'ഒമ്പത് ഭാര്യമാരുമായുള്ള ജീവിതത്തിന് അവസാനം'; നാല് പേരെ ഒഴിവാക്കുന്നു, മോഡലിന്റെ തീരുമാനം ഇങ്ങനെ
സാവോപോളോ: ഒന്നില് കൂടുതല് സ്ത്രീകളെ വിവാഹം കഴിച്ച് സന്തോഷമായി ജീവിക്കുന്നവരെ കുറിച്ച് നമ്മള് ഒരുപാട് കേട്ടിട്ടുണ്ട്. അവരുടെ ജീവിതത്തില് നടടക്കുന്ന ചില സന്തോഷങ്ങള് വാര്ത്തയാകാറുമുണ്ട്. അങ്ങനെ വാര്ത്തകളില് ഇടം പിടിച്ച ബ്രസീലിയന് മോഡലാണ് ആര്തര് ഉര്സോ. ഇപ്പോള് അദ്ദേഹത്തിന്റെ ജീവിതത്തില് എടുത്ത നിര്ണായക തീരുമാനത്തെ കുറിച്ചുള്ള വാര്ത്തയാണ് സോഷ്യല് മീഡിയയില് വൈറലാകുന്നത്.
image credit: arthurourso insta page
ഒമ്പത് സ്ത്രീകളെയാണ് ആര്തര് വിവാഹം ചെയ്തത്. ഇദ്ദേഹത്തിന്റെ ജീവിതരീതികളെ കുറിച്ചുള്ള വാര്ത്തകള് സോഷ്യല് മീഡിയയില് ചര്ച്ചയാകാറുണ്ട്. എന്നാല് ഇപ്പോഴിതാ ആര്തര് തന്റെ നാല് ഭാര്യമാരെ ഒഴിവാക്കുകയാണെന്ന റിപ്പോര്ട്ടാണ് പുറത്തുവരുന്നത്. നാല് ഭാര്യമാരെ ഡിവോഴ്സ് ചെയ്യാനാണ് അദ്ദേഹം ഒരുങ്ങുന്നത്.
ബ്രസീലില് ബഹുഭാര്യത്വം നിയമവിരുദ്ധമാണ്. എന്നാല് സാവോ പോളോയിലെ ഒരു കത്തോലിക്കാ പള്ളിയില് ഉര്സോയും അദ്ദേഹത്തിന്റെ ആദ്യ ഭാര്യ ലുവാന കസാക്കിയും മറ്റ് എട്ട് സ്ത്രീകളുമായുള്ള അവരുടെ ബന്ധം ഔപചാരികമായി പ്രഖ്യാപിക്കുകയായിരുന്നു. ഏക ഭാര്യ- ഭര്തൃ സങ്കല്പ്പത്തിനെതിരെയുള്ള പോരാട്ടത്തിന്റെ ഭാഗമായാണ് അദ്ദേഹം കൂടുതല് സ്ത്രീകളെ വിവാഹം ചെയ്യാനുള്ള തീരുമാനമെന്ന് വെളിപ്പെടുത്തിയിരുന്നു.
തന്റെ ഒമ്പത് ഭാര്യമാരില് ഒരാളയ അഗത എന്ന യുവതി കഴിഞ്ഞ വര്ഷം വിവാഹ ബന്ധം വേര്പെടുത്തിയികരുന്നു. ഇപ്പോള് നാല് ഭാര്യമാരുമായുള്ള വിവാഹ ബന്ധം വേര്പെടുത്തുകയാണെന്നാണ് ആര്തര് അറിയിച്ചിരിക്കുന്നത്. ചില പ്രശ്നങ്ങളാണ് ഇപ്പോഴത്തെ വിവാഹ മോചനത്തിന് കാരണമെന്നാണ് അദ്ദേഹം പറയുന്നത്.
ചെറിയ അഭിപ്രായ വ്യത്യാസങ്ങളോടെ ഞങ്ങള് ഒന്നായി ജീവിച്ചു. എന്നാല് ചില പ്രശ്നങ്ങള് ഇപ്പോള് വഷളായിരിക്കുകയാണ്. ഇതാണ് വേര്പിരിയലിന് കാരണമെന്ന് ആര്തര് പറഞ്ഞു. തുടക്കത്തില് ചില അഭിപ്രായ വ്യത്യാസങ്ങള് മാത്രമാണുണ്ടായിരുന്നത്. അത് ചര്ച്ചകളിലൂടെ പരിഹരിച്ചിരുന്നു. എന്നാല് ചര്ച്ചകള് പതിവായതോടെ വേര്പിരിയാന് തീരുമാനിക്കുകയായിരുന്നെന്ന് അദ്ദേഹം വ്യക്തമാക്കി.
അടിച്ചില്ലെങ്കിലും എന്തുകൊണ്ട് വീണ്ടും ലോട്ടറി എടുക്കുന്നു: പ്രതീക്ഷ മാത്രമല്ല, ആ മനശാസ്ത്രം ഇതാണ്
ഭാവിയില് ഇനിയും പുതിയ വവാഹം കഴിക്കുമെന്നാണ് അദ്ദേഹം പറയുന്നത്. തന്റെ വലിയ വീട്ടില് കൂറ്റന് കിടക്കയുള്ള ഒരു മുറിയുണ്ടെന്നും അത് ഒഴിച്ചിടാന് താല്പര്യമില്ലെന്നും അദ്ദേഹം പറഞ്ഞു. ബ്രസീലില് നിലവില് ബഹുഭാര്യാത്വം നിലവിലില്ല. ആദ്യ ഭാര്യയെ മാത്രമാണ് അദ്ദേഹം നിയമപരമായി വിവാഹം കഴിച്ചിട്ടുള്ളത്.
യുഎഇയില് 'നിറഞ്ഞൊഴുകി' ഇന്ത്യന് ചായ!! സിഐഎസ്സിന് തൊട്ടുപിന്നില്... ഇറാന്, ഇറാഖ് വീണു
പ്രതിമാസം 50,000 പൗണ്ടിലധികം സമ്പാദിക്കുന്ന ഒരു ഒണ്ലി ഫാന്സ് അക്കൗണ്ട് ആര്തറിനുണ്ട്. 1.8 ലക്ഷത്തിലധികം ഫോളോവേഴ്സുള്ള ഒരു ഇന്സ്റ്റാഗ്രാം അക്കൗണ്ടും ഉണ്ട്, അവിടെ അദ്ദേഹം തന്റെ ഭാര്യമാരുടെ വീഡിയോകളും ഫോട്ടോകളും സെക്സ് ടിപ്പുകളും പോസ്റ്റ് ചെയ്യുന്നത് പതിവാണ്.