ഓണത്തെ വരവേല്‍ക്കാന്‍ നാടും നഗരവും ഒരുങ്ങി; ഉത്രാടപ്പാച്ചിലില്‍ ജനങ്ങള്‍

നഗരങ്ങളിലെ വസ്ത്ര വില്‍പന കടകളിലും മറ്റു സ്റ്റേഷനറി കടകളിലും വന്‍ തിരക്കാണ് അനുഭവപ്പെടുന്നത്.

ഇന്ന് ഉത്രാടം. നാടും നഗരവും ഉത്രാടപ്പാച്ചിലിന്റെ തിരക്കിലാണ്. ഓരോ മലയാളിയും മാവേലിയെ വരവേല്ക്കാനുള്ള അവസാന ഒരുക്കത്തിലാണ്. സാധന സാമഗ്രികള്‍ വങ്ങിക്കൂട്ടനുള്ള ഓട്ടത്തിലാണ് ജനങ്ങള്‍.

നഗരങ്ങളിലെ വസ്ത്ര വില്‍പന കടകളിലും മറ്റു സ്റ്റേഷനറി കടകളിലും വന്‍ തിരക്കാണ് അനുഭവപ്പെടുന്നത്.ഉപ്പുതൊട്ട് കര്‍പ്പൂരംവരെ വാങ്ങാനും പൊന്നും പുതുവസ്ത്രങ്ങളും സ്വന്തമാക്കാനും കടകളായ കടകളിലൊക്കെ കയറിയിറങ്ങുകയാണ്. കുടുംബസമേതം മലയാളികള്‍. ഓണം നാട്ടില്‍ ആഘോഷിക്കാന്‍ ജോലിത്തിരക്കുകള്‍ ഒഴിവാക്കി പറന്നെത്തിയവരും ധാരാളം.

ഉച്ചയോടെയാണ് നഗരങ്ങളില്‍ കുടുതല്‍ തിരക്കനുഭവപ്പെടുന്നത്. നഗരത്തിന്റെ പലയിടങ്ങളിലും റോഡുകില്‍ വന്‍ ബ്ലേക്കാണ് അനുഭവപ്പെടുന്നത്. ഓണമായിട്ടു വിശ്രമിക്കാന്‍ മലയാളിക്ക് നേരമില്ല. നിന്നുതിരിയാനിടമില്ലാത്ത തിരക്കാണെവിടെയും. ഓണത്തിന് എത്രദിവസത്ത അവധി ലഭിച്ചാലും ഉത്രാട ദിവസത്തെ ഷോപ്പിങ് മലയാളികള്‍ക്ക് എന്നും പ്രിയപ്പെട്ടതാണ്.

English summary

onam special purchase