സൗദിയില്‍ വാഹനാപകടം 3മലയാളികള്‍ മരിച്ചു

സൗദി: സൗദിയില്‍ വാഹനാപകടത്തില്‍ മൂന്ന് മലയാളികള്‍ മരിച്ചു. മലപ്പുറം സ്വദേശികളാണ് മരിച്ചത്. റിയാദിലെ അല്‍ ഖര്‍ജിലാണ് അപകടം ഉണ്ടായത്. മലപ്പുറം സ്വദേശികളായ അലവിക്കുട്ടി (55), മമ്മു (45), കുഞ്ഞുമോന്‍ (41) എന്നിവരാണ് മരിച്ചത്. ഇവര്‍ക്ക് പുറമെ ആന്ധ്ര സ്വദേശിയായ മുഹമ്മദ് സാജിദ് എന്നയാളും മരിച്ചു.

ജൂണ്‍ 26 പുലര്‍ച്ചെയുണ്ടായ അപകടത്തിലാണ് ഇവര്‍ കൊല്ലപ്പെട്ടത്. ഇവര്‍ സഞ്ചിച്ചിരുന്ന വാിന് പിന്നില്‍ മറ്റൊരു വാഹനം വന്നിടിയ്ക്കുകയായിരുന്നു. ഇടിയുടെ ആഘാതത്തില്‍ വാന്‍ പൂര്‍ണമായും നശിച്ചതായാണ് റിപ്പോര്‍ട്ട്.

അപകടത്തില്‍ കൂടുതല്‍ മലയാളികള്‍ ഉള്‍പ്പെട്ടിട്ടുണ്ടോ എന്നതിനെപ്പറ്റി വ്യക്തമല്ല. അപകട കാരണവും വ്യക്തമല്ല. മരിച്ച മലയാളികളെല്ലാം തന്നെ മലപ്പുറം സ്വദേശികളാണ്. എന്നാല്‍ ഇവരെപ്പറ്റിയുള്ള കൂടുതല്‍ വിവരങ്ങള്‍ ലഭ്യമായിട്ടില്ല. അമിത വേഗമാണ് അപകടത്തിന് കാരണമായതെന്നും റിപ്പോര്‍ട്ടുകളുണ്ട്.

English summary

Three Malayalis died in an accident at Riyadh