പ്രായം വെറും നമ്പര് മാത്രം; ഈ മുത്തശി പൊളിയാണ് മക്കളെ, സൂപ്പര് ഡാന്സ് വൈറല്
വാര്ദ്ധക്യം വിവിധ പരിമിതികളോടും നിയന്ത്രണങ്ങളോടും ബന്ധപ്പെട്ടിരിക്കുമ്പോള്, ചില ആളുകള് ഇപ്പോഴും അവരുടെ അവസാന വര്ഷങ്ങളില് പോലും അവരുടെ ജീവിതം പൂര്ണ്ണമായി സന്തോഷത്തോടെ ജീവിക്കാന് ശ്രമിക്കാറുണ്ട്. ഒരു വൃദ്ധ തന്റെ ജീവിതത്തിലെ ഓരോ നിമിഷനും ആഘോഷിക്കുന്ന ഒരു വീഡിയോയാണ് സോഷ്യല് മീഡിയയില് വൈറലാകുന്നത്.
ട്വിറ്ററില് പങ്കിട്ട വീഡിയോ, അന്നത്തെ 96 വയസ്സുള്ള ഷേര്ലി ഗുഡ്മാന് എന്ന സ്ത്രീയുടെ വീഡിയോയാണ്, ഒരു പരിപാടിയില് ബ്രൂണോ മാര്സിന്റെ ലോക്ക്ഡ് ഔട്ട് ഓഫ് ഹെവന് ഗാനത്തില് ഹൃദയം നിറഞ്ഞ നൃത്തച്ചുവടുകളുമായി എത്തുന്നത്. വീഡിയോയില് ഷേര്ലി മനോഹരമായ നൃത്തച്ചുവടുകളുമായി അതിഥികളോടൊപ്പം ആഘോഷിക്കുകയാണ്.
പിന്നീട് ഷേര്ലിയുടെ നൃത്തച്ചുവടുകളാണ് എല്ലാവരും അനുകരിക്കുകയും ചെയ്തു. യുവാക്കളായിരുന്നു ഷെര്ലിയോടൊപ്പം നൃത്തം ചെയ്യാന് ഏറ്റവും കൂടുതലുണ്ടായിരുന്നത്. നിരവധി പേരാണ് ഈ വീഡിയോയ്ക്ക് താഴെ കമന്റുകളുമായി എത്തുന്നത്. വൈറലായ ഈ വീഡിയോ 23 ലക്ഷത്തില് കൂടുതല് പേര് കണ്ടു.
ഇതാദ്യമായല്ല, മുത്തശിമാരുടെ വീഡിയോ സോഷ്യല് മീഡിയയില് വൈറലാകുന്നത്. ഇത്തരം വീഡിയോ കാണുന്നതിലൂടെ പ്രായം വെറും സംഖ്യ മാത്രമാണെന്ന് തെളിയിക്കുകയാണ്. വാര്ദ്ധക്യ കാലത്ത് പലരും അസുഖങ്ങളുമായി വലയുമ്പോള് ഇങ്ങനെയുള്ള ചിലര് ജീവിതം ആസ്വദിച്ച് അടിച്ചുപൊളിക്കുകയാണ്.
പ്രായം ഒന്നിനും തടസമല്ലെന്ന് ഇവര് തെളിയിക്കുകയാണ്. ഈ വീഡിയോയില് തന്നെ ചെറുപ്പക്കാരെക്കാള് കൂടുതല് ചുറുചുറുക്കോടെ നൃത്തം ചെയ്യുന്നത് ഈ മുത്തശിയാണെന്നാണ് എല്ലാവരും പറയുന്നത്.
'കേരളത്തിലെ കോണ്ഗ്രസ് പ്രസ്ഥാനത്തിന് ശക്തി പകര്ന്ന നേതാവ്'; ആര്യാടനെ അനുസ്മരിച്ച് നേതാക്കള്