കാമുകിയുടെ ലൗ ബൈറ്റിനിടെ കാമുകന്‍ മരിച്ചു, 'ലൗ ബൈറ്റ്' ഇത്രയ്ക്കും പ്രശ്‌നമാണോ..?

മെക്‌സികോ സിറ്റി: കാമുകിയുടെ ലൗ ബൈറ്റ് ഏറ്റ് കാമുകന്‍ മരിച്ചു. കാമുകി സ്‌നേഹം കൊണ്ട് കടിച്ച കടി യുവാവിന്റെ കഴുത്തിലെ ഞെരമ്പിലായിരുന്നു. തലച്ചോറിലേക്കുള്ള രക്തപ്രവാഹം നിലച്ച് സ്‌ട്രോക്ക് വന്നാണ് യുവാവ് മരിച്ചത്.

മെക്‌സികോ സിറ്റിയിലെ ജൂലിയോ മകിയാസ്(17) എന്ന ചെറുപ്പകാരനാണ് മരിച്ചത്. കടിയേറ്റ് മണിക്കൂറുകള്‍ കഴിഞ്ഞാണ് മരണം സംഭവിച്ചത്. കാമുകിയുടെ അടുത്ത് നിന്നും വീട്ടിലേക്ക് എത്തി ഭക്ഷണം കഴിച്ച് കൊണ്ടിരിക്കുമ്പോളാണ് കുഴഞ്ഞ് വീഴുന്നത്. ആശുപത്രിയില്‍ പ്രവേശിപ്പിച്ചപ്പോഴാണ് കഴുത്തിലേറ്റ കടിയാണ് മരണ കാരണമെന്ന് മനസ്സിലായത്.

മണിക്കൂറുകള്‍ കൊണ്ട് തലച്ചോറിലേക്കുള്ള രക്തപ്രവാഹം നിലയ്ക്കുകയായിരുന്നു. ശരീരം തളര്‍ന്ന് പോകുകയോ മരിക്കുകയോ ചെയ്യുമെന്നായിരുന്നു ഡോക്ടര്‍മാര്‍ പറഞ്ഞത്. എന്നാല്‍ മണിക്കൂറുകള്‍ക്കുള്ളില്‍ മരണം സംഭവിച്ചിരുന്നു.

കാമുകിയായ 24 കാരിക്കെതിരെ പോലീസില്‍ പരാതി നല്‍കാനാണ് വീട്ടുക്കാരുടെ തീരുമാനം. സംഭവത്തിന് ശേഷം കാമുകി ഒളിവിലാണ്. 2011 ല്‍ ന്യൂസിലാന്റിലാണ് ഇതിന് സമാനമായ സംഭവം നടന്നത്. 44 കാരി ലൗ ബൈറ്റ് ഏറ്റ് സ്‌ട്രോക്ക് വന്ന് മരിച്ചിരുന്നു.

English summary

A teenager has died after a love bite from his girlfriend caused a blood clot that quickly led to a stroke.