യുഎഇയില് 216 കിലോ ലഹരിമരുന്ന് പിടികൂടി, വൻ മയക്ക് മരുന്ന് വേട്ട
ഷാര്ജ:ലഹരി മരുന്ന് കടത്താനുള്ള ശ്രമം പരാജയപ്പെടുത്തി ഷാർജ പോലീസ്. 'പ്രഷ്യസ് ഹണ്ട്' എന്ന് പേരിട്ട ഓപ്പറേഷനിലൂടെയാണ് ഷാര്ജ പോലീസ്, അബുദാബി, ഉമ്മുല്ഖുവൈന് പോലീസുമായി സഹകരിച്ച് ലഹരിമരുന്ന് കടത്ത് തടഞ്ഞത്. 216 കിലോഗ്രാം ലഹരിമരുന്ന് പോലീസ് പിടിച്ചെടുത്തു.
സംഭവത്തില് ഒരു ഏഷ്യക്കാരനെ അറസ്റ്റ് ചെയ്തു. 170 കിലോഗ്രാം കഞ്ചാവ്, 46 കിലോഗ്രാം ക്രിസ്റ്റല് മെത്ത്, 500,000 ക്യാപ്റ്റഗണ് ഗുളികകള് എന്നിവയാണ് പിടിച്ചെടുത്തത്. അന്താരാഷ്ട്ര ലഹരിമരുന്ന് കടത്ത് സംഘം വന് തോതില് ലഹരിമരുന്ന് സമുദ്രമാര്ഗം രാജ്യത്തേക്ക് കടത്താന് പദ്ധതിയിടുന്നതായി രഹസ്യ വിവരം ലഭിച്ചതിന്റെ അടിസ്ഥാത്തിലായിരുന്നു ഓപ്പറേഷൻ.
തുടർന്ന് നടത്തിയ അന്വേഷണത്തിൽ മുഖ്യപ്രതി നേരത്തെ രാജ്യത്തേക്ക് എത്തിയതായി ഇതോടെ കണ്ടെത്തി.തുടര്ന്ന് പ്രതിയെ സൂക്ഷ്മമായി നിരീക്ഷിച്ചു. ഇതിന് ശേഷം അടുത്തുള്ള എമിറേറ്റില് നടത്തിയ റെയ്ഡില് പ്രതിയെ കയ്യോടെ പിടികൂടുകയായിരുന്നെന്ന് ആന്റി നാര്കോട്ടിക്സ് വിഭാഗം ഡയറക്ടര് ലഫ്. കേണല് മാജിദ് അല് ആസം പറഞ്ഞു.
നാല് ലഹരിമരുന്ന് സംഘത്തിന്റെതാണ് പിടിച്ചെടുത്ത ലഹരിമരുന്നെന്ന് പ്രതി കുറ്റസമ്മതം നടത്തി. ഇയാളെ പബ്ലിക് പ്രോസിക്യൂഷന് കൈമാറി. സംഭവത്തില് വിശദമായ അന്വേഷണം പുരോഗമിക്കുകയാണ്.
മയക്കുമരുന്ന് ഗുളികകളുമായി ബഹ്റൈനിൽ പ്രവാസി പിടിയിൽ
മനാമ: മയക്കുമരുന്നുമായി ബഹ്റൈനിലേക്ക് കടക്കാന് ശ്രമിക്കുന്നതിനിടെ പ്രവാസി പിടിയിൽ. ഹാഷിഷും മെതാഫിറ്റമീനുമാണ് ഇയാള് സ്വന്തം വയറിലൊളിപ്പിച്ച് കൊണ്ടുവരാന് ശ്രമിച്ചത്. പിടിയിലാവുമ്പോള് 83 മയക്കുമരുന്ന് ഗുളികകള് ഇയാളുടെ ശരീരത്തിലുണ്ടായിരുന്നു. മയക്കുമരുന്ന് കടത്തിന് പുറമെ ഹാഷിഷ് ഉപയോഗിച്ചതിനും ഇയാള്ക്കെതിരെ കേസുണ്ട്.
ബഹ്റൈന് അന്താരാഷ്ട്ര വിമാനത്താവളത്തില് വന്നിറങ്ങിയ ഇയാളുടെ പെരുമാറ്റത്തിൽ സംശയം തോന്നിയതോടെയാണ് കസ്റ്റംസ് പരിശോധന നടത്തിയത്. എക്സ് റേ പരിശോധനയില് സംശയം തോന്നിയതോടെ സല്മാനിയ മെഡിക്കല് കോംപ്ലക്സിലേക്ക് മാറ്റി. തുടർന്ന് ആറ് തവണയായി 83 ഗുളികകളും ഇയാള് തനിയെ പുറത്തെടുത്തു.
Click it and Unblock the Notifications
Sign in with Google