന വേള്‍ഡ് സ്‌കൂള്‍ കഴിഞ്ഞവര്‍ഷം ഇന്ത്യയിലെ മികച്ച സ്‌കൂളുകളെ നിശ്ചയിക്കുന്ന അഞ്ച് സര്‍വേകളിലും ആദ്യ പത്ത് റാങ്കില്‍ ഇടംപിടിച്ചിരുന്നു. ഗ്രൂപ്പ് എംഡി അമീര്‍ തയ്യില്‍, ഡയറക്ടര്‍മാരായ കെ.വി.ഷംസുദ്ദീന്‍, മുഹമ്മദലി, ഷംസുദ്ദീന്‍ അഹ്മദ്, അഡ്വ.ബക്കര്‍ അലി, എന്നിവരും വാര്‍ത്താസമ്മേളനത്തില്‍ പങ്കെടുത്തു.
