2800 കോടി ലോട്ടറി അടിച്ചു; ഭാഗ്യം കയ്യിലെത്തും മുമ്പ് ട്വിസ്റ്റ്, നിരാശ, സംഭവിച്ചത്
340 മില്യൺ ഡോളർ (2,800 കോടിയിലധികം) ജാക്ക്പോട്ട് നേടിയെന്ന് വിശ്വസിച്ച് തുക വാങ്ങാൻ ചെന്നപ്പോൾ പണം നൽകാനാവില്ലെന്ന് അധികൃതർ. വാഷിംഗ്ടൺ ഡി സിയിൽ ആണ് സംഭവം. ഇതിന് പിന്നാലെ ജേതാവ് പവർബോളിനും ഡി സി ലോട്ടറിക്കുമെതിരെ നിയമനടപടി സ്വീകരിക്കാൻ തീരുമാനിച്ചു. ജോൺ ചീക്സ് ആണ് 2023 ജനുവരി 6-ന് ഒരു പവർബോൾ ലോട്ടറി ടിക്കറ്റ് വാങ്ങിയത്.
അടുത്ത ദിവസം പരിശോധിച്ചപ്പോൾ പവർബോൾ ഡ്രോയിംഗിൽ സമ്മാനമൊന്നും ലഭിച്ചില്ല, രണ്ട് ദിവസത്തിന് ശേഷം ഡിസി ലോട്ടറിയുടെ വെബ്സൈറ്റിൽ ലിസ്റ്റ് ചെയ്ത തൻ്റെ നമ്പറുകൾ കണ്ടപ്പോൾ ചീക്സ് അമ്പരന്നു. എന്നാൽ പവർബോളും ഡിസി ലോട്ടറിയും, അദ്ദേഹത്തിൻ്റെ നമ്പറുകൾ തെറ്റായി പ്രസിദ്ധീകരിച്ചുവെന്നാണ് വാദിക്കുന്നത്. ഇതിന് പിന്നാലെയാണ് ജാക്ക്പോട്ടിൻ്റെ ശരിയായ വിജയിയെക്കുറിച്ചുള്ള തർക്കം നിയമപരമായ പോരാട്ടമായത്.
, "ഞാൻ അൽപ്പം ആവേശഭരിതനായി, പക്ഷേ ഞാൻ അമിതമായി സന്തോഷിച്ചില്ല. ഞാൻ മാന്യമായി ഒരു സുഹൃത്തിനെ വിളിച്ചു. അവൻ പറഞ്ഞത് പോലെ ഞാൻ ഒരു ചിത്രമെടുത്തു, അത്രമാത്രം. ഞാൻ ഉറങ്ങാൻ പോയി." എൻ ബി സി വാഷിംഗ്ടണുമായുള്ള ഒരു അഭിമുഖത്തിൽ, ചീക്സ് പറഞ്ഞു. എന്നാൽ ഓഫീസ് ഓഫ് ലോട്ടറി ആൻഡ് ഗെയിമിംഗിൽ (OLG) ടിക്കറ്റ് സമർപ്പിച്ചപ്പോൾ, ചീക്സിന് അദ്ദേഹത്തിൻ്റെ അവകാശവാദം നിരസിക്കപ്പെട്ടു.
റിപ്പോർട്ട് അനുസരിച്ച്, അഡ്മിനിസ്ട്രേറ്റർമാർ ചീക്സിൻ്റെ ജാക്ക്പോട്ട് അവകാശവാദം നിരസിച്ചതായി കോടതി രേഖകളിൽ പറയുന്നു. അദ്ദേഹത്തിന് അയച്ച കത്തിൽ, OLG നിയന്ത്രണങ്ങൾ അനുസരിച്ച്, OLG യുടെ ഗെയിമിംഗ് സിസ്റ്റം ടിക്കറ്റ് വിജയിയായി സാധൂകരിക്കാത്തതിനാൽ അദ്ദേഹത്തിൻ്റെ സമ്മാന അവകാശവാദം നിരസിക്കപ്പെട്ടതായാണ് അവർ പറയുന്നത്.
"എൻ്റെ ടിക്കറ്റ് നല്ലതല്ല, അത് ചവറ്റുകുട്ടയിലേക്ക് വലിച്ചെറിയാൻ, ക്ലെയിം ഏജൻ്റുമാരിൽ ഒരാൾ എന്നോട് പറഞ്ഞു," ചീക്സ് ബി ബി സിയോട് പറഞ്ഞു.
തന്റെ ടിക്കറ്റ് അദ്ദേഹം കളഞ്ഞില്ല. പകരം അത് ഒരു സേഫ് ഡെപ്പോസിറ്റ് ബോക്സിൽ വയ്ക്കുകയും പവർബോളിനെതിരെ കേസ് ഫയൽ ചെയ്യാൻ നിയമോപദേശം തേടുകയും ചെയ്തു. ചീക്സ് ഫയൽ ചെയ്ത കേസിൽ മൾട്ടി-സ്റ്റേറ്റ് ലോട്ടറി അസോസിയേഷനെയും ഗെയിം കോൺട്രാക്ടർ ടാവോട്ടി എൻ്റർപ്രൈസസിനെയും പ്രതികളാക്കി, റിപ്പോർട്ട് കൂട്ടിച്ചേർത്തു.
ഇപ്പോൾ ലോട്ടറിയിൽ നിന്ന് പവർബോൾ ജാക്ക്പോട്ടിൻ്റെ നഷ്ടപരിഹാരവും അതിൽ നിന്ന് ലഭിക്കുമായിരുന്ന പ്രതിദിന പലിശയും ചേർന്ന് 340 മില്യൺ ഡോളർ നഷ്ടപരിഹാരം തേടുകയാണ് അദ്ദേഹം എന്നാണ് വിവരം.
Click it and Unblock the Notifications
Sign in with Google