ദുബായ്-ഷാര്ജ ബസ് നിരക്കില് വര്ദ്ധനവ്
എന്നാല് ദുബായില് നിന്ന് പുറപ്പെടുന്ന മറ്റ് ഇന്റര്സിറ്റി ബസുകളില് നിരക്ക് വര്ദ്ധിപ്പിച്ചിട്ടുണ്ടോ എന്ന കാര്യം വ്യക്തമല്ല. ദുബായ്- ഷാര്ജ ഇന്റര്സിറ്റി ബസ് സര്വ്വീസാണ് ഏറ്റവും അധികം പേര് ആശ്രയിക്കുന്നത്. ദുബായ്-ഷാര്ജറൂട്ടില് അഞ്ച് ബസുകളാണ് സര്വ്വീസ് നടത്തുന്നത്. ദെയ്റ്, ബര്ദുബായ്, ജെബേല് അലി, റഷീദിയ, ഖ്വാസിസ് എന്നിവിടങ്ങളില് നിന്ന് ഷാര്ജയിലേക്ക് സര്വ്വീസ് നടത്തുന്നവയാണ് അഞ്ച് ബസുകള്.
ദുബായ്-ഷാര്ജ യാത്ര കൂടുതല് സൗകര്യ പ്രദമാക്കുന്നതിന് വേണ്ടി അല് ഇത്തിഹാദ് റോഡില് മൂന്ന് സ്റ്റോപ്പുകള് കൂടി അനുവദിച്ചിരുന്നു. എല്ലാ ഇന്റര്സിറ്റി ബസ് റൂട്ടുകളിലും സൗജന്യ വൈഫൈ കണക്ഷന് ഉള്പ്പടെ ഒട്ടേറെ പുതിയ പദ്ധതികള് നിലവില് വരുന്നുണ്ട്.ഇരുപതിനായിരത്തിലധികം യാത്രക്കാരാണ് ഷാര്ജ-ദുബായ് യാത്രയ്ക്കായി ഇന്റര്സിറ്റി ബസുകളെ ആശ്രയിക്കുന്നത് .
2013 ലെ കണക്കുകള് അനുസരിച്ച് അന്പത് ലക്ഷത്തിലേറെയാളുകള് ഷാര്ജയില് മാത്രം ഇന്റര്സിറ്റി ബസുകളെ യാത്രയ്ക്കായി ഉപയോഗിച്ചു. ക്യാഷ് പേമെന്റിന് പുറമെ എന്ഒഐ കാര്ഡുകളും യാത്രയ്ക്കായി ഉപയോഗിയ്ക്കാം.