ആളുകളെ ഇനി റോബോട്ടുകള് കൊല്ലും; നീക്കത്തിന് പിന്നില് ഒരു കാരണം, പൊലീസ് പറയുന്നത് ഇങ്ങനെ
സാന്ഫ്രാന്സിസ്കോ: സാങ്കേതിക വിദ്യ ഓരോ ദിവസം കഴിയുമ്പോഴും പുരോഗമിക്കുകയാണ്. മനുഷ്യസാധ്യമായ കാര്യങ്ങള് എല്ലാം തന്നെ ഇന്ന് യന്ത്രങ്ങള് ചെയ്യുന്ന കാലത്തിലേക്ക് കടന്നിരിക്കുകയാണ്. സാങ്കേതിക വിദ്യ വികസിച്ചതോടെ ഇന്നത്തെ കാലത്ത് വിവിധ മേഖലകളില് റോബോട്ടുകള്ക്ക് സ്ഥാനം നേടിയിരിക്കുകയാണ്. സ്വന്തമായോ നിര്ദ്ദേശങ്ങള് അനുസരിച്ചോ പ്രവൃത്തികള് ചെയ്യാന് കഴിവുള്ള ഒരു ഇലക്ട്രോ-മെക്കാനിക്കല് ഉപകരണമാണ് റോബോര്ട്ടുകള്.
ഇലക്ട്രോണിക് പ്രോഗ്രാമിംഗ് ആണ് റോബോട്ടുകളെ നിയന്ത്രിക്കുന്നത്. പൂര്ണ്ണമായോ ഭാഗികമായോ ബാഹ്യനിയന്ത്രണമില്ലാതെ പ്രവൃത്തികള് ചെയ്യാന് റോബോട്ടുകള്ക്ക് സാധിക്കും. തൊഴിലാളികളെ മാറ്റിസ്ഥാപിക്കുന്നതിനാല് സാങ്കേതിക തൊഴിലില്ലായ്മ വര്ദ്ധിക്കുന്നതായി റോബോട്ടുകളെ കുറ്റപ്പെടുത്തുന്നുമുണ്ട്. സൈനിക പോരാട്ടത്തില് റോബോട്ടുകളുടെ ഉപയോഗം ധാര്മ്മിക ആശങ്കകള് ഉയര്ത്തുകയും ചെയ്തിരുന്നു.
എന്നാല് ഇപ്പോഴിതാ ആളെ കൊല്ലുന്നതിനായുള്ള അവകാശം റോബോട്ടുകളെ ഉപയോഗപ്പെടുത്താനുള്ള നീക്കം നടക്കുകയാണ്. സാന്ഫ്രാന്സിസ്കോ പൊലീസാണ് ഇതുമായി ബന്ധപ്പെട്ട നീക്കം നടത്തുന്നത്. കൊടും കുറ്റവാളികളെ കൊലപ്പെടുത്താനായി റോബോട്ടുകളെ ഉപയോഗപ്പെടുത്താന് കരട് സാന്ഫ്രാന്സിസ്കോ പൊലീസ് തയ്യാറാക്കി കഴിഞ്ഞെന്നാണ് റിപ്പോര്ട്ടുകളില് നിന്നും വ്യക്തമാകുന്നത്.
ഗുരുതരമായ കുറ്റകൃത്യങ്ങള് ഏര്പ്പെട്ടവരെ വധ ശിക്ഷയ്ക്ക് വിധിക്കാനുള്ള നിയമമുണ്ട്. ഈ ശിക്ഷ നടപ്പിലാക്കുന്നതിന് വേണ്ടിയാണ് റോബോട്ടുകളെ ഉപയോഗിക്കുന്നത്. നിലവില് സാന്ഫ്രാന്സിസ്കോ പൊലീസിന് 17 റോബോട്ടുകളാണുള്ളത്. ഈ റോബോട്ടുകള്ക്ക് കൊല്ലാനുള്ള അധികാരം നല്കുന്നതിന് നവംബര് 29ന് വോട്ടിംഗും സൂക്ഷ്മ പരിശോധനയും നടത്താന് തീരുമാനിച്ചിട്ടുണ്ട്.
ഇത്തരം റോബോട്ടുകളെ നിലവില് ബോംബുകള് നിര്വീര്യമാക്കുന്നതിനും മറ്റ് പരിശോധനകള്ക്കുമാണ് ഉപയോഗിച്ചിരുന്നത്. ചില ഭീകരരായ കുറ്റവാളികളെ നേരിടേണ്ടി വരുമ്പോഴും ഇത്തരം റോബോട്ടുകളുടെ സഹായം തേടാറുണ്ട്. ഇപ്പോള് നിലവിലുള്ള റോബോട്ടുകളെ മോഡിഫൈ ചെയ്തുകൊണ്ടാകും കൊല്ലാനുള്ള അനുമതി പൊലീസ് തേടുക.
ആവശ്യമായ പരിശീലനം പൂര്ത്തിയാക്കിയ നിയുക്ത ഓപ്പറേറ്റര്മാര്ക്ക് മാത്രമേ റോബോട്ടുകള് പ്രവര്ത്തിപ്പിക്കാന് അനുമതിയുള്ളൂ എന്നും നയത്തില് പറയുന്നു. നേരത്തെ, ആളുകളെ കൊല്ലാന് റോബോട്ടുകളെ വിന്യസിക്കില്ലെന്ന മാര്ഗനിര്ദേശം ഉള്പ്പെടുത്താന് പ്രാദേശിക നിയമനിര്മ്മാതാക്കള് ശ്രമിച്ചിരുന്നു. ഒരു വ്യക്തിക്കെതിരെയും ബലപ്രയോഗത്തിനുള്ള മാര്ഗമായി റോബോട്ടുകളെ ഉപയോഗിക്കരുതെന്നാണ് ഈ നിര്ദ്ദേശത്തില് പറഞ്ഞത്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google