ഷാര്‍ജ, അവിഹിത സന്തതിയെ യുവതി കൊന്നു

ഷാര്‍ജ: ജനിച്ച് മണിയ്ക്കൂറുകള്‍ക്കകം നവജാത ശിശുവിനെ ജീവനോടെ മാലിന്യ കൂമ്പാരത്തില്‍ ഉപേക്ഷിച്ച ഇന്തൊനേഷ്യന്‍ വീട്ട് ജോലിക്കാരിയെ ഛാര്‍ജ പൊലീസ് പിടികൂടി. സ്ത്രീയ്ക്ക് അവിഹിത ബന്ധത്തില്‍ പിറന്ന പെണ്‍കുഞ്ഞിനെയാണ് മാലിന്യത്തില്‍ ഉപേക്ഷിച്ചത്. കുഞ്ഞ് മരിച്ചു.

സുഹൃത്തായ മറ്റൊരു വീട്ട് ജോലിക്കാരിയുടെ സഹായത്തോടെയാണ് കുഞ്ഞിനെ നശിപ്പിയ്ക്കാന്‍ യുവതി ശ്രമിച്ചത്. അമിത രക്തസ്രാവത്തെത്തുടര്‍ന്നാണ് സ്ത്രീ ആശുപത്രിയില്‍ എത്തിയത്. പ്രസവത്തെത്തുടര്‍ന്നുണ്ടായ രക്തസ്രവാമാണെന്ന് മനസിലായതോടെ ഡോക്ടര്‍മാര്‍ കുഞ്ഞിനെ അന്വേഷിച്ചു.

്ആദ്യം കാര്യങ്ങള്‍ തുറന്ന് പറയാന്‍ മടിച്ചെങ്കിലും പിന്നീട് സ്ത്രീ കാര്യങ്ങള്‍ തുറന്ന് പറഞ്ഞു. തന്റെ തൊഴിലുടമയുടെ മകനുമായും മറ്റൊരു ഏഷ്യക്കാരനുമായും തനിയ്ക്ക് ബന്ധമുണ്ടെന്ന് സ്ത്രീ പറഞ്ഞു. ഈ ബന്ധത്തില്‍ ജനിച്ച കുഞ്ഞിനെയാണ് താന്‍ ഉപേക്ഷിച്ചതെന്നും യുവതി പറഞ്ഞു.

സ്ത്രീ ഉപേക്ഷിയ്ക്കുമ്പോള്‍ കുഞ്ഞിന് ജീവനുണ്ടായിരുന്നെന്ന് ഫോറന്‍സിക് പരിശോധനയില്‍ തെളിഞ്ഞു.കുഞ്ഞിന്റെ അച്ഛനെ കണ്ടെത്തുന്നതിനായി ഡിഎന്‍എ ടെസ്റ്റ് നടത്തും.

English summary

Sharjah maid dumps newborn alive in waste