19ാം വയസില് പിഎച്ച്ഡി, ആദ്യ മലയാളി; അപൂര്വ നേട്ടം സ്വന്തമാക്കി തനിഷ്ക് മാത്യു എബ്രഹാം
കാലിഫോര്ണിയ: 19ാം വയസില് പി എച്ച് ഡി സ്വന്തമാക്കി മലയാളികള്ക്ക് അഭിമാനമായി ഡോ തനിഷ്ക് മാത്യു എബ്രഹാം. യൂണിവേഴ്സ്റ്റി ഓഫ് കാലിഫോര്ണിയ ഡേവിസില് നിന്നാണ് തനിഷ്ക് 19ാം വയസില് ബയോമെഡിക്കല് എന്ജിനിയറിംഗില് പി എച്ച് ഡി സ്വന്തമാക്കിയത്. പി എച്ച് ഡി നേടാനുള്ള ശരാശരി പ്രായം 31 വയസാണ് എന്നിരിക്കെയാണ് തനഷ്ക് ഈ അപൂര്വ നേട്ടം സ്വന്തമാക്കിയത്.
പി എച്ച് ഡി നേടുന്ന ഏറ്റവും പ്രായം കുറഞ്ഞ മലയാളി, ബയോമെഡിക്കല് എന്ജിനിയറിംഗില് പി എച്ച് ഡി നേടുന്ന ലോകത്തിലെ ഏറ്റവും പ്രായം കുറഞ്ഞ വ്യക്തി കൂടിയാണ് തനിഷ്ക്. ജൂണ് 15ന് ആയിരുന്നു ബിരുദദാന ചടങ്ങ് നടന്നത്. കുട്ടിക്കാലത്ത് തന്നെ മികച്ച അക്കാദമിക് വൈദഗ്ദ്ധ്യം തനിഷ്കിനുണ്ടായിരുന്നു. മെഡിക്കല് നിര്മ്മിത ബുദ്ധി രംഗത്തേക്ക് തനിഷ്ക് മികച്ച സംഭാവനകള് നല്കുകയും ചെയ്തിട്ടുണ്ട്.
image credit: Tanishq Abraham insta page
രണ്ട് വയസുള്ളപ്പോള് തന്നെ പഠിക്കാനുള്ള അസാധാരണമായ അഭിരുചി തനിഷ്കിനുണ്ടായിരുന്നെന്ന് മാതാപിതാക്കള് പറയുന്നു. പഠനത്തോടുള്ള അസാധാരണ ഇഷ്ടം കാരണം തനിഷ്ക് 10ാം വയസില് തന്നെ ഹൈസ്കൂള് ഗ്രാജ്വേറ്റ് ചെയ്തു. പതിന്നാലാം വയസിലാണ് പി എച്ച് ഡ് ഗവേഷണം ആരംഭിച്ചത്.
ഡയഗ്നോസ്റ്റിക് പാത്തോളജിക്കായുള്ള ആര്ട്ടിഫിഷ്യല് ഇന്റലിജന്സ് സംവിധാനങ്ങളുടെ വികസനത്തിലാണ് ശ്രദ്ധ കേന്ദ്രീകരിച്ചത്. ഡോ റിച്ചാര്ഡ് ലെവന്സിന്റെ ശിക്ഷണത്തിലായിരുന്നു ഗവേഷണം. സോഫ്റ്റ്വെയര് എന്ജിനിയറായ അദ്ദേഹത്തിന്റെ പിതാവ് ബിജു എബ്രഹാമും വെറ്ററിനറി ഡോക്ടറായ അമ്മ താജി എബ്രഹാമും എല്ലാ പിന്തുണയും നല്കി കൂടെയുണ്ടായിരുന്നു.
ഡീപ്പ് ലേണിംഗ് വിത്ത് സ്ലൈഡ്-ഫ്രീ മൈക്രോസ്കോപ്പി ഇമേജുകളുടെ വെര്ച്വല് സ്റ്റെയിനിംഗ് എന്ന ഡോക്ടറല് പ്രബന്ധം, മെഡിക്കല് പ്രൊഫഷണലുകള് വിവിധ രോഗങ്ങള് കണ്ടെത്തുന്ന രീതിയില് എ ഐയുടെ സാധ്യകള് അന്വേഷിക്കുന്നു. മെഡിക്കല് ഇമേജുകള് രൂപാന്തരപ്പെടുത്തുന്നതിനുള്ള വിപുലമായ അല്ഗോരിതങ്ങളുടെയും ആഴത്തിലുള്ള പഠന സാങ്കേതികതകളുടെയും പ്രയോഗത്തിലേക്ക് തനിഷ്കിന്റെ ഗവേഷണം മുന്നേറുകയാണ്. വളരെ കൃത്യമായി രോഗനിര്ണയം നടത്താന് ഇത് ഡോക്ടര്മാരെ പ്രാപ്തരാക്കുന്നു.
കോണ്ഫറന്സ് അടക്കമുള്ള നിരവധി പരിപാടികളില് തനിഷ്ക് പങ്കെടുത്തിട്ടുണ്ട്. തന്റെ പി എച്ച് ഡി സമയത്ത് മെഡിക്കല് എ ഐയുടെ സാധ്യത തിരിച്ചറിഞ്ഞ്, തനിഷ്ക്, മെഡിക്കല് എ ഐ സാങ്കേതികവിദ്യ വികസിപ്പിക്കുന്നതിനായി ഗവേഷണ കേന്ദ്രമായ മെഡിക്കല് എ ഐ റിസര്ച്ച് സെന്റര് സ്ഥാപിച്ചിരുന്നു.
തനിഷ്ക് ഈ പ്രായത്തില് സ്വന്തമാക്കിയത് അസാമാന്യ നേട്ടമാണെന്നാണ് യൂണിവേഴ്സിറ്റിയുടെ ഡേവിസ് വൈസ് പ്രൊവോസ്റ്റും ഡീനുമായ ജീന്-പിയറി ഡെല്പ്ലാങ്ക് പറഞ്ഞത്. ഇത്രയും ചെറിയ പ്രായത്തില് ഈ നേട്ടം സ്വന്തമാക്കിയത് അവിശ്വസനീയമായി തോന്നുന്നെന്നും അദ്ദേഹം കൂട്ടിച്ചേര്ത്തു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google