മുകേഷ് അംബാനിയുടെ മകളെ ആനന്ദ് പിരാമല്‍ പ്രപ്പോസ് ചെയ്തത് ഇങ്ങനെ, വിവാഹത്തിന് ചെലവായത് കോടികള്‍

Updated: Friday, May 19, 2023, 1:45 [IST]

മുംബൈ: മുകേഷ് അംബാനിയുടെ മകള്‍ ഇഷാ അംബാനിയുടെ പ്രണയകഥ പലര്‍ക്കും അറിയില്ല. റിലയന്‍സിന്റെ ചുമതലയുള്ള അധികാരികളില്‍ ഒരാള്‍ മാത്രമായിട്ടാണ് ഇഷയെ പലര്‍ക്കും പരിചയം. എന്നാല്‍ അതിലും എത്രയോ വലുതാണ് ഇഷയുടെ ജീവിതം. റിലയന്‍സിന്റെ ഫാഷന്‍ മുഖമായിട്ടാണ് ഇഷ അറിയപ്പെടുന്നത്. അവരുടെ സ്വകാര്യ ജീവിതവും, ജോലി സംബന്ധമായ കാര്യങ്ങളും തമ്മില്‍ കൃത്യമായ ബാലന്‍സിംഗ് നടത്തുന്നുണ്ട്.

അതുകൊണ്ട് തന്നെ പലരും ഇവരുടെ വ്യക്തിജീവിതത്തെ കുറിച്ച് അറിയില്ല. എന്നാല്‍ ഇഷയുടെ വിവാഹത്തിന് കോടികളാണ് മുകേഷ് അംബാനി പൊടിച്ചത്. വലിയൊരു പ്രണയകഥയും ഇതിന് പിന്നിലുണ്ട്. അത് എന്താണെന്ന് നോക്കാം.

ചില്ലറക്കാരനല്ല ആനന്ദ്

ആനന്ദ് പിരാമല്‍ ആള് ചില്ലറക്കാരനല്ല.അദ്ദേഹത്തിന്റെ പിതാവ് അജയ് പിരാമലിന് മൂന്ന് ബില്യണിന്റെ സ്വത്തുണ്ട്. അതായത് 25000 കോടിയോളം വരുമിത്. ഇഷയും വരുമാനത്തില്‍ ഒട്ടും മോശമല്ല. 100 മില്യണിന്റെ സമ്പത്താണ് ഇഷയ്ക്കുള്ളത്.

അതേസമയം ഇഷയുടെ വിവാഹത്തിനായി മുകേഷ് അംബാനി ചെലവാക്കിയത് 700 കോടി രൂപയാണ്. ഇന്ത്യന്‍ ചരിത്രത്തിലെ തന്നെ ഏറ്റവും ചെലവേറിയ വിവാഹങ്ങളിലൊന്നാണിത്.

ഇഷയുടെ പ്രണയം തുടങ്ങുന്നത് ഇങ്ങനെ

ഇഷയും ആനന്ദ് പിരാമലും പരസ്പരം അറിയുന്നത് ഇവരുടെ മാതാപിതാക്കളുടെ 40 വര്‍ഷത്തെ സൗഹൃദം കൊണ്ടാണ്. ആനന്ദ് കരിയര്‍ എന്തിലാവണം എന്ന് ആലോചിച്ച് ഇരിക്കുമ്പോഴാണ് ആനന്ദിന് മുകേഷ് അംബാനിയുടെ ഉപദേശം ലഭിക്കുന്നത്.

കണ്‍സള്‍ട്ടന്‍സിയോ, ബാങ്കിംഗോ തിരഞ്ഞെടുക്കുനായിരുന്നു ആനന്ദിന് താല്‍പര്യം. എന്നാല്‍ ബിസിനസ് തിരഞ്ഞെടുക്കാന്‍ ആനന്ദിനെ പ്രചോദിപ്പിക്കുകയായിരുന്നു മുകേഷ്.

വിവാഹ പ്രപ്പോസല്‍

2016ലാണ് ആനന്ദ് പിരാമലും ഇഷാ അംബാനിയും തമ്മിലുള്ള പ്രണയം ആരംഭിച്ചത്. 2018 മെയ് മാസത്തില്‍ മഹാബലേശ്വര്‍ ക്ഷേത്രത്തില്‍ ഇരുവരും സന്ദര്‍ശനത്തിനെത്തിയിരുന്നു. ഒരു കാലില്‍ മുട്ടുകുത്തി നിന്നായിരുന്നു ആനന്ദ് ഇഷയെ പ്രപ്പോസ് ചെയ്തത്. അതിന് ശേഷം ഇവര്‍ മൊത്തം കുടുംബത്തെയും ക്ഷണിച്ച് ഇക്കാര്യം അറിയിക്കുകയായിരുന്നു.

മെയ് മാസത്തില്‍ വലിയൊരു പാര്‍ട്ടിയും അതോടെ നടത്തിയിരുന്നു. ക്രിക്കറ്റ്-സിനിമാ മേഖലയില്‍ നിന്നുള്ള പ്രമുഖരെല്ലാം അതില്‍ പങ്കെടുത്തിരുന്നു. 2018ല്‍ ഇരുവരുടെയും മോതിരം മാറല്‍ നടന്നിരുന്നു. ഇറ്റലിയില്‍ വെച്ചായിരുന്നു ചടങ്ങ്. മൂന്ന് ദിവസത്തെ പാര്‍ട്ടിയുമുണ്ടായിരുന്നു.

700 കോടിയുടെ വിവാഹം

2018 ഡിസംബര്‍ 12നായിരുന്നു ഇവരുടെ വിവാഹം. വെഡ്ഡിംഗ് പാര്‍ട്ടി അടക്കം ഇതില്‍ ശ്രദ്ധിക്കപ്പെട്ടിരുന്നു. 700 കോടിയുടെ വിവാഹമാണ് നടന്നത്. ആനന്ദ് കുതിരപ്പുറത്തേറുന്ന ആഘോഷങ്ങളുമുണ്ടായിരുന്നു. വരമാല ചടങ്ങിന് ആനന്ദ്-ആകാശ് അംബാനിമാരും ഉണ്ടായിരുന്നു. ഇവരാണ് വരനെ ആനയിച്ചത് കൊണ്ടുവന്നത്.

സമ്മാനങ്ങള്‍ ഇങ്ങനെ

കോടികള്‍ വിലയുള്ള സമ്മാനങ്ങളാണ് ഇഷയ്ക്ക് ലഭിച്ചത്. വര്‍ളിയില്‍ കോടികളുടെ മൂല്യമുള്ള ഒരു വീടുണ്ട് ഇഷയ്ക്ക്. ഗുലിട്ട എന്ന ഈ വീട് ആനന്ദിന്റെ മാതാപിതാക്കളായ അജയ്-സ്വാതി എന്നിവര്‍ ചേര്‍ന്ന് നല്‍കിയതാണ്. 450 കോടി വില വരുന്നതാണ് ഈ ആഢംബര കൊട്ടാരം.