സൗദി: ഭാര്യ അത്ര പോര, ആദ്യ രാത്രിയില്‍ വിവാഹമോചനം

മനാമ: സൗദിയിലെ വിവാഹ മോചനങ്ങളെപ്പറ്റി ഒട്ടേറെ വാര്‍ത്തകളാണ് നാം കേള്‍ക്കാറ്. കാറിന്റെ ഡോര്‍ അടയ്ക്കാത്തതിന് വിവാഹമോചനം , കറിയില്‍ ഉപ്പിട്ടതിന് വിവാഹമോചനം, കുട്ടികളെ തല്ലിയതിന് വിവാഹമോചനം എന്നു വേണ്ട നിസാരമായ പല കാര്യങ്ങള്‍ക്കും രാജ്യത്ത് വിവാഹ മോചനം നടക്കാറുണ്ട്. എന്നാല്‍ ആദ്യ രാത്രിയില്‍ തന്നെ ഭാര്യയെ മൊഴി ചൊല്ലിയതിനെപ്പറ്റി കേട്ടിട്ടുണ്ടോ. സൗദിയില്‍ തന്നെയാണ് സംഭവം.

ഭാര്യയ്ക്ക് ഉത്തരവാദിത്തമില്ലെന്നും വളരെ ലോലമായ സ്വഭാവമാണെന്നും ആരോപിച്ചാണ് യുവാവ് മൊഴി ചൊല്ലിയത്. വിവാഹ ദിനത്തില്‍ വൈകുന്നേരം മാത്രമാണ് യുവാവ് തന്റെ വധുവിനെ മുഖാമുഖം കാണുന്നത്. വീട്ടുകാര്‍ നിശ്ചയിച്ചുറപ്പിച്ച വിവാഹമായിരുന്നു.

വിവാഹ രാത്രിയില്‍ തന്റെ ബന്ധുക്കള്‍ക്കൊപ്പം നില്‍ക്കുന്ന പെണ്‍കുട്ടിയാണ് തന്റെ ഭാര്യയെന്ന് തിരിച്ചറിഞ്ഞ് യുവാവ് ഞെട്ടി. തന്റെ സങ്കല്‍പ്പത്തിലുള്ള പെണ്‍കുട്ടിയേ അല്ല ഇതെന്നും ഒപ്പം ജീവിയ്ക്കാന്‍ കഴിയില്ലെന്നും ആരോപിച്ച് മൊഴി ചൊല്ലുകയായിരുന്നു. തന്‍റെ സങ്കല്‍പ്പത്തിലെ പെണ്‍കുട്ടി അതീവ സുന്ദരിയാണെന്നും ഇയാള്‍ പറയുന്നു.

ആദ്യ ദിനം തന്നെ വിവാഹമോചിതയാകേണ്ടി വന്ന പെണ്‍കുട്ടി ബോധരഹിതയായി. ബന്ധുക്കള്‍ ചേര്‍ന്ന് കുട്ടിയെ ആശുപത്രിയില്‍ പ്രവേശിപ്പിച്ചു. ബന്ധുക്കളുടെ നിര്‍ബന്ധപ്രകാരമാണ് വിവാഹം കഴിച്ചതെന്ന് പെണ്‍കുട്ടി പറയുന്നു.

English summary

Saudi Arabia bride divorced on wedding night. Groom comes under intense fire for insensitive, foolish action.