Viral Video: നാസയ്ക്ക് വെല്ലുവിളിയാകുമോ, ചുണ്ടിലെ സിഗരറ്റ് തീയില് റോക്കറ്റ് ആകാശത്തേക്ക്, വൈറല്
രാജ്യം ദീപാവലി ആഘോഷത്തിന്റെ തിരക്കിലാണ്. ദീപങ്ങള് തെളിയിച്ചും പടക്കങ്ങള് പൊട്ടിച്ചുമുള്ള ആഘോഷത്തിലാണ് എല്ലാവരും. ഇപ്പോള് സോഷ്യല് മീഡിയ തുറന്നാല് ദീപാവലി ആഘോഷത്തിന്റെ വീഡിയോകളും ചിത്രങ്ങളും വൈറലാകുകയാണ്. എന്നാല് ഇപ്പോഴിതാ സോഷ്യല് മീഡിയയില് വ്യത്യസ്തമായ ഒരു ദീപാവലി ആഘോഷമാണ് വൈറലാകുന്നത്. ചിരിയടക്കി പിടിച്ച് ആര്ക്കും ഈ വീഡിയോ കാണാനാകില്ല. ദീപാവലി ദിനത്തില് റോക്കറ്റ് കത്തിച്ചു വിടുന്ന ഒരു വയോധികന്റെ വീഡിയോയാണിത്.
വായില് കത്തിച്ച സിഗരറ്റില് നിന്നും റോക്കറ്റുകള്ക്ക് തീ കൊടുത്താണ് അദ്ദേഹം ആകാശത്തേക്ക് പറപ്പിക്കുന്നത്. ദീപാവലിക്ക് തൊട്ടുമുമ്പ് ഇന്ത്യന് ഫോറസ്റ്റ് സര്വീസ് ഓഫീസര് സുശാന്ത നന്ദ ട്വിറ്ററില് പങ്കുവെച്ച ഈ വീഡിയോ വൈറലായിരിക്കുകയാണ്. ഒട്ടേറെ പേരാണ് ഈ വീഡിയോ സോഷ്യല് മീഡിയ വഴി കണ്ടിരിക്കുന്നത്.
നാസയുടെ സ്ഥാപകന് തീര്ച്ചയായും ഇന്ത്യയില് നിന്നാണെന്ന അടിക്കുറിപ്പോടെയാണ് സുശാന്ത് നന്ദ ഈ വീഡിയോ പോസ്റ്റ് ചെയ്തത്. 20 സെക്കന്ഡ് ദൈര്ഘ്യമുള്ള വീഡിയോയില്, വയോധികന് കത്തുന്ന സിഗരറ്റ് വായ്ക്കിടയില് പിടിച്ച് ആകാശത്തേക്ക് റോക്കറ്റുകള് വിടുന്നത് കാണാം. റോക്കറ്റ് വിടുന്നതിന്റെ ശബ്ദം വ്യക്തമായി വീഡിയോയില് കേള്ക്കാം.
നടു റോഡില് നിന്ന് വെറും 20 സെക്കന്റ് കൊണ്ട് 11 ഓളം റോക്കറ്റുകളാണ് അദ്ദേഹം സിഗരറ്റ് ഉപയോഗിച്ച് ആകാശത്തേക്ക് വിട്ടത്. അപകടം പിടിച്ച പരിപടിയാണെങ്കിലും അദ്ദേഹത്തിന് ഒന്നും സംഭവിച്ചിട്ടില്ല. ഒരു കൂസലുമില്ലാതെയാണ് അദ്ദേഹം റോക്കറ്റ് ആകാശത്തേക്ക് വിട്ട് നില്ക്കുന്നത്.
പത്ത് ലക്ഷത്തിനടുത്തോളം പേരാണ് ഈ വീഡിയോ മണിക്കൂറുകള്ക്കുള്ളില് കണ്ടത്. വീഡിയോ കണ്ടതിന് ശേഷം, ചില സോഷ്യല് മീഡിയ ഉപയോക്താക്കള് അദ്ദേഹത്തെ രജനികാന്ത് എന്നും ചിലര് അദ്ദേഹത്തെ 'റോക്കറ്റ്മാന്' എന്നും വിശേഷിപ്പിച്ചു, മറ്റുള്ളവര് അദ്ദേഹത്തെ സ്പേസ് എക്സ് സി ഇ ഒ ഇലോണ് മസ്കിനെ പരിചയപ്പെടുത്തണമെന്നും ആവശ്യപ്പെട്ടു.
എന്താലായലും ഈ വീഡിയോ സോഷ്യല് മീഡിയയെ ശരിക്കും അമ്പരപ്പിച്ചിട്ടുണ്ട്. അതേസമയം, നന്മയുടെയും വെളിച്ചത്തിന്റെയും ആഘോഷമായ ദീപാവലി ആഘോഷിക്കുകയാണ് രാജ്യമെങ്ങും. കൊവിഡ് നിയന്ത്രണങ്ങള് ഇല്ലാത്ത ദീപാവലിയെന്നാണ് ഇത്തവണത്തെ ഏറ്റവും വലിയ പ്രത്യേകത.
