ഷാരൂഖ് ഖാന് ഉംറ നിര്വഹിച്ചു; ചിത്രങ്ങള് വൈറല്... താരം ആത്മീയതയിലേക്ക് നീങ്ങുന്നോ എന്ന് നെറ്റിസണ്സ്
റിയാദ്: ബോളിവുഡ് താരം ഷാരൂഖ് ഖാന് സൗദി അറേബ്യയിലെ മക്കയിലെത്തി ഉംറ നിര്വഹിച്ചു. സിനിമാ ഷൂട്ടിങിന്റെ ഭാഗമായി സൗദിയിലെത്തിയതായിരുന്നു അദ്ദേഹം. ഈ വേളയില് ഉംറ നിര്വഹിക്കാനും തീരുമാനിക്കുകയായിരുന്നു. മക്കയിലെ മസ്ജിദുല് ഹറാമില് നിന്നുള്ള ഷാരൂഖ് ഖാന്റ ചിത്രങ്ങള് സോഷ്യല് മീഡിയയില് വൈറലാണ്.
ഡങ്കി എന്ന സിനിമയുടെ ചിത്രീകരണത്തിനാണ് ഷാരൂഖ് ഖാന് സൗദിയിലെത്തിയത്. ഷൂട്ടിങിന് വേണ്ടി മനോഹരമായ സ്ഥലം അനുവദിച്ച സൗദി സര്ക്കാരിന് അദ്ദേഹം നന്ദി പറഞ്ഞു. ഷൂട്ടിങ് കഴിഞ്ഞ് നാട്ടിലേക്ക് തിരിക്കാനുള്ള ഒരുക്കത്തിനിടെയാണ് മക്കയിലെത്തിയത്. വിശദാംശങ്ങള് ഇങ്ങനെ...
മൂന്ന് സിനിമകള്
മൂന്ന് സിനിമകളാണ് ഷാരൂഖ് ഖാന്റേതായി പുറത്തിറങ്ങാനിരിക്കുന്നത്. പത്താനും ജവാനും ശേഷമാകും ഡങ്കി ഇറങ്ങുക എന്നാണ് ഒടുവിലെ വിവരം. ഡങ്കിയുടെ ചിത്രീകരണത്തിന്റെ ഭാഗമായി ദിവസങ്ങളോളം സൗദി അറേബ്യയിലായിരുന്നു ഷാരൂഖ് ഖാന്. ഒട്ടേറെ ബോളിവുഡ് താരങ്ങളും ഈ വേളയില് സൗദിയിലുണ്ടായിരുന്നു. ചിത്രീകരണം പൂര്ത്തിയായെന്ന് ഷാരൂഖ് ഖാന് അറിയിച്ചു.
ആത്മീയതയിലേക്ക് നീങ്ങുകയാണോ
സിനിമാ ചിത്രീകരണത്തിന് ശേഷമാണ് ഷാരൂഖ് ഖാന് മക്കയിലെത്തി ഉംറ നിര്വഹിച്ചത്. ഇതിന്റെ ചിത്രങ്ങളും വീഡിയോകളും സോഷ്യല് മീഡിയയില് വൈറലാണ്. ഷാരൂഖ് ഖാനും ആത്മീയതയിലേക്ക് നീങ്ങുകയാണോ എന്നാണ് സോഷ്യല് മീഡിയയില് ഉയരുന്ന ചോദ്യം. നേരത്തെ സനാ ഖാനും ദംഗല് നായിക സറാ വസീമുമെല്ലാം ആത്മീയതയുടെ വഴി സ്വീകരിച്ചിരുന്നു.
വെള്ള വസ്ത്രത്തില്
ഉംറ നിര്വഹിക്കുന്നതിന് മുന്നോടിയായി ഇഹ്റാം കെട്ടിയ രീതിയിലുള്ള വെള്ള വസ്ത്രത്തിലാണ് വീഡിയോയില് ഷാരൂഖ് ഖാനെ കാണുന്നത്. കൊവിഡ് പ്രോട്ടോകോള് പാലിക്കുന്നതിന് അദ്ദേഹം മാസ്കും ധരിച്ചിട്ടുണ്ട്. ഷാരൂഖ് ഖാന്റെ വീഡിയോ സൗദി മാധ്യമപ്രവര്ത്തകരും അദ്ദേഹത്തിന്റെ ആരാധകരും പങ്കുവച്ചിട്ടുണ്ട്. പാകിസ്താനിലെ ചില പ്രമുഖ വ്യക്തികളും വീഡിയോ പങ്കുവച്ചു.
ഉംറ എന്നാല്
കഅ്ബയെ വലയം വെക്കുന്ന തവാഫ്, സഫ-മര്വ മലകള്ക്കിടയിലെ നടത്തമായ സഹ്യ് തുടങ്ങിയ കര്മങ്ങളും ഉംറയുടെ ഭാഗമാണ്. പ്രവാചകന് ഇബ്രാഹീമിന്റെ പത്നി ഹാജറ, മകന് ഇസ്മാഈലിന് കുടിവെള്ളം അന്വേഷിച്ച് സഫ-മര്വ കുന്നുകള്ക്കിടയില് പലതവണ ഓടി എന്നാണ് ചരിത്രം. ഇതിന്റെ ഓര്മയ്ക്കാണ് ഉംറയ്ക്കും ഹജ്ജിനും എത്തുന്നവരും ഇവിടെ നടക്കുന്നത്.
ഉംറയും ഹജ്ജും
ഉംറ ഏത് സമയവും നിര്വഹിക്കാന് സാധിക്കുന്ന ഒരു കര്മമാണ്. എന്നാല് ഹജ്ജിന് പ്രത്യേക സമയമുണ്ട്. ഹിജ്റ കലണ്ടറിലെ ദുല്ഹജ്ജ് മാസത്തിലാണ് ഹജ്ജ് നിര്വഹിക്കുക. ഈ വേളയില് സൗദിയിലേക്ക് ലക്ഷക്കണക്കിന് വിശ്വാസികളാണ് എത്തുക. അതേസമയം, ഉംറയുടെയും ഹജ്ജിന്റെയും കര്മകള് ഏകദേശം ഒരുപോലെയാണ്.
മക്കയെ കുറിച്ച്
പ്രവാചകന് മുഹമ്മദ് നബിയുടെ ജന്മനാടാണ് സൗദി അറേബ്യ. ഇവിടെയുള്ള മക്കയിലാണ് അദ്ദേഹം ജനിച്ചത്. മത പ്രബോധനം തുടങ്ങിയതോടെ എതിര്പ്പ് ശക്തമാകുകയും മദീനയിലേക്ക് പലായനം ചെയ്യുകയുമായിരുന്നു. ശേഷം മദീനയിലുള്ളവരും മക്കയിലുള്ളവരും ഇസ്ലാം സ്വീകരിച്ചുവെന്ന് ഇസ്ലാമിക പ്രമാണങ്ങള് വിശദീകരിക്കുന്നു. പ്രവാചക ചരിത്രവുമായി ബന്ധപ്പെട്ട ഒട്ടേറെ സ്ഥലങ്ങളുള്ള മക്കയിലും മദീനയിലും വിശ്വാസികള് സന്ദര്ശിക്കുക പതിവാണ്.
-
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ?
Click it and Unblock the Notifications
Sign in with Google