ചോരയുറയ്ക്കുന്ന കൊലപാതകങ്ങള്‍ നടത്തിയ സുന്ദരിമാര്‍... കേട്ടാല്‍ ഞെട്ടും, ഞെട്ടിത്തരിക്കും!!!

ഒരാള്‍ കൊലപാതകം ചെയ്യുന്നത് ജന്മനാ കുറ്റവാളി ആയതുകൊണ്ടല്ല, അവരുടെ സാഹചര്യങ്ങള്‍ കൊണ്ട് കൂടിയാണ്. കൊലപാതക കേസില്‍ കുടുങ്ങിയ സുന്ദരിമാരെ കുറിച്ചാണ് വാര്‍ത്ത

കൊലപാതകം എന്നത് ഒരു കുറ്റകൃത്യമാണ്. അതിനും അപ്പുറത്തേയ്ക്ക് ഒരു ജീവന്‍ പിഴുതെടുത്ത് കളയുന്ന നിശിതമായ കര്‍മം. ആരൊക്കെ കൊലപാതകിയാകും ആകില്ല എന്നൊന്നും പറയാന്‍ പറ്റില്ല. സാഹചര്യങ്ങളാണ് ആളുകളെ കുറ്റവാളികളാക്കുന്നത്.

എന്നാല്‍ കൊലപാതകിയുടെ മുഖം എന്ന് ചിന്തിക്കുമ്പോള്‍ പലപ്പോഴും അതി സുന്ദരികളായ സ്ത്രീകളുടെ മുഖങ്ങള്‍ ചിന്താമണ്ഡലത്തില്‍ പ്രത്യക്ഷപ്പെടാറില്ല. അതെന്താ സുന്ദരികള്‍ക്ക് കൊലപാതകങ്ങള്‍ ചെയ്തുകൂടെ.

ലോകത്തെ ഞെട്ടിച്ച ചില കൊലപാതകങ്ങളെ കുറിച്ചാണ് ഇവടെ പറയുന്നത്. അത് ചെയ്തതാവട്ടെ അതീവ സുന്ദരിമാരും....

റോണ്ട ഗ്ലോവര്‍

മിസ് ഹോസ്റ്റണ്‍ സൗന്ദര്യ മത്സരത്തിലെ മത്സരാര്‍ത്ഥിയായിരുന്നു റോണ്ട ഗ്ലോവര്‍. അതി സുന്ദരി. എന്നാല്‍ അതി ക്രൂരമായ ഒരു കൊലപാതകവും ഇവര്‍ ചെയ്തിട്ടുണ്ട്.

കാമുകനെ വെടിവച്ച് കൊന്നു

സൗന്ദര്യ മത്സരത്തിലെ മത്സരാര്‍ത്ഥി എന്നതിനേക്കാള്‍ വാര്‍ത്താപ്രാധാന്യം കിട്ടിയത് ഈ സംഭവത്തിനായിരുന്നു. റോണ്ട ഗ്ലോവര്‍ തന്റെ കാമുകന്‍ ജിമ്മിയെ വെടിവച്ചു കൊന്നു. 10 തവണ വെടിയുതിര്‍ത്തു. 2004 ല്‍ ആയിരുന്നു സംഭവം. റോണ്ടയ്ക്ക് കിട്ടിയത് 46 വര്‍ഷത്തെ തടവ് ശിക്ഷ.

എകറ്ററീന

റഷ്യന്‍ സൗന്ദര്യധാമമാണ് എകറ്ററീന. 2012 ല്‍ മിസ് ഡാല്‍നെറെകെന്‍സ് ആയി തിരഞ്ഞെടുക്കപ്പെട്ട സുന്ദരി. മുന്‍ കാമുന്റെ മകളെ കഴുത്ത് ഞെരിച്ച് കൊല്ലുകയായിരുന്നു ഇവര്‍.

പ്രതികാരം

അതി ക്രൂരമായ ഒരു പ്രതികാരമായിരുന്നു ആ കൊലപാതകം. ബന്ധം തകര്‍ന്നതിന് മുന്‍ കാമുകന്റെ മകളെ കഴുത്ത് ഞെരിച്ച് ശ്വാസം മുട്ടിച്ച് കൊല്ലുക. കാമുന്റെ രണ്ടാമത്തെ മകനേയും കൊല്ലുമെന്ന് ഇവര്‍ ഭീഷണിപ്പെടുത്തിയിരുന്നത്രെ. 12 വര്‍ഷത്തെ തടവ് ശിക്ഷയാണ് ഇവര്‍ക്ക് ലഭിച്ചത്.

ഷാരോണ്‍

2003 ല്‍ മിസ് സാവന്ന ആയി തിരഞ്ഞെടുക്കപ്പെട്ട സുന്ദരിയാണ് ഷാരോണ്‍ നിക്കോള്‍. എന്നാല്‍ മാധ്യമ ശ്രദ്ധ കൂടുതല്‍ ലഭിച്ചത് കാമുകനെ വെടിവച്ച് കൊന്നപ്പോള്‍ ആയിരുന്നു.

സ്വയരക്ഷ

കാമുകനെ വെടിവച്ച് കൊന്ന കേസില്‍ ഷാരോണ്‍ കുറ്റക്കാരിയാണെന്ന് കോടതി കണ്ടെത്തി. എന്നാല്‍ സ്വയ രക്ഷയ്ക്ക് വേണ്ടി താന്‍ വെടിയുതിര്‍ക്കുകയായിരുന്നു എന്ന വാദം അംഗീകരിക്കപ്പെട്ടു.

റൂത്ത് വാഞ്ചിറു

റൂത്ത് വാഞ്ചിറു കമാന്‍ഡ എന്നാണ് ഈ കെനിയന്‍ സുന്ദരിയുടെ പേര്. ഇപ്പോള്‍ പ്രായം 23 വയസ്സ്. റൂത്ത് സൗന്ദര്യമത്സരത്തില്‍ പങ്കെടുത്ത് വിജയിച്ചത് ജയില്‍ വച്ചായിരുന്നു. കാമുകനെ കുത്തിക്കൊന്നാണ് ജയിലില്‍ പോയത്.

ജയില്‍

കാമുകന് വന്ന ചില പ്രണയ സന്ദേശങ്ങളാണ് റൂത്തിനെ പ്രകോപിപ്പിച്ചത്. പിന്നെ ഒന്നും നോക്കിയില്ല കത്തിയെടുത്ത് കുത്തിക്കുത്തി കൊന്നു. അതിന് ശേഷം ജയിലില്‍ ആയി. അവിടെ നടന്ന സൗന്ദര്യ മത്സരത്തില്‍ മിസ് ലങ്കാട്ട പ്രിസണ്‍ ആയി തിരഞ്ഞെടുക്കപ്പെട്ടു.

English summary

The life of a beauty queen is fun and exciting with beautiful dresses and crowns however. Sadly there quite a few of them who have had their happiness cut shot when they have been accused of killing someone.