ഷാര്ജ ഇന്ത്യന് അസോസിയേഷന് റിപ്പബ്ലിക് ദിനാഘോഷം സംഘടിപ്പിക്കുന്നു
ഷാര്ജ: ഇന്ത്യന് റിപ്പബ്ലിക് ദിനം വിപുലമായി ആഘോഷിക്കാന് ഇന്ഡ്യന് അസ്സോസിയേഷന് ഷാര്ജ മാനേജിംഗ് കമ്മിറ്റി തിരുമാനിച്ചതായി സംഘാടകര് അറിയിച്ചു. റിപ്പബ്ലിക് ദിനാഘോഷങ്ങളുടെ ഭാഗമായി 2018 ജനുവരി 26 വെള്ളിയാഴ്ച്ച രാവിലെ അസ്സോസിയേഷന് അങ്കണത്തില് ഇന്ഡ്യന് കോണ്സുല്(പാസ്പോര്ട്ട് വിഭാഗം) ശ്രീ പ്രേം ചന്ദ് ദേശീയ പതാക ഉയര്ത്തി ഇന്ഡ്യന് പ്രസിഡന്റിന്റെ സന്ദേശം വായിക്കും.
വൈകുന്നേരം 7.30 ന് പൊതു സമ്മേളനത്തോടെ പരിപാടികള് ആരംഭിക്കും. ദുബായ് ഇന്ഡ്യന് കോസുല് ജനറല് ശ്രീ വിപുല് മുഖ്യാതിഥിയായിരിക്കും. മറ്റു വിശിഷ്ട വ്യക്തിത്വങ്ങളും പങ്കെടുക്കുമെന്ന് സംഘാടകര് അറിയിച്ചു. തുടര്ന്ന് പ്രത്യേക റിപ്പബ്ളിക് ദിന പരിപാടികളും രാഗഡിക്ഷന് നയിക്കുന്ന ഗാനമേളയും ഉണ്ടായിരിക്കും.
25-1-2018 വ്യാഴാഴ്ച്ച വൈകുരേം 8 മണിക്ക് അസ്സോസിയേഷന് കമ്മ്യൂണിറ്റി ഹാളില് ചേരുന്ന അസ്സോസിയേഷന് അംഗങ്ങളുടെ പ്രത്യേക ജനറല് ബോഡി യോഗത്തില് എല്ലാ അംഗങ്ങളും അസ്സോസിയേഷന് ഐ.ഡി. കാര്ഡുമായി പങ്കെടുക്കണമെന്നും പ്രസിഡന്റ് അഡ്വക്കേറ്റ് വൈ.എ. റഹീം അഭ്യര്ത്ഥിച്ചു.