ഭൂകമ്പത്തില് രക്ഷപ്പെടുന്നതിനിടെ കാണാതായി; 17 ദിവസത്തിന് ശേഷം കണ്ടെത്തി; അത്ഭുതമായി ഈ മനുഷ്യന്
ഇതുപോലൊരു ഭാഗ്യം ഏതെങ്കിലും മനുഷ്യന് കിട്ടുമോ..സംഭവം കേട്ടവരൊക്കെ അത്ഭുതപ്പെടുകയാണ്.ഭൂകമ്പത്തിനിടെ മലനിരകളിൽ കാണാതായ ചൈനീസ് തൊഴിലാളിയെ പതിനേഴ് ദിവത്തിന് ശേഷം കണ്ടെത്തിയിരിക്കികയാണ്. റിക്ടർ സ്കെയിലിൽ 6.6 തീവ്രത രേഖപ്പെടുത്തിയ ഭൂചലനത്തിൽ തെക്കുപടിഞ്ഞാറൻ സിചുവാൻ പ്രവിശ്യയിൽ ഈ മാസം ആദ്യം 93 പേർ കൊല്ലപ്പെടുകയും ആയിരക്കണക്കിനാളുകളെ താൽക്കാലിക ക്യാമ്പുകളിലേക്ക് പുനരധിവസിപ്പിക്കുകയും ചെയ്തിരുന്നു.
അതിനിടെയാണ് സിച്ചുവാനിലെ വാൻഡോംഗ് ജലവൈദ്യുത നിലയത്തിലെ ജീവനക്കാരനായ ഗാൻ യുവിനെ കാണാതായത്. ഇപ്പോൾ അദ്ദേഹത്തെ ജീവനോടെ കണ്ടെത്തിയതായി സർക്കാർ ഉടമസ്ഥതയിലുള്ള ചൈന നാഷണൽ റേഡിയോ (സിഎൻആർ) വ്യക്തമാക്കുന്നു,.. ഇദ്ദേഹത്തിന്റെ രക്ഷാപ്രവർത്തനത്തെ "ജീവന്റെ അത്ഭുതം" എന്ന് വിളിക്കുന്നു. സെപ്റ്റംബർ 5 ന് ഭൂകമ്പമുണ്ടായപ്പോൾ ഗാൻ തന്റെ സഹപ്രവർത്തകനായ ലുവോ യോങ്ങിനൊപ്പം ഡ്യൂട്ടിയിലായിരുന്നു, പരിക്കേറ്റ സഹപ്രവർത്തകർക്ക് പ്രഥമശുശ്രൂഷ നൽകാനും ഡാമിൽ നിന്ന് വെള്ളം തുറന്നുവിട്ട് വെള്ളപ്പൊക്കം തടയാനും ഇവർ ശ്രമിക്കുകയായിരുന്നു...
അവർ 20 കിലോമീറ്റർ (12 മൈൽ) നടന്ന് റിമോട്ട് പവർ സ്റ്റേഷൻ വിടാൻ ശ്രമിച്ചു.പക്ഷേ, കാഴ്ചയ്ക്ക് ചെറിയ പ്രശ്നമുള്ള ഗാന്റെ കണ്ണട ഭൂകമ്പത്തിനിടെ നഷ്ടപ്പെടുകയും പർവതപ്രദേശങ്ങളിൽ സഞ്ചരിക്കാൻ പാടുപെടുകയും ചെയ്തതായി സിഎൻആർ പറഞ്ഞു.
സഹായത്തിനായി ദൂരെയുള്ള രക്ഷാപ്രവർത്തകർക്ക് സൂചന നൽകാൻ രണ്ടുപേരും തീവ്രമായി ശ്രമിച്ചു."ഞങ്ങൾ ഞങ്ങളുടെ വസ്ത്രങ്ങൾ അഴിച്ചു, മരക്കൊമ്പുകളിൽ കെട്ടിയിട്ട് ചുറ്റും വീശി," ലുവോ സിഎൻആറിനോട് പറഞ്ഞു.
ലുവോ സഹായം തേടി പോകുമ്പോൾ ഗാൻ മാറിനിൽക്കണമെന്ന് അവർ ഒടുവിൽ തീരുമാനിച്ചു. പായലും മുളയുടെ ഇലകളും കൊണ്ട് ഗാനെ ഒരു കിടക്കയാക്കാൻ ലുവോ സഹായിച്ചു, രണ്ടുപേരും വേർപിരിയുന്നതിനുമുമ്പ് അദ്ദേഹത്തിന് കുറച്ച് കാട്ടുപഴങ്ങൾ കഴിക്കാൻ കൊടുത്തു.
ലുവോയെ സെപ്തംബർ 8 ന് രക്ഷാപ്രവർത്തകർ ഒരു ഹെലികോപ്റ്ററിൽ വന്ന് കണ്ടെത്തി, എന്നാൽ സെപ്തംബർ 11 ന് ഗാനിനെ താൽക്കാലിക മായി നിർത്തിയിരുന്ന സ്ഥലത്ത് എത്തുമ്പോഴേക്കും അവിടേനിന്ന് കാണാതായിരുന്നു. വസ്ത്രങ്ങളും കാൽപ്പാടുകളും മാത്രം കണ്ടെത്തി. ഗാൻ ഹൈപ്പോതെർമിയയ്ക്ക് കീഴടങ്ങുമെന്ന് രക്ഷാപ്രവർത്തകർ ഭയപ്പെട്ടു.
ഈ ആഴ്ച ആദ്യം, പ്രാദേശിക കർഷകനായ നി ടൈഗാവോ പവർ പ്ലാന്റ് സ്ഥിതിചെയ്യുന്ന പർവതത്തിന്റെ അടിവാരത്തുള്ള തന്റെ ഗ്രാമത്തിലേക്ക് മടങ്ങുകയും ഗാനിനെ അന്വേഷിക്കുന്നതിനോടൊപ്പം ചേർന്നു. ഗ്രാമവാസി തന്റെ പ്രാദേശിക അറിവുകൾ ഉപയോഗപ്പെടുത്തുകയും ബുധനാഴ്ച രാവിലെ തിരച്ചിലിൽ ചേരുകയും ചെയ്തു. വെറും രണ്ട് മണിക്കൂർ ട്രെക്കിംഗിന് ശേഷം, ഗാനിന്റെ നേർത്ത കരച്ചിൽ കേട്ടു, താമസിയാതെ അയാൾ ചില മരങ്ങൾക്കടിയിൽ കിടക്കുന്നത് കണ്ടു. അദ്ദേഹത്തെ ബുധനാഴ്ച അടുത്തുള്ള ആശുപത്രിയിലേക്ക് കൊണ്ടുപോയി.
Click it and Unblock the Notifications
Sign in with Google