വിദ്യാ ബാലന് ഇത്തവണത്തെ ഓണം, ഇത്തിരി സ്‌പെഷ്യലാണ്, കാരണം

കൊച്ചി: ബോളിവുഡ് താരം വിദ്യാബാലന് ഇത്തവണത്തെ ഓണം ഇത്തിരി സ്‌പെഷ്യലാണ്. ഇന്ത്യ മുഴുവന്‍ അറിയപ്പെടുന്ന താരമാണെങ്കിലും ഇതുവരെ ഒരു മലയാളചിത്രത്തില്‍ അഭിനയിക്കാന്‍ വിദ്യാ ബാലന് സാധിച്ചിട്ടില്ല. എന്നാല്‍ ഈ ഓണത്തിന് കഥ മാറിയിരിക്കുകയാണ്. മാധവിക്കുട്ടിയുടെ കഥയില്‍ ഒരുക്കുന്ന മലയാള ചിത്രത്തില്‍ നായികയാകുന്നത് വിദ്യയാണ്. മറുനാടന്‍ മലയാളിയായ ഈ ലേഡി സൂപ്പര്‍ സ്റ്റാറിന് കുട്ടിക്കാലത്തെ ഓണദിവസങ്ങളെ കുറിച്ച് നല്ല ഓര്‍മയാണ്.

അമ്മയോടും അനിയത്തിയോടുമൊപ്പം ഓണത്തിന് പൂക്കളം തീര്‍ത്തത് ഇന്നും ഓര്‍മയുണ്ട്. ജനിച്ചതും വളര്‍ന്നതും മുംബൈയിലാണ്. അതുകൊണ്ട് തന്നെ നാട്ടിലെ ഓണം എന്താണെന്ന് വലിയ പിടിയില്ല. പക്ഷേ, ഈ ദിവസങ്ങളില്‍ മുംബൈയിലെ വീട്ടില്‍ പൂക്കളം ഇടാറുണ്ട്.

വിദ്യാ ബാലന്‍റെ ഫോട്ടോസ് കാണാം

മുംബൈയില്‍ ഓണത്തിന് അവധിയുണ്ടാകാറില്ല. പക്ഷേ, ഈ ദിവസങ്ങളില്‍ ഞങ്ങള്‍ അവധിയാകും. പൂക്കളവും വിവിധ വിഭവങ്ങളോടു കൂടിയ പ്രത്യേക സദ്യയും പായസവും..എല്ലാം എനിക്ക് പ്രിയപ്പെട്ടതായിരുന്നു. ടൈംസ് ഓഫ് ഇന്ത്യക്ക് നല്‍കിയ അഭിമുഖത്തിലാണ് ബോളിവുഡ് താരം ഇക്കാര്യം വ്യക്തമാക്കിയത്.

English summary

Vidya Balan, for whom this Onam is special as she is finally making herMollywood entry with Kamal's biopic on Madhavikutty