ആധാർ പുതുക്കാൻ പുതിയ നിയമങ്ങൾ; ഇക്കാര്യങ്ങൾ നിർബന്ധമായും അറിഞ്ഞിരിക്കണം..
ആധാർ കാർഡ് എൻറോൾ ചെയ്യുന്നതിനും പുതുക്കുന്നതിനും പുതിയ മാർഗ നിർദ്ദേശങ്ങൽ യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ പ്രഖ്യാപിച്ചിട്ടുണ്ട്. ഇതിനായുള്ള പുതിയ ഫോമുകൾ യു ഐ ഡി എ ഐ പങ്കിട്ടു. ആധാർ കാർഡ് എൻറോൾ ചെയ്യുന്നതിനും അപഡേറ്റ് ചെയ്യുന്നതിനും പ്രവാസികൾക്കും അല്ലാത്തവർക്കും പ്രത്യേക ഫോമുകൾ അതോറിറ്റി നൽകിയിട്ടുണ്ട്. യു ഐ ഡി എ ഐ പറയുന്നതനുസരിച്ച് ആധാർ കാർഡ് അപ്ഡേറ്റ് ചെയ്യുന്നതിനും എൻറോൾ ചെയ്യുന്നതിനുമുള്ള മുഴുവൻ പ്രക്രിയയും എളുപ്പമാക്കുക എന്ന ലക്ഷ്യത്തോടെയാണ് പുതിയ മാർഗ നിർദ്ദേശങ്ങൾ.
പുതിയ നിയമം അനുസരിച്ച് ഏറ്റവും അടുത്തുള്ള ആധാർ സേവാ കേന്ദ്രം സന്ദർശിച്ചോ അല്ലെങ്കിൽ മൊബൈൽ ആപ്ലിക്കേഷൻ വഴിയോ യു ഐ ഡി എ ഐ വെബ്സൈറ്റ് വഴിയോ ആധാർ കാർഡ് വിവരങ്ങൾ സെൻട്രൽ ഐഡന്റിറ്റി ഡാറ്റ റിപ്പോസിറ്ററിയിൽ ( സി ഐ ഡി ആർ) ഇപ്പോൾ അപ്ഡേറ്റ് ചെയ്യാം.
പഴയ 2016 നിയമം അനുസരിച്ച് ഒരു ആധാർ കാർഡ് ഉടമയ്ക്ക് അവരുടെ വിലാസം ഓൺലൈൻ മോഡ് വഴി മാത്രമേ അപ്ഡേറ്റ് ചെയ്യാൻ കഴിയൂ. മറ്റേതെങ്കിലും വിശദാംശങ്ങൾ അപഡേറ്റ് ചെയ്യുന്നതിന് അവർ അടുത്തുള്ള എൻറോൾമെന്റ് കേന്ദ്രം സന്ദർശിക്കേണ്ടതുണ്ട്,
ഫോം 1: രാജ്യത്തെ താമസക്കാരുടെയും അല്ലാത്തവരുടെയും ആധാർ കാർഡ് എൻറോൾമെന്റിനായി ഫോം 1 ഉപയോഗിക്കാം. വ്യക്തിക്ക് ഇതിനകം ആധാർ കാർഡ് ഉണ്ടെങ്കിൽ മറ്റ് വിശദാംശങ്ങൽ അപ്ഡേറ്റ് ചെയ്യാനുള്ള ഫോം 1 ഉപയോഗിക്കാം.
ഫോം: 2 ഇന്ത്യയ്ക്ക് പുറത്ത് അഡ്രസ് പ്രൂഫ് ഉള്ള എൻ ആർ ഐക്ക്, എൻറോമെന്റിനും അപ്ഡേറ്റിനും ഫോം 2 ഉപയോഗിക്കും.
ഫോം 3; 5 വയസ്സിനും അതിന് മുകളിലും പ്രായമുള്ള എന്നാൽ 18 വയസ്സിൽ താഴെയുള്ള കുട്ടികളുടെ എൻറോൾമെന്റിനായി ഫോം 3 ഉപയോഗിക്കേണ്ടതാണ്.
ഫോം 4 : ഇന്ത്യക്ക് പുറത്ത് വിലാസമുള്ള എൻ ആർ ഐ കുട്ടികൾക്ക് ഫോം 4 ഉപയോഗിക്കണം
ഫോം 5: 5 വയസ്സിന് താഴെയുള്ള താമസക്കാരോ 5 വയസ്സിന് താഴെയുള്ള കുട്ടികൾക്ക് ആധാറിൽ ചേർക്കുന്നതിനോ അപ്ഡേറ്ര് ചെയ്യുന്നതിനോ ഫോം 5 ഉപയോഗിക്കേണ്ടതാണ്
ഫോം 6: 5 വയസ്സിന് താഴെയുള്ള എൻ ആർ ഐ കുട്ടികൾ ( ഇന്ത്യയ്ക്ക് പുറത്ത് വിലാസമുള്ളവർ) ഫോം 6 ഉപയോഗിക്കേണ്ടതാണ്.
ഫോം 7: ആധാർ വിശദാംശങ്ങൾക്കായി എൻറോൾ ചെയ്യാനോ അപ്ഡേറ്റ് ചെയ്യാനോ ആഗ്രഹിക്കുന്ന, 18 വയസ്സിന് മുകളിലുള്ള വിദേശ പൗരനാണ് ഫോം 7 ഉപയോഗിക്കേണ്ടത്. ഈ വിഭാഗത്തിൽ ചേരുന്നതിന് വിദേശ പാസ്പോർട്ട് ഒ സി ഐ കാർഡ്, സാധ്യത ദീർഘകാല വിസ, ഇന്ത്യൻ വിസ, എന്നിവയുടെ വിശദാംശങ്ങൾ ആവശ്യമാണ്. ഇവിടെയും ഇമെയിൽ ഐ ഡി നിർബന്ധമായിരിക്കും..
ഫോം 8: 18 വയസ്സിന് താഴെയുള്ള വിദേശ പൗരന്മാർക്ക് ഫോം 8 ഉപയോഗിക്കേണ്ടതാണ്.
ഫോം 9: 18 വയസ്സ് തികയുമ്പോൾ ആധാർ നമ്പർ റദ്ദാക്കുന്നതിന് ഫോം 9 ഉപയോഗിക്കാമെന്ന് യു ഐ ഡി എ ഐ അറിയിച്ചു.
Click it and Unblock the Notifications
Sign in with Google