അമ്മായിയമ്മ ചോദിക്കാതെ മേക്കപ്പ് സാധനങ്ങൾ എടുക്കുന്നു; ഭർത്താവിൽ നിന്ന് വിവാഹമോചനം വേണമെന്ന് യുവതി
ആഗ്ര: വിവാഹ മോചന വാർത്തകൾ അസാധാരണമൊന്നുമല്ല. എന്നാൽ ഈ വിവാഹ മോചനത്തിനുള്ള കാരണം കേട്ടാൽ നിങ്ങൾ ശരിക്കും അമ്പരക്കും. കാരണം അമ്മായിമ്മയാണ് ഇവിടെ വിവാഹ മോചനത്തിന് കാരണമായത്. അനുവാദം ചോദിക്കാതെ അമ്മായിയമ്മ തന്റെ മേക്കപ്പ് സാധനങ്ങൾ ഉപയോഗിച്ചതാണ് പ്രശ്നങ്ങൾക്ക് കാരണമായത്.
ഇതേ തുടർന്നാണ് മരുമകൾ വിവാഹ മോചനം ആവശ്യപ്പെട്ടത്. ഉത്തർപ്രദേശിലാണ് സംഭവം. അമ്മായിയമ്മയുമായി പ്രശ്നം ഉണ്ടായതിന് പിന്നാലെ ഗാർഹിക പീഡത്തിന് ഇരയാക്കിയെന്നും തന്നെയും സഹോദരിയേയും ഇറക്കിവിട്ടെന്നും യുവതി പറയുന്നു.
എട്ട് മാസം മുമ്പാണ് മല്പുര സ്വദേശികളായ യുവതിയും സഹോദരിയും വിവഹം കഴിച്ചത്. നല്ല സമാധാനാത്തോടെയാണ് ജീവിതം പോവുന്നുണ്ടായത്. എന്നാൽ അനുവാദമില്ലാതെ അമ്മായിയമ്മ മേക്കപ്പ് സാധനങ്ങൾ ഉപോയഗിച്ച് തുടങ്ങിയതോടെയാണ് പ്രശ്നങ്ങൾ ആരംഭിച്ചത്. അമ്മായിയമ്മ വീടിന് ഉള്ളിലും മേക്കപ്പ് ഇട്ട് നടക്കുകയാണെന്നും അത് കൊണ്ട് തനിക്ക് പുറത്തേക്ക് പോകുമ്പോൾ പോലും മേക്കപ്പ് ഇടാൻ സാധിക്കുന്നില്ലെന്നാണ് യുവതി പറയുന്നത്.
വീടിനുള്ളിൽ അവർ വിലകൂടിയ വസ്ത്രമാണ് ധരിക്കുന്നതെന്നും അഗ്രാ പോലീസിന്റെ ഫാമിലി കൗൺസിലിംഗ് സെന്ററിലെ ഉദ്യോഗസ്ഥരോട് പ പരാതിക്കാരി പറഞ്ഞു. വീട്ടിൽ നിൽക്കുമ്പോൾ മേക്കപ്പ് സാധനങ്ങൾ ഉപയോഗിക്കുന്നതിനെ കുറിച്ച് ചോദിച്ചപ്പോഴാണ് ഇവർ തമ്മിൽ പ്രശ്നമുണ്ടായത്. സംഭവം യുവതിയുടെ ഭർത്താവിനോട് പറഞ്ഞു. ഇതിന് പിന്നാലെ ഭർത്താവും ഈ യുവതിയെ ഉപദ്രിവിക്കാൻ തുടങ്ങിയെന്നാണ് പരാതി. ഇതിന് പിന്നാലെ വീട്ടിൽ നിന്ന് പുറത്താക്കി. രണ്ട് മാസമായി സഹോദരിമാർ ഇവരുടെ വീട്ടിലാണ് താമസം.
കഴിഞ്ഞ ദിവസം യുവതിയേയും അമ്മായിയമ്മയേയും വിളിച്ചുവരുന്നതി പോലീസ് കൗൺസിലിംഗ് നൽകിയെങ്കിലും ഫലമുണ്ടായില്ല. തന്നോട് ഒന്നും ചോദിക്കാതെ അമ്മയുടെ വാക്ക് കേട്ട് ഉപദ്രവിച്ച ആൾക്കൊപ്പം മുന്നോട്ട് പോകാൻ സാധിക്കില്ല എന്നാണ് യുവതി പറയുന്നത്. വിവാഹ മോചനം വേണമെന്നും യുവതി ഉറപ്പിച്ച് പറയുന്നു. ഭർത്താവിനേയും കൗൺസിലിംഗിന് വിളിപ്പിക്കുമെന്നാണ് വിവരം.
Click it and Unblock the Notifications
Sign in with Google