ഷാര്‍ജ; ഇന്ത്യക്കാരനെ കൊന്ന പ്രതിയെ പിടികൂടി

ഷാര്‍ജ: ഷാര്‍ജയില്‍ ഇന്ത്യക്കാരനായ അക്കൗണ്ടന്റിനെ കൊലപ്പെടുത്തിയ കേസില്‍ പ്രതി അറസ്റ്റിലായി. ഷാര്‍ജ ഇന്‍ഡസ്ട്രിയല്‍ സോണ്‍ 10 ലെ ഒരു സൂപ്പര്‍മാര്‍ക്കറ്റില്‍ അക്കൗണ്ടന്റായ 53കാരനെയാണ് കൊല്ലപ്പെട്ട നിലയില്‍ കണ്ടെത്തിയത്. സൂപ്പര്‍മാര്‍ക്കറ്റിലെ ജീവനക്കാരനായ യുവാവാണ് കൊലപാതം നടത്തിയത്.

മോഷണ ശ്രമത്തിനിടെയാണ് അക്കൗണ്ടന്റിനെ കൊലപ്പെടുത്തിയതെന്ന് യുവാവ് പൊലീസിനോട് പറഞ്ഞു. സൂപ്പര്‍മാര്‍ക്കറ്റിലെ പണം കവരുന്നതിന് വേണ്ടിയാണ് ഇയാള്‍ കൊലപാതകം നടത്തിയത്. സൂപ്പര്‍മാര്‍ക്കറ്റിലെ പണം സൂക്ഷിയ്ക്കുന്നത് അക്കൗണ്ടന്റാണ് .ആ പണം മോഷ്ടിയ്ക്കുന്നതിന് മറ്റൊരാവശ്യം പറഞ്ഞാണ് പ്രതി ഇന്ത്യക്കാരന്‍റെ അപ്പാര്‍ട്ട്മെന്‍റില്‍ എത്തിത്.

കുറച്ച് പണം കടമായി നല്‍കണമെന്ന് ആവശ്യപ്പെട്ടാണ് ഇയാള്‍ ഇന്ത്യക്കാരന്റെ മുറിയല്‍ എത്തുന്നത്. പണം നല്‍കാന്‍ ഇന്ത്യക്കാരന്‍ വിസമ്മതിച്ചു. തടുര്‍ന്ന് ഇയാള്‍ അക്കൗണ്ടന്റിനെ കൊലപ്പെടുത്തുകയും പതിനാല് ലക്ഷം രൂപ കവരുകയും ചെയ്തു.

സൂപ്പര്‍മാര്‍ക്കറ്റിലെ ആര്‍ക്കെങ്കിലും കൊലപാതകവുമായി ബന്ധം കാണുമെന്ന് ആദ്യം തന്നെ പൊലീസ് മനസിലാക്കിയിരുന്നു. കൊല്ലപ്പെട്ടയാളുടെ ദേഹത്ത് ഒട്ടേറെ മുറിവുകള്‍ ഉണ്ടായിരുന്നു. രക്തത്തില്‍ കുളിച്ച നിലയിലായിരുന്നു മൃതദേഹം. പ്രതിയെ പൊതുവിചാരണ ചെയ്യും.

English summary

Sharjah Police has solved the case of murder of a 53-year-old Indian accountant of a supermarket in the emirate’s Industrial Zone 10.