Click it and Unblock the Notifications
Just In
Don't Miss
-
IPL 2024: കണക്കുവീട്ടാന് സിഎസ്കെ, ജയം തുടരാന്‍ ലഖ്നൗ- ടോസ് 7 മണിക്ക് -
മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര് -
18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത് -
1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ശൈലജ ടീച്ചർക്ക് വേണ്ടി സെലിബ്രിറ്റികൾ... 'ബ്രിങ് ബാക്ക് ശൈലജ ടീച്ചർ' ഹാഷ്ടാഗ് കാമ്പയിൻ; സിപിഎം തിരുത്തില്ല
കെകെ ശൈലജ ടീച്ചര്‍ രണ്ടാം പിണറായി മന്ത്രിസഭയില്‍ ഇല്ല എന്നത് പലര്‍ക്കും ഞെട്ടിപ്പിക്കുന്ന ഒരു വാര്‍ത്തയായിരുന്നു. അത് കേരളത്തിന്റെ പൊതുധാരയില്‍ ഇപ്പോള്‍ പ്രകടവും ആണ്. ഇടതുപക്ഷത്തോട് എന്നും ചേര്‍ന്നുനിന്നിട്ടുള്ള പലരും പരസ്യമായി തന്നെ അവരുടെ ഇച്ഛാഭംഗം വെളിപ്പെടുത്തുകയും ചെയ്തു.
കെകെ ശൈലജയെ അതിരൂക്ഷമായി വിമര്‍ശിച്ചിരുന്നവര്‍ പോലും ഇപ്പോള്‍ അവരെ മന്ത്രിസഭയില്‍ ഉള്‍പ്പെടുത്താത്തതില്‍ വലിയ വിഷമം പ്രകടിപ്പിക്കുന്നുണ്ട്. അതിലേറെ, സാധാരണ ജനങ്ങള്‍ക്ക് ഇതില്‍ കടുത്ത വിഷമവും നിരാശയും ഉണ്ട്. എന്തായാലും കെകെ ശൈലജയ്ക്ക് വേണ്ടി സോഷ്യല്‍ മീഡിയയില്‍ മുന്‍പന്തിയിലുള്ളത് സെലിബ്രിറ്റികള്‍ തന്നെയാണ്... പരിശോധിക്കാം...
ഹാഷ്ടാഗ് കാമ്പയിന്‍
കെകെ ശൈലജയെ മന്ത്രിസഭയില്‍ ഉള്‍പ്പെടുത്തണം എന്നാവശ്യപ്പെട്ട് വലിയ കാമ്പയിന്‍ ആണ് സാമൂഹ്യ മാധ്യമങ്ങളില്‍ നടക്കുന്നത്. 'ബ്രിങ് ബാക്ക് ശൈലജ ടീച്ചര്‍', 'ബ്രിങ് ഔര്‍ ടീച്ചര്‍ ബാക്ക്' തുടങ്ങിയ ഹാഷ്ടാഗ് കാമ്പയിനുകളാണ് പ്രധാനമായും നടക്കുന്നതില്‍. പലമേഖലകളിലുള്ളവര്‍ ഇക്കാര്യത്തില്‍ പിന്തുണയുമായി എത്തുന്നുണ്ട്.
ഇടത് സെലിബ്രിറ്റികള്‍
ഇടതുപക്ഷ നിലപാടുകള്‍ സ്വീകരിക്കുന്ന സെലിബ്രിറ്റികളുടെ വലിയ നിര തന്നെയാണ് കെകെ ശൈലജയെ മന്ത്രിസഭയില്‍ ഉള്‍പ്പെടുത്തണം എന്ന ആവശ്യം ഉന്നയിച്ച് രംഗത്തെത്തിയത്. ഹാഷ്ടാഗ് കാമ്പയിനുകള്‍ക്കും ഇവര്‍ നേതൃത്വം നല്‍കി.
തുടരാന്‍ അര്‍ഹത
കെകെ ശൈലജയ്ക്ക് മന്ത്രിസഭയില്‍ തുടരാന്‍ അര്‍ഹതയുണ്ട് എന്നാണ് പാര്‍വ്വതി തിരുവോത്ത് സാമൂഹ്യ മാധ്യമങ്ങളില്‍ കുറിച്ചത്. ടീച്ചറുടെ നേതൃത്വത്തിന് കേരളത്തിലെ ജനങ്ങള്‍ അര്‍ഹരാണെന്നും പാര്‍വ്വതി ട്വീറ്റില്‍ പറയുന്നുണ്ട്. ബ്രിങ് ഔര്‍ ടീച്ചര്‍ ബാക്ക് എന്ന ഹാഷ്ടാഗ് ആണ് പാര്‍വ്വതി ഉപയോഗിച്ചത്.
പെണ്ണിനെന്താണ് കുഴപ്പം
കെകെ ശൈലജ നിയമസഭയില്‍ കെഎം ഷാജിയ്‌ക്കെതിരെ നടത്തിയ പ്രസംഗത്തിന്റെ വരികളോടെ ആയിരുന്നു റിമ കല്ലിങ്കലിന്റെ തുടക്കം. 'പെണ്ണിനെന്താ കുഴപ്പം' എന്ന് ചോദിച്ചുകൊണ്ടായിരുന്നു ഇത്. റെക്കോര്‍ഡ് വിജയവും ലോകോത്തര സേവനവും നല്‍കിയ ശൈലജ ടീച്ചര്‍ക്ക് സിപിഎം ഇടം നല്‍കുന്നില്ലെങ്കില്‍ പിന്നെ എന്ത് നല്‍കും എന്നാണ് റിമയുടെ ചോദ്യം.
ബ്രിങ് ഔര്‍ ടീച്ചര്‍ ബാക്ക്
നടിയും സംവിധായികയും ആയ ഗീതു മോഹന്‍ദാസും ശൈലജ ടീച്ചറെ മന്ത്രിസഭയില്‍ ഉള്‍പ്പെടുത്തണം എന്ന ആവശ്യവുമായി രംഗത്ത് വന്നിട്ടുണ്ട്. ബ്രിങ് ഔര്‍ ടീച്ചര്‍ ബാക്ക് എന്ന ഹാഷ്ടാഗ് ആണ് ഗീതു ഉപയോഗിച്ചത്.
കൂടുതല്‍ അര്‍ഹിക്കുന്നു
പുതിയ നേതാക്കള്‍ക്ക് അവസരം നല്‍കുക എന്നത് നല്ല ചിന്തയാണെന്ന് രജിഷ വിജയന്‍ പറയുന്നു. എന്നാല്‍ അത് ശൈലജ ടീച്ചറെ പോലുള്ള ഇതിഹാസ നേതാക്കളുടെ ചെലവില്‍ ആകരുത് എന്നാണ് രജിഷ ഫേസ്ബുക്കില്‍ എഴുതിയത്. ടീച്ചര്‍ കൂടുതല്‍ അര്‍ഹിക്കുന്നു എന്നും രജിഷ എഴുതുന്നു.
ഷെയിം ഓണ്‍ യു
സംസ്ഥാന പുരസ്‌കാര ജേതാവ് കനി കുസൃതിയും രൂക്ഷമായ വിമര്‍ശനവുമായാണ് രംഗത്ത് വന്നിരിക്കുന്നത്. ഷെയിം ഓണ്‍ യു കേരള സ്‌റ്റേറ്റ് ഗവണ്‍മെന്റ് എന്നാണ് കനിയുടെ പോസ്റ്റ്. ബ്രിങ് ബാക്ക് ശൈലജ ടീച്ചര്‍ എന്ന ഹാഷ്ടാഗ് ആണ് കനി ഉപയോഗിച്ചത്.
ഉയിരാണ് ടീച്ചര്‍
ഉയിരാണ് ടീച്ചര്‍ എന്നായിരുന്നു കെകെ ശൈലജയുടെ ചിത്രത്തോടൊപ്പം ഗായിക സയനോര എഴുതിയത്. ബ്രിങ് ബാക്ക് ശൈലജ ടീച്ചര്‍ എന്ന ഹാഷ്ടാഗില്‍ ആയിരുന്നു സയനോരയുടെ ഫേസ്ബുക്ക് പോസ്റ്റും.
തിരുത്തുമോ?
സാമൂഹ്യ മാധ്യമങ്ങളില്‍ വലിയ പ്രതിഷേധം ഒക്കെ ഉയരുന്നുണ്ടെങ്കിലും, ഇപ്പോഴെടുത്ത തീരുമാനത്തില്‍ നിന്ന് സിപിഎം പിന്‍മാറില്ലെന്ന് ഉറപ്പാണ്. എന്നാല്‍ എടുത്ത തീരുമാനങ്ങള്‍ ജനകീയ പ്രതിഷേധങ്ങളുടെ ഭാഗമായി തിരുത്തേണ്ടി വന്നിട്ടും ഉണ്ട് സിപിഎമ്മിന്. മുമ്പ് വിഎസ് അച്യുതാനന്ദന് സീറ്റ് നിഷേധിച്ചപ്പോള്‍ സംസ്ഥാന വ്യാപകമായി പ്രതിഷേധം ആളിക്കത്തിയിരുന്നു. എന്നാല്‍ അത്തരമൊരു സാഹചര്യം എന്തായാലും ഇപ്പോള്‍ നിലവിലില്ല.
Recommended Video
