പ്രാർത്ഥനയെ ഇത്രമാത്രം ട്രോളേണ്ടതുണ്ടോ? കൊച്ചച്ഛനോട് ഇത് വേണ്ടായിരുന്നുവെന്ന് കമന്റുകൾ

തിയറ്ററുകളിൽ സൂപ്പർ ഹിറ്റായി പ്രദർശനം തുടരുകയാണ് പൃഥ്വിരാജ് നായകനായി എത്തിയ ആടുജീവിതം.ബെന്യാമന്റെ ആടുജീവിതം എന്ന് സിനിമയെ ആസ്പദമാക്കിയാണ് ബ്ലെസി ആടുജീവിതം എന്ന് സിനിമ ഒരുക്കിയത്. പൃഥ്വിരാജ് തന്റെ അഭിനയ ജീവിതത്തിലെ മികച്ച പ്രകടനമാണ് സിനിമയിൽ കാഴ്ച വെച്ചിരിക്കുന്നത്.

നജീബ് ആയി പൃഥ്വി സ്ക്രീനിൽ ജീവിക്കുകയായിരുന്നു. സിനിമ കണ്ട് യഥാർത്ഥ നജീബ് പോലും കരഞ്ഞുപോയിരുന്നു. സിനിമ പോലെ തന്നെ സിനിമയിലെ പാട്ടിനും മികച്ച സ്വീകാര്യത തന്നെയാണ് ലഭിച്ചത്. എ ആർ റഹ്മാൻ പാട്ടൊരുക്കിയത്.

pc: instagram

പെരിയോനെ എൻ റഹ്മാനെ എന്ന ​ഗാനം സോഷ്യൽ മീഡിയയിൽ വൈറൽ ആയിരുന്നു. പലരും ഈ പാട്ട് പാടുകയും ചെയ്തിരുന്നു. ഇപ്പോൾ ഇന്ദ്രജിത് - പൂർണിമ ദമ്പതികളുടെ മകൾ പ്രാ‍ർത്ഥന ഈ പാട്ട് പാടിയിരിക്കുകയാണ്.

ചെറിയ പെരുന്നാൾ ആശംസിച്ച് കൊണ്ടാണ് പ്രാർത്ഥന പാട്ട് പാടിയത്. താരം തന്റെ ഇൻസ്റ്റ​ഗ്രാമിൽ വീഡിയോ പങ്കുവെയ്ക്കുകയും ചെയ്തു. ഇതിനകം 25 ലക്ഷത്തിലധികം പേരാണ് ഈ വീഡിയോ കണ്ടത്.

നിരവധിപേർ ഈ വീഡിയോയ്ക്ക് കമന്റുമായി എത്തുