Click it and Unblock the Notifications
Just In
Don't Miss
-
അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ് -
ഫിറ്റ്നസ് നോക്കുമ്പോഴും 15 വര്ഷമായി ഹോട്ടല് ഭക്ഷണം; ശരീരം നോക്കുന്നതിനെക്കുറിച്ച് ഉണ്ണി മുകുന്ദന് -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
IPL 2024: ഹാര്ദിക്കിനെ ഇനിയും കൂവണം, അത് അവനെ പ്രചോദിപ്പിക്കും; ആരാധകരെ ട്രോളി ശ്രേയസ് -
ദാമ്പത്യത്തില് എന്നും കളിയും ചിരിയും ഉണ്ടാകാന് പങ്കാളികള് ശ്രദ്ധിക്കേണ്ട കാര്യങ്ങള് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
നടവഴിയിലെ നേരുകള്‍ക്ക് സി എച്ച് പ്രവാസി തൂലിക പുരസ്‌കാരം
ഷാര്‍ജ : എഴുത്തുകാരന്‍, പത്രപ്രവര്‍ത്തകന്‍,പ്രഭാഷകന്‍, ഭരണാധികാരി തുടങ്ങി കൈവെച്ച മേഖലകളിലെല്ലാം വ്യക്തി മുദ്ര പതിപ്പിച്ച കേരള മുന്‍ മുഖ്യമന്ത്രി സി എച്ച് മുഹമ്മദ് കോയ സാഹിബിന്റെ പേരില്‍ ഷാര്‍ജ കെ എം സി സി കണ്ണൂര്‍ ജില്ലാ കമ്മിറ്റി ഏര്‍പ്പെടുത്തിയ പ്രവാസി തൂലിക പുരസ്‌കാരം ഷെമിക്ക് നല്‍കും. പ്രവാസി എഴുത്തുകാരെ ആദരിക്കുവാനും പ്രോല്‍സാഹിപ്പിക്കുവാനും ഏര്‍പ്പെടുത്തിയ പുരസ്‌കാരത്തിനു അനാഥത്വത്തിന്റെ ഇരുളടഞ്ഞ പാതയിലൂടെ സഞ്ചരിച്ച് നേര്‍വഴിയുടെ നേര്‍ രേഖ വായനകാര്‍ക്ക് സമ്മനിച്ച ഷെമിയുടെ 'നടവഴിയിലെ നേരുകള്‍' എന്ന പുസ്തകമാണ് അവാര്‍ഡിന് തെരഞ്ഞടുത്തത്.
ഈ ക്യതി ആട് ജീവിതമെന്ന പുസ്തകത്തിനു ശേഷം ശക്തമായ പ്രമേയം കൈകാര്യം ചെയ്യുന്നുവെന്ന് പുരസ്‌കാര സമിതി വിലയിരുത്തി.യോഗത്തില്‍ സമിതി ചെയര്‍മാനും ഷാര്‍ജ കെ എം സി സി ആക്ടിംഗ് പ്രസിഡന്റുമായ മഹമ്മൂദ് അലവി അദ്ധ്യക്ഷത വഹിച്ചു കെ എം സി സി സംസ്ഥാന വൈസ് പ്രസിഡന്റ് ബഷീര്‍ ഇരിക്കൂര്‍, സെക്രട്ടറി ഇഖ്ബാല്‍ അള്ളാംകുളം, കെ എം സി സി കണ്ണൂര്‍ ജില്ലാ പ്രസിഡന്റ് ഫസല്‍ തലശ്ശേരി, ജനറല്‍ സെക്രട്ടറി ഷഹീര്‍ ശ്രീകണ്ഡാപുരം, സെക്രട്ടറി അസൈനാര്‍ ചപ്പാരപ്പടവ സമിതി അംഗങ്ങളായ പി കെ അലി, സമീര്‍ ഇരുമ്പന്‍, ജാസിര്‍ എന്‍പി, എംപിഎം അഷ്‌റഫ് എന്നിവര്‍ പങ്കെടുത്തു. സമിതി കണ്‍വീനര്‍ ബഷീര്‍ കണ്ണൂര്‍ സ്വാഗതവും കോ ഓര്‍ഡിനേറ്റര്‍ ഏസി ഇഖ്ബാല്‍ നന്ദിയും പറഞ്ഞു.
കണ്ണൂര്‍ ജില്ലയിലെ ചിറക്കല്‍ സ്വദേശിയായ ഷെമിക്ക് നേരത്തെ ഓച്ചിറ ഒരുമ പ്രവാസി കൂട്ടായ്മയുടെ വനിത രത്‌ന പുരസ്‌കാരവും,പ്രവാസി ഇന്ത്യ പുരസ്‌കാരംവും ലഭിച്ചിട്ടുണ്ട്.പരിപാടിയില്‍ വൈക്കം മുഹമ്മദ് ബഷീര്‍ പുരസ്‌കാരം,അക്ഷര തൂലിക പുരസ്‌കാരം എന്നിവ നേടിയ മരണം മുഴുനീള പ്രമേയമായി ലളിതമായ ഭാഷയില്‍ മലയാളിക്ക് വേറിട്ട വായനാനുഭവം സമ്മാനിച്ച യുവ എഴുത്തുകാരന്‍ ഒഎം അബൂബക്കറിന്റെ മരണ പുസ്തകത്തിന് സി എച്ച് പ്രവാസി പ്രതിഭ പുരസ്‌കാരവും, ചെറുപ്രായത്തിലെ എഴുത്തിന്റെ ലോകത്തേക്ക് കടന്നു വന്ന What Lies Beyond എന്ന പുസ്തകമെഴുതിയ കണ്ണൂര്‍ പിലാത്തറ സ്വദേശിനിയും ദുബൈ ഇന്ത്യന്‍ ഹൈസ്‌കൂള്‍ പ്ലസ്ടു വിദ്ധ്യാര്‍ത്ഥിനിയുമായ റിദ ജലീലിന് കെ എം സി സി ജില്ല കമ്മിറ്റിയുടെ പ്രത്യേക ഉപഹാരവും നല്‍കും.
2015 ഒക്‌ടോബര്‍ 8 വ്യാഴാഴ്ച്ച ഷാര്‍ജ ഇന്ത്യന്‍ അസോസിയേഷന്‍ കോണ്‍ഫറന്‍സ് ഹാളില്‍ വെച്ച് നടക്കുന്ന പരിപാടിയില്‍ സാമൂഹ്യ സാംസ്‌കാരിക വാര്‍ത്താ മാധ്യമ മേഖലകളിലെ പ്രമുഖരുടെ സാനിദ്ധ്യത്തില്‍ അവാര്‍ഡ് സമ്മാനിക്കുമെന്ന് ഭാരവാഹികള്‍ അറിയിച്ചു.