ഇതിനിടെ, അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായി, ദീപാവലി ആഘോഷങ്ങളില് പടക്കം പൊട്ടിക്കുന്നത് രാത്രി എട്ടു മുതല് 10 വരെയുമായി നിയന്ത്രിച്ച് സര്ക്കാര് ഉത്തരവ് പുറപ്പെടുവിച്ചിട്ടുണ്ട്. ദേശീയ ഹരിത ട്രിബ്യൂണലിന്റെ ഉത്തരവിന്റെ അടിസ്ഥാനത്തിലാണു നിര്ദേശം. ദീപാവലി ആഘോഷങ്ങള്ക്കു രാത്രി എട്ടു മുതല് പത്തു വരെയും മാത്രമായി പടക്കം പൊട്ടിക്കാന് സമയം പരിമിതപ്പെടുത്തിയാണ് ട്രിബ്യൂണലിന്റെ ഉത്തരവ് പുറപ്പെടുവിച്ചിട്ടുള്ളത്.
ആഘോഷങ്ങളില് ഹരിത പടക്കം മാത്രമേ ഉപയോഗിക്കാന് പാടുള്ളൂ. പടക്കം പൊട്ടിക്കുന്നതിനുള്ള സമയ നിയന്ത്രണം ഉറപ്പാക്കുന്നതിനും സംസ്ഥാനത്ത് ഹരിത പടക്കങ്ങള് മാത്രമേ വില്ക്കുന്നുള്ളൂവെന്ന് ഉറപ്പാക്കുന്നതിനും ജില്ലാ കളക്ടര്മാര്ക്കും ജില്ലാ പൊലീസ് മേധാവിമാര്ക്കും നിര്ദേശം നല്കി ആഭ്യന്തര വകുപ്പ് ഉത്തരവു പുറപ്പെടുവിച്ചു.
-
കാവ്യയെ ആണ് ആദ്യം വിളിച്ചത്, പിന്നാലെ ദിലീപേട്ടനെ വിളിച്ചു, നടൻ പറഞ്ഞത്..'ശാലു മേനോൻ പറയുന്നു -
മുസ്ലീം യുവാവുമായി പ്രണയം, നാട് വിട്ടോടി കേരളത്തിലെത്തി വൈറൽ താരം മോണാലിസ, ഇന്ന് വിവാഹം -
യുദ്ധം കൂടിയാലും സ്വര്ണവില കൂടില്ല.. കാരണം ദുബായ്! യഥാര്ത്ഥത്തില് സംഭവിച്ചത് ഇത്... -
വിജയ് സംഗീത വിവാഹ മോചനത്തിനിടെ ജയം രവിയുടെ വേറിട്ട പ്രതികരണം; സോഷ്യല് മീഡിയയില് ചര്ച്ച -
അവസാന ശ്രമമായി പിണറായിയുടെ വിളി, സുധാകരനെ അനുനയിപ്പിക്കാൻ സിപിഎം നേതാക്കൾ വീണ്ടും വീട്ടിലെത്തി -
സൗദി അറേബ്യ നിര്ത്തിയാലും പ്രശ്നമില്ല; എണ്ണ ഒഴുക്കാന് പാശ്ചാത്യ രാജ്യങ്ങള്, സുപ്രധാന നീക്കം ഇങ്ങനെ -
മോദി ഭക്തയല്ല, നമ്മുടെ പ്രധാനമന്ത്രിയല്ലേ, സ്നേഹമാണ് എന്ന് പ്രിയങ്ക, വര്ക്കലയില് മല്സരിക്കാന് റോബിന് -
നരേന്ദ്ര മോദി ക്ഷണിച്ച പരിപാടിക്ക് ചെന്നപ്പോള് ആധാര് കാര്ഡ് ചോദിച്ചു; തര്ക്കം, അപമാനം എന്ന് മന്ത്രി രാജേഷ് -
മൊണാലിസയുടെ വിവാഹത്തിനെതിരെ ബിജെപി;'ക്ഷേത്രങ്ങൾ നിരീശ്വരവാദികൾക്ക് തോന്നിയവാസം കാട്ടാനുള്ളതല്ല' -
'മരുമകൻ അല്ലെടോ.. അത് കേരളത്തിന്റെ പൊതുമരാമത്ത് വകുപ്പ് മന്ത്രിയാണ്'; മറുപടിയുമായി തോമസ് ഐസക് -
വ്യാഴം മാറുമ്പോൾ എട്ടിന്റെ പണി; ഈ രാശിക്കാർക്ക് ധന നഷ്ടം, കുടുംബ ജീവിതത്തിൽ താളപ്പിഴ, മാർച്ച് 11 മുതൽ -
'അഡ്രസ് പോലും വ്യാജം; ചെയ്തത് ക്രിമിനല് കുറ്റം' ശ്രീനാദേവി കുഞ്ഞമ്മക്കെതിരേ ആരോപണങ്ങളുമായി ഷഹനാസ്
Click it and Unblock the Notifications
Sign in with Google