ഫ്ളഷ് ചെയ്യാനെന്തിനാണ് രണ്ട് ബട്ടണ്!!ടോയ്ലറ്റുകളിലെ രണ്ട് ഫ്ളഷ് ബട്ടന്റെ 'പണി' എന്താണ്..
ഒട്ടുമിക്ക വീടുകളിലും ഇപ്പോള് ആധുനിക ടോയ്ലറ്റുകളാണ് ഉപയോഗിക്കുന്നത്. ഇന്ത്യന് ടോയ്ലറ്റുകളില് നിന്ന് മാറി യൂറോപ്യന് ടോയ്ലറ്റുകളാണ് ഉപയോഗിക്കുന്നത്. യൂറോപ്യന് ക്ലോസറ്റുകള് കുറച്ചുകൂടി എളുപ്പത്തില് ഉഫയോഗിക്കാന് സാധിക്കുന്നത് കൊണ്ടാണ് ഇത്തരം ടോയ്ലറ്റുകള് വീടുകളിലേക്ക് എത്തുന്നത്.
കേരളത്തില് യൂറോപ്യന് ടോയ്ലറ്റുകള് വ്യാപകമായത്. തൊണ്ണൂറുകള്ക്ക് ശേഷമാണ്.. ഇന്ത്യന് ടോയ്ലറ്റാണ് യൂറോപ്യന് ടോയ്ലറ്റിനെക്കളും നല്ലത്..യൂറോപ്യനാണ് ഇന്ത്യന് ടോയ്ലറ്റിനെക്കാള് നല്ലത് എന്നിങ്ങനെയുള്ള തര്ക്കങ്ങള്ക്ക് ഇതുവരെ അവസാനം ഉണ്ടായിട്ടില്ല..എന്നാല് ഇനി പറയാന് പോകുന്നത് യൂറോപ്യന് ടോയ്ലറ്റിെക്കുറിച്ചാണ്.
യൂറോപ്യന് ക്ലോസറ്റിലെ ഫ്ളഷ് ടാങ്കിന് മുകളില് രണ്ട് ബട്ടണുകള് ഉണ്ടാകാറില്ലേ..വര്ഷങ്ങളായി ഇവ രണ്ടും തമ്മിലുള്ള വ്യത്യാസമോ എന്തിനാണ് അവ ആദ്യം ഇന്സ്റ്റാള് ചെയ്തതെന്നോ അറിയാതെ ബട്ടണുകള് ഉപയോഗിച്ചിട്ടുണ്ടാകാം.ചെറിയ ബട്ടണിൽ അമർത്തി കുറച്ച് വെള്ളം ഉപയോഗിക്കുമെന്നും വലുത് കൂടുതൽ വെള്ളം പുറന്തള്ളുമെന്നും നിങ്ങൾ ചിന്തിച്ചിരിക്കാം. എന്നാൽ യഥാർത്ഥത്തിൽ അങ്ങനെയാണോ?
യുകെയിലെ ഏറ്റവും വലിയ പബ്ലിക് വാട്ടർ സപ്ലൈ കമ്പനി ഈ പഴക്കമുള്ള ചോദ്യത്തിന് ഒടുവിൽ ചില ഉത്തരങ്ങളുമായി എത്തിയിരിക്കുന്നു. തേംസ് വാട്ടറിന്റെ ഒരു സർവേ അനുസരിച്ച്, പങ്കെടുത്തവരിൽ 50% പേരും ചെറിയ ബട്ടൺ ഒരു ചെറിയ തോതിൽ ഫ്ലഷ് ചെയ്യാനുള്ളതാണെന്ന് കരുതിയിരുന്നില്ല.
രണ്ട് ബട്ടണുകളും തമ്മിലുള്ള യഥാർത്ഥ വ്യത്യാസം മിക്ക ആളുകൾക്കും അറിയില്ലായിരുന്നുവെന്ന് സർവേ വെളിപ്പെടുത്തി.
ഇക്കാലത്ത് നിരവധി വ്യത്യസ്ത തരത്തിലുള്ള ടോയ്ലറ്റുകൾ ഉള്ളതിനാൽ ആളുകൾ പലപ്പോഴും രണ്ട് ബട്ടണുകളെ കുറിച്ച് ആശയക്കുഴപ്പത്തിലാകുമെന്ന് തേംസ് വാട്ടറിന്റെ വാട്ടർ എഫിഷ്യൻസി മാനേജർ ആൻഡ്രൂ ടക്കർ പറഞ്ഞു. വിവിധ തരത്തിലുള്ള ടോയ്ലറ്റുകൾ അവിടെയുണ്ട്, ഏത് ബട്ടൺ അമർത്തണമെന്ന് ആളുകൾക്ക് അറിയാത്തതിൽ അതിശയിക്കാനില്ല എന്നും അദ്ദേഹം പറഞ്ഞു.
യഥാർത്ഥത്തിൽ ടോയ്ലറ്റിൽ ഇത്തരത്തിൽ രണ്ട് തരം ബട്ടൺ രൂപകൽപന ചെയ്യാനുള്ള കാരണം വെള്ളത്തിന്റെ തോത് അനുസരിച്ച് തന്നെയാണ്. നമ്മൾ ഉപയോഗിക്കുന്ന വെള്ളത്തിന്റെ അളവ് ആവശ്യത്തിന് കുറവ് വരുത്താനാണ്. അതായത് വലുതും ചെറുതുമായ ബട്ടൺ വൽവിനെ തന്നെയാണ് ബന്ധിപ്പിച്ചിരിക്കുന്നത്.വലിയ ബട്ടൺ ആണ് അമർത്തുന്നതെങ്കിൽ ആറു മുതൽ ഒമ്പത് ലിറ്റർ വരെ വെള്ളം ഫ്ലഷ് ടാങ്കിൽ നിന്നും പുറത്തേക്ക് വരും . വലുതല്ല ചെറിയ ബട്ടൺ ഉപയോഗിക്കുന്നതെങ്കിൽ മൂന്നു മുതൽ 4.5 ലിറ്റർ വെള്ളം മാത്രമേ ഫ്ലഷ് ടാങ്കിൽ നിന്നും പുറത്തേക്ക് വരുള്ളൂ .ടോയ്ലറ്റ് ഫ്ലഷിന്റെ വലിയ ബട്ടൻ ഘര രൂപത്തിലുള്ളവയെ പുറന്തള്ളുന്നതിനും ചെറിയ ബട്ടൺ ദ്രാവകരൂപത്തിലുള്ളവയെ ഫ്ലഷ് ചെയ്യുന്നതിനും ആണ്.
Click it and Unblock the Notifications
Sign in with Google