പ്രവാസികള്ക്ക് സന്തോഷ വാര്ത്ത; യുഎഇയില് ഇനി വിസ സേവനങ്ങള് ഞായറാഴ്ചകളിലും
യുഎഇയിലെ ഇന്ത്യന് പ്രവാസികള്ക്ക് ഏറെ ആശ്വാസം പകരുന്നതാണ് പുതിയ നടപടി
അബുദാബി: യു എ ഇയിലുള്ള ഇന്ത്യന് പ്രവാസികള്ക്ക് ഒരു സന്തോഷ വാര്ത്ത. ഞായറാഴ്ച അടക്കം ഇനി എല്ലാ ദിവസവും, പാസ്പോര്ട്ട്, വിസ അപേക്ഷകള് സമര്പ്പിക്കാന് ഇന്ത്യന് പ്രവാസികള്ക്ക് കഴിയും. സര്ക്കാര് ഏജന്സികള്ക്കും നയതന്ത്ര ദൗത്യങ്ങള്ക്കും ഔട്ട്സോഴ്സിംഗ് സേവനങ്ങള് നല്കുന്ന ഇന്ത്യന് കമ്പനിയായ ബിഎല്എസ് ഇന്റര്നാഷണല് സര്വീസ് ജനുവരി 22 മുതല് ആഴ്ചയില് ഏഴ് ദിവസവും പ്രവര്ത്തിക്കും.
20-ലധികം രാജ്യങ്ങളില് പ്രവര്ത്തിക്കുന്ന ഒരു സ്പെഷ്യലിസ്റ്റ് സേവന ദാതാവാണ് ബിഎല്സ് ഇന്റര്നാഷണല് സര്വീസ്. പാസ്പോര്ട്ട്, വിസ സേവനങ്ങള്ക്കുള്ള അപേക്ഷകള് ദുബായിലെയും ഷാര്ജയിലെയും മൂന്ന് സ്ഥലങ്ങളില് ആണ് അപേക്ഷിക്കാനാകുക.
പ്രാദേശിക സര്ക്കാര് അവധി ദിനങ്ങള് ഒഴികെ കോണ്സുലാര് സേവനങ്ങള്ക്കായി ബിഎല്സ് ഇന്റര്നാഷണല് സര്വീസ് എന്നും തുറന്നിരിക്കും. അതേസമയം റമദാന് മാസത്തില് (മാര്ച്ച് 23 മുതല് ജൂണ് 22 വരെ) ഞായറാഴ്ച ഈ സേവനം താല്ക്കാലികമായി നിര്ത്തും. പ്രവാസികളുടെ ക്ഷേമത്തിന് വേണ്ടി പ്രവര്ത്തിക്കാനുള്ള തങ്ങളുടെ പ്രതിബദ്ധത ആവര്ത്തിക്കുകയാണ് എന്നും പുതിയ നടപടി അതിന്റെ ഉദാഹരണമാണ് എന്നും ഇന്ത്യന് കോണ്സല് ജനറല് ഡോ അമന് പുരി പറഞ്ഞു.
കൂടാതെ അപ്പോയിന്റ്മെന്റോ മുന്കൂര് അനുമതിയോ ഇല്ലാതെ ഏതൊരു ഇന്ത്യന് പൗരനും അവരുടെ പരാതികള് രജിസ്റ്റര് ചെയ്യാന് കോണ്സുലേറ്റ് സന്ദര്ശിക്കാവുന്ന സാഹചര്യമാണ് ഒരുക്കുന്നത് എന്നും അദ്ദേഹം പറഞ്ഞു. തത്കാല് കേസുകള്, അടിയന്തര സാഹചര്യങ്ങള് (വൈദ്യ ചികിത്സ, മരണം), മുതിര്ന്ന പൗരന്മാര് എന്നിവര് ഒഴികെയുള്ള അപേക്ഷകര്ക്ക് ഓണ്ലൈനില് പൂരിപ്പിച്ച അപേക്ഷകളും മറ്റ് അനുബന്ധ പേപ്പറുകളുമായി ഞായറാഴ്ചകളില് രാവിലെ 9 മുതല് 3 വരെ അപേക്ഷ സമര്പ്പിക്കാം.
https://blsindiavisa-uae.com/appointmentbls/appointment.php എന്ന ലിങ്ക് ഉപയോഗിച്ച് ബിഎല്എസില് അപ്പോയിന്റ്മെന്റ് ബുക്ക് ചെയ്യണം. നേരത്തെ ദുബായിലെ താമസക്കാര്ക്ക് വീഡിയോ കോണ്ഫറന്സിങ് വഴി വിസക്ക് അപേക്ഷ സമര്പ്പിക്കാം എന്നും അറിയിച്ചിരുന്നു. രേഖകള് അപൂര്ണ്ണമാകുകയോ ആശയക്കുഴപ്പമുണ്ടാക്കുന്നതോ ആണെങ്കില് ഈ സേവനം വിസ ഓഫീസര്മാര്ക്ക് ഉപയോഗിക്കാം.
ആവശ്യമെങ്കില് കൂടുതല് രേഖകള് അപ്ലോഡ് ചെയ്യാന് കഴിയുന്ന തരത്തില് ആണ് ഇത് തയ്യാറാക്കിയിരിക്കുന്നത്. ഏത് തരത്തിലുള്ള വിസയും ഇഷ്യൂ ചെയ്യാനും പുതുക്കാനും ഈ സേവനം ഉപയോഗിക്കാം. ഇതില് ടൂറിസ്റ്റ്, സ്റ്റുഡന്റ്, ഗ്രീന്, ഗോള്ഡന് വിസകളും റസിഡന്സി വിസകളും ഉള്പ്പെടും.
-
കറുത്ത സ്വര്ണം നിറഞ്ഞ ഖാര്ഗ് ദ്വീപ്; ഇറാനില് ട്രംപ് ഈ നീക്കം നടത്തുമോ, പെട്രോള് 200 രൂപയാകും -
സൗദി അറേബ്യ കൈവിട്ട നീക്കത്തിന്; ക്രൂഡ് വില്പ്പനയില് അപൂര്വ നീക്കം, ഇരട്ടനീക്കം ഫലം കാണും -
വീഴാതെ പിടിച്ചുനിന്ന് ദുബായിലെ സ്വര്ണ വിപണി; യുദ്ധത്തിന് ശേഷം സംഭവിച്ചത് ഇത് -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക് -
ആക്രമിച്ചാൽ നോക്കി നിൽക്കില്ല; ഇറാന് സൗദിയുടെ അന്ത്യശാസനം! -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
ഇന്ത്യ ഭയന്നത് സംഭവിക്കുന്നു; ക്രൂഡ് ഓയില് വില 30 ശതമാനം കൂടി, സ്വര്ണം വിട്ടോടാന് കാരണം മറ്റൊന്ന് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
യൂസഫലി പറഞ്ഞ വാക്ക് പാലിച്ചു; യുഎഇയിലേക്ക് 80000 കിലോ ചരക്കുകള് പറന്നെത്തി, ഇനിയും വരും -
സൗദി അറേബ്യ, ഖത്തര് 'ഫോഴ്സ് മഷര്' എടുത്തേക്കും; 3 രാജ്യങ്ങളില് ചര്ച്ച, അമേരിക്ക കുടുങ്ങും -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില
Click it and Unblock the Notifications
Sign in with Google