ഭാവി വധുവിനെ നേരിട്ട് കണ്ട യുവാവ് ഞെട്ടി, ഓടി രക്ഷപ്പെട്ടു

By Meera Balan

Updated: Tuesday, August 19, 2014, 11:35 [IST]

സൗദി: എയര്‍പോര്‍ട്ടില്‍ വച്ച് ഭാവി വധുവിനെ മുഖാമുഖം കണ്ട യുവാവ് ഞെട്ടിത്തരിച്ച് പുറത്തേയ്ക്ക് ഓടി. ഈജിപ്ത്കാരനായ വരനാണ് തന്റെ ഭാവി വധുവിനെ കണ്ട് ഞെട്ടി ഓടിയത്. ഫോട്ടോയില്‍ മാത്രമാണ് യുവാവ് വധുവിനെ കണ്ടിട്ടുള്ളത്. നേരിട്ട് കണ്ടപ്പോഴാണ് അബദ്ധം പിണഞ്ഞെന്ന് മനസിലായത്.

മാസങ്ങള്‍ക്ക് മുമ്പ് പെണ്‍കുട്ടിയുടെ സഹോദരന്‍ അവരുടെ ചിത്രങ്ങള്‍ യുവാവിനെ കാട്ടിയിരുന്നു. ഈ ചിത്രങ്ങള്‍ കണ്ട് യുവതി അതിസുന്ദരിയാണെന്ന് തെറ്റിദ്ധരിച്ചാണ് യുവാവ് വിവാഹത്തിന് സമ്മതിച്ചത്. വിവാഹം ഉറപ്പിച്ച ശേഷമാണ് ഇരുവരും നേരിട്ട് കാണാന്‍ തീരുമാനിച്ചത്.

തുടര്‍ന്നാണ് യുവതി സൗദിയിലേയ്ക്ക് എത്തിയത്. വിമാനത്താവളത്തില്‍ വച്ചാണ് യുവതിയെ വരന്‍ കാണുന്നത്. സ്ത്രീയെ കണ്ടതും ഇയാള്‍ പുറത്തേയ്ക്ക് ഓടി. പുറത്തേയ്ക്ക് ഓടിയ ഇയാളെ സുരക്ഷാ ജീവനക്കാര്‍ പിടികൂടി. മോഷണത്തിന് ശേഷം രക്ഷപ്പെടാന്‍ ശ്രമിയ്ക്കുന്നതെന്നാണ് ഉദ്യോഗസ്ഥര്‍ കരുതിയത്. അന്വേഷിച്ചപ്പോഴാണ് കാര്യങ്ങളെല്ലാം യുവാവ്‌ സുരക്ഷാ ഉദ്യോഗസ്ഥരോട് പറഞ്ഞത്. അല്‍വതാന്‍ പത്രമാണ് വാര്‍ത്ത റിപ്പോര്‍ട്ട് ചെയ്തത്.