മുകേഷ് അംബാനിയേക്കാള് കാറുകളില് മുമ്പന്, പൂനാവാല കുടുംബത്തിലെ അംഗം, ശേഖരത്തില് ഈ കാറുകള്
ന്യൂഡല്ഹി: മുകേഷ് അംബാനിയേക്കാള് കൂടുതല് കാറുകള് ഉള്ള ആരെങ്കിലും ഇന്ത്യയിലുണ്ടാവുമോ? എങ്കില് അതിന് ഉണ്ടാവുമെന്ന് തന്നെയാണ് ഉത്തരം. വിന്റേജ് റോള്സ് റോയ്സ്, ലിമൂസിനുകള് അടക്കം നിരവധി കാറുകളാണ് അത്തരമൊരു ബിസിനസുകാരന്റെ കൈവശമുള്ളത്. പറഞ്ഞുവരുന്നത് പൂനാവാല കുടുംബത്തെ കുറിച്ചാണ്. സൈറസ് പൂനാവാല മുതല് ആധാര് പുനാവാല വരെയുള്ള പ്രമുഖന്മാരുള്ള കുടുംബത്തില് നിന്നാണ് ഇയാളുടെയും വരവ്.
യൊഹാന് പൂനാവാലയെന്ന അധികം ആരുമറിയാത്ത കാര് കളക്ടറാണ് ഇയാള്. ഇത്തരത്തില് നിരവധി വിന്റേജ് കാറുകള് യൊഹാന് ശേഖരിച്ചിട്ടുണ്ട്. നൂറ് കോടി രൂപയ്ക്ക് മുകളില് മൂല്യം വരുന്ന കാറുകള് യൊഹാന് സ്വന്തമായിട്ടുണ്ട്. ഇന്ത്യയില് ഏറ്റവും കൂടുതല് കാര് ശേഖരമുള്ളത് യൊഹാനാണ്. ആഗോള തലത്തില് നിന്ന് നിരവധി പഴയ മോഡല് കാറുകള് അദ്ദേഹം ഇന്ത്യയിലെത്തിച്ചിട്ടുണ്ട്. അടുത്തിടെയാണ് യൊഹാന് കളക്ടര് ഓഫ് ദ ഇയര് പുരസ്കാരം ലഭിച്ചത്.
ദോഹയില് നടന്ന ജനീവ മോട്ടോര് ഷോയില് വെച്ചായിരുന്നു പുരസ്കാരം ലഭിച്ചത്. ഇന്ത്യയിലെ ഏറ്റവും സമ്പന്ന കുടുംബങ്ങളിലൊന്നാണ് പൂനാവാല കുടുംബം. ഇത്തരം ശേഖരങ്ങള് പൂനാവാല കുടുംബത്തില് ഒരുപാട് പേര്ക്കുണ്ട്. ആധാര് പൂനാവാലയുടെ മൂത്ത കസിനാണ് യൊഹാന്. അദ്ദേഹം വാര്ത്തകളില് ഇത്തരം കാര് വാങ്ങലുകള് കാരണം ഇടംപിടിക്കാറുണ്ട്. ഇന്ത്യയിലെ സെറി ഇന്സ്റ്റിറ്റ്യൂട്ടിന്റെ സ്ഥാപകരിലൊരാളായ സാവരേ പൂനാവാലയുടെ മകനാണ് യൊഹാന് പൂനാവാല.
പ്രൈവറ്റ് ഹെലികോപ്ടറുകളും, അതിലെ നമ്പറുകളില് സെഡ്പിഎം എന്ന് കുറിക്കുകയും ചെയ്യാറുണ്ട് യൊഹാന്. ഇത് അദ്ദേഹം സ്വന്തമാക്കുന്ന എല്ലാ കാറുകളിലും ഉള്ളതാണ്. അതേസമയം യൊഹാന്റെ കാറുകളോടുള്ള വലിയ താല്പര്യം 1931 മോഡല് ഷെവറലറ്റ് ആണ് അദ്ദേഹം ആദ്യം സ്വന്തമാക്കിയത്. യൊഹാന്റെ കുടുംബം ഉയര്ച്ചയിലേക്ക് എത്തിയത് മുതലാണ് കാര് ശേഖരവും ആരംഭിച്ചത്. കൂടുതല് വമ്പന് വാഹനങ്ങളായിരുന്നു പിന്നാലെ ഗ്യാരേജിലേക്ക് എത്തിയത്.
ലോകത്തുള്ള നിരവധി കമ്പനികളുടെ കാറുകള് അദ്ദേഹത്തിന്റെ ഗ്യാരേജിലുണ്ട്. ഇന്ത്യയില് പോലും അപൂര്വമായ കാറുകള് ഇതിലുണ്ട്. ബെന്റ്ലി ബെന്ടൈഗ, ലാന്ഡ് റോവര് ഡിഫന്ഡര്, ഫെരാരി 488 പിസ്ത സ്പൈഡര്, റോള്സ് റോയ്സ് ഫാന്റം, ലമ്പോര്ഗിനി ഗല്ലാര്ഡോ എന്നിവയെല്ലാം യൊഹാന്റെ ശേഖരത്തിലുണ്ട്. പൂനാവാല എഞ്ചിനീയറിംഗ് ഗ്രൂപ്പിന്റെ ചെയര്മാന് കൂടിയാണ് യൊഹാന്.
സെറം ഇന്സ്റ്റിറ്റ്യൂട്ടില് അദ്ദേഹത്തിന് ഓഹരി പങ്കാളിത്തമുണ്ട്. പൂനാവാല ഫിനാന്ഷ്യല്സിന്റെ ചെയര്മാനുമാണ് യൊഹാന്. കുതിരയോട്ട മേഖലയില് അറിയപ്പെട്ടുന്ന വ്യക്തി കൂടിയാണ് അദ്ദേഹം. പൂനാവാല സ്റ്റഡ് ഫാംസ് കുതിരയോട്ടങ്ങളില് ചാമ്പ്യന്മാരായ കുതിരകളെ അമേരിക്ക,ഹോങ്കോംഗ്, സിംഗപ്പൂര്, ദുബായ്, മലേഷ്യ, എന്നിവിടങ്ങളില് നിന്ന് ഇന്ത്യയിലെത്തിച്ചിട്ടുമുണ്ട്. പൂനാവാല കുടുംബത്തിന്റെ ആസ്തി 27 ബില്യണിന് മുകളിലാണ്.
Click it and Unblock the Notifications
Sign in with Google