ഭര്‍ത്താവിനായി ശവപ്പെട്ടി ഒരുക്കി യുവതി; വന്‍ ട്വിസ്റ്റ്, ഒടുവില്‍ സംഭവിച്ചത് ഇങ്ങനെ

Updated: Saturday, October 1, 2022, 6:22 [IST]

ലണ്ടന്‍: ഒരു യുവതി ഫേസ്ബുക്ക് മാര്‍ക്കറ്റ് പ്ലേസില്‍ ഒരു ഉല്‍പ്പന്നം വില്‍ക്കാനിട്ടത് സോഷ്യല്‍ മീഡിയയിലാകെ ചര്‍ച്ചയായിരിക്കുകയാണ്. ഒരു ശവപ്പെട്ടിയാണ് ഇവര്‍ വില്‍പ്പനയ്ക്ക് വെച്ചിരിക്കുന്നത്. സാധാരണ ആരും മാര്‍ക്കറ്റ്‌പ്ലേസില്‍ ഇത്തരമൊരു ഉല്‍പ്പന്നവുമായി വരാറില്ല. എന്നാല്‍ യുവതിയുടെ ഈ ഐഡിയ സോഷ്യല്‍ മീഡിയയെ അമ്പരപ്പിച്ചിരിക്കുകയാണ്.

ഒരു പുത്തന്‍ പുതിയ ശവപ്പെട്ടിയാണ് വില്‍ക്കാനായി ഇവര്‍ വെച്ചിരിക്കുന്നത്. ഏറ്റവും രസകരമായ കാര്യം ഈ ശവപ്പെട്ടി സ്വന്തം ഭര്‍ത്താവിന് വേണ്ടി ഇവര്‍ തയ്യാറാക്കിച്ചതാണ് എന്ന കാര്യമാണ്. ഇത് വില്‍ക്കുന്നതിന്റെ കാരണമാണ് വൈറലായിരിക്കുന്നത്. വിശദമായ വിവരങ്ങളിലേക്ക്....

മാര്‍ഗരറ്റ് സ്റ്റേബിള്‍സ് എന്ന യുവതിയാണ് ഈ ശവപ്പെട്ടി സൗജന്യമായി നല്‍കുമെന്ന് പ്രഖ്യാപിച്ചത്. പുത്തന്‍പുതിയ ശവപ്പെട്ടിയാണ് ഇതെന്നും ഇവര്‍ പറയുന്നു. തന്റെ ഭര്‍ത്താവിനായി വാങ്ങിയ ശവപ്പെട്ടിയാണിതെന്നും ഇവര്‍ പറയുന്നു. പക്ഷേ തന്റെ ഭര്‍ത്താവ് താന്‍ വിചാരിച്ചതിനേക്കാള്‍ കൂടുതല്‍ കാലം ജീവിച്ചുവെന്ന് അവര്‍ പറയുന്നു. അതുകൊണ്ട് ഈ ശവപ്പെട്ടിയുടെ ആവശ്യം തന്റെ വീട്ടില്‍ ഇല്ല. അതുകൊണ്ട് വീട്ടില്‍ സ്ഥലം ഒഴിവാക്കാന്‍ വേണ്ടി ഇത് ആര്‍ക്കെങ്കിലും നല്‍കാന്‍ തയ്യാറാണ്. അതാണ് വില്‍പ്പനയ്ക്ക് വെച്ചിരിക്കുന്നതെന്നും യുവതി വ്യക്തമാക്കി.

ഈ ശവപ്പെട്ടിയില്‍ തലയിണയുണ്ടാവില്ലെന്ന് ഇവര്‍ പറയുന്നുണ്ട്. കാരണം അത് തന്റെ നായ എടുത്ത് കൊണ്ടുപോയി. ഞാന്‍ ഇപ്പോഴുള്ളത് ഈസ്‌ഡേലിലാണ്. പക്ഷേ ഇത് പറയുന്നയിടത്ത് ഡെലിവെര്‍ ചെയ്യാന്‍ സാധിക്കും. പക്ഷേ മല്ലായ്ഗിലേക്ക് എനിക്ക് ഇത് ഡെലിവെറി ചെയ്യാനാവില്ല. തനിക്ക് അവിടെ പ്രവേശിക്കുന്നതിന് വിലക്കുണ്ടെന്നും യുവതി അറിയിച്ചു. നിമിഷ നേരം കൊണ്ടാണ് ഇവരുടെ പോസ്റ്റ് വൈറലായിരിക്കുന്നത്. നിരവധി കമന്റുകളാണ് ഈ പോസ്റ്റിന് ലഭിക്കുന്നത്.

താന്‍ കണ്ടിട്ടുള്ളതില്‍ വെച്ച് ഏറ്റവും തമാശ നിറഞ്ഞ പോസ്റ്റാണ് ഇതെന്ന് ഒരു യൂസര്‍ കുറിച്ചിട്ടുണ്ട്. ഇതൊരു തമാശയല്ലേ എന്ന് മറ്റൊരാളും ചോദിച്ചിട്ടുണ്ട്. നിങ്ങളെ എന്തിനാണ് വിലക്കിയിട്ടുള്ളതെന്നാണ് മറ്റൊരാള്‍ക്ക് അറിയേണ്ടിയിരുന്നത്. ലോക്കാബറിലെ തുറമുഖ നഗരമായ മലായ്ഗില്‍ തനിക്ക് വിലക്ക് നേരിട്ടത് എന്തിനാണെന്നും യുവതി വെളിപ്പെടുത്തിയിട്ടുണ്ട്. തന്റെ ഭര്‍ത്താവ് ജോലി ചെയ്യുന്നതിനിടത്തെ ചിലരുമായി ഉണ്ടായ പ്രശ്‌നങ്ങളാണ് അതിന് കാരണമെന്നും യുവതി വെളിപ്പെടുത്തി.

അതേസമയം പോസ്റ്റ് ഇട്ടതിന് ശേഷം ചില നിരാശകളും യുവതി പങ്കുവെച്ചു. താന്‍ ഇതൊരു തമാശ പോസ്റ്റായി ഇട്ടതാണെന്ന് പലരും കരുതുന്നു. എന്നാല്‍ സത്യമതല്ല. ഇതൊരു സത്യസന്ധമായ പോസ്റ്റാണ്. ഈ ശവപ്പെട്ടി വില്‍ക്കാനുള്ളതാണ്. ഒരാള്‍ ഇത് വാങ്ങാന്‍ താല്‍പര്യമുണ്ടെന്ന് പറഞ്ഞിരുന്നു. ഇയാള്‍ക്ക് സദ്ദുദേശമാണെന്ന് കരുതിയിരുന്നു. എന്നാല്‍ സോഷ്യല്‍ മീഡിയയില്‍ ശ്രദ്ധ പിടിച്ച് പറ്റി ലൈക്ക് നേടാനുള്ള തന്ത്രമായിരുന്നു ഇത്. ഇത് സത്യസന്ധമായ കാര്യമാണ്. അല്ലെന്ന് കരുതുന്നവര്‍ നിരാശപ്പെടുമെന്നും യുവതി പറഞ്ഞു.