ചികിത്സ തേടിയെത്തിയ യുവതിയുടെ ചിത്രം പകർത്തി, സൗദിയില്‍ ആശുപത്രി ജീവനക്കാരനെതിരെ നടപടി

റിയാദ്: സൗദി അറേബ്യയിലെ ആശുപത്രിയില്‍ ചികിത്സ തേടിയെത്തിയ സ്‍ത്രീയുടെ ഫോട്ടോ എടുത്ത ജീവനക്കാരനെതിരെ നടപടി. ജീവനക്കാരനെ സൗദി ആരോഗ്യ മന്ത്രാലയം ജോലിയിൽ നിന്ന് പിരിച്ച് വിട്ടു. ഫോട്ടോ എടുത്തതിന് പിന്നാലെ ജീവനക്കാരനെ പോലീസ് അറസ്റ്റ് ചെയ്കതിരുന്നു.

രാജ്യത്തെ സര്‍ക്കാര്‍ ഉടമസ്ഥതയിലുള്ള ഒരു ആരോഗ്യ സ്ഥാപനത്തില്‍ വെച്ചാണ് സംഭവം. ചികിത്സ തേടിയെത്തിയ യുവതിയുടെ ചിത്രം ഇയാൾ പകർത്തുകയായിരുന്നു. തുടർന്ന് ജീവനക്കാരൻ യുവതിയുടെ ചിത്രങ്ങൾ പകർത്തുന്ന ദൃശ്യങ്ങളും പുറത്ത് വന്നിരുന്നു. സാമുഹ്യമാധ്യമങ്ങളിൽ ദൃശ്യങ്ങൾ വൈറലായതോടെയാണ് വിവരം ആരോഗ്യ മന്ത്രാലയത്തിന്റെ ശ്രദ്ധയിൽ പെട്ടത്.

തുടർന്ന് പ്രവർത്തികളെ പൂർണമായും പ്രവർത്തിയെ തള്ളിപ്പറഞ്ഞ ആരോഗ്യ വകുപ്പ് ഉടൻ തന്നെ ജീവനക്കാരനെതിരെ ഉടൻ തന്നെ നടപടി സ്വീകരിക്കുകയായിരുന്നു.
ഇത്തരം തെറ്റായ പ്രവൃത്തികളെ പൂര്‍ണമായും തള്ളിക്കളയുന്നുവെന്നും ഇത് രോഗിയുടെ അവകാശങ്ങള്‍ ഹനിക്കുന്ന നടപടിയാണെന്നും ആരോഗ്യ മന്ത്രാലയം പുറത്തിറക്കിയ പ്രസ്‍താവനയില്‍ അറിയിച്ചു.

രോഗിയുടെ അവകാശങ്ങളും സ്വകാര്യതയും സംരക്ഷിക്കുന്നത് ഉത്തരവാദിത്തമാണെന്ന് ആരോഗ്യ മന്ത്രാലയം വ്യക്തമാക്കുന്നു. ഇത്തരം നടപടികൾക്കെതിരെ കർശന നടപടിയുണ്ടാകുമെന്നും ഒരു വിട്ടുവീഴചയും ഉണ്ടാകില്ലന്നും മന്ത്രാലയം വ്യക്തമാക്കി. നിബന്ധനകൾ പാലിക്കേണ്ടെത് എല്ലാ ജീവനക്കാരുടെയും ഉത്തരവാദിത്തമാണെന്നും ആരോഗ്യ വകുപ്പ് വ്യക്തമാക്കുന്നു. മന്ത്രാലയത്തിന്റെ നയങ്ങള്‍ക്ക് അനുസൃതമായി ജനങ്ങള്‍ക്ക് സേവനങ്ങള്‍ ലഭ്യമാക്കാത്തവര്‍ക്കെതിരെയും നടപടി സ്വീകരിക്കുമെന്ന് മന്ത്രാലയം പുറത്തിറക്കിയ അറിയിപ്പില്‍ പറയുന്നു.

സൗദി അറേബ്യയില്‍ വീടിന് തീപിടിച്ച് മൂന്ന് പേർക്ക് പരിക്ക്

സൗദി അറേബ്യയില്‍ വീടിന് തീപിടിച്ച് മൂന്ന് പേര്‍ക്ക് പരിക്കേറ്റു. ജിദ്ദ അൽഅദ്ൽ ഡിസ്ട്രിക്ടിലായിരുന്നു സംഭവം.പരിക്കേറ്റവർ ഏത് രാജ്യക്കാർ ആണെന്ന വ്യക്തമല്ല. പരിക്കേറ്റവരെ റെഡ് ക്രസന്റ് ആംബുലൻസുകളിൽ ആശുപത്രിയിലേക്ക് നീക്കിയതായി സിവിൽ ഡിഫൻസ് പറഞ്ഞു.
വീട്ടിനകത്തെ മുറികളിൽ ഒന്നിലാണ് തീ പടർന്നുപിടിച്ചത്. കൂടുതൽ സ്ഥലത്തേക്ക് തീ പടരുന്നതിനു മുമ്പായി സിവിൽ ഡിഫൻസ് രക്ഷാപ്രവര്‍ത്തകര്‍ തീയണച്ചു.

English summary

saudi The Ministry of Health announced the suspension of an employee for allegedly taking photograph of a woman patient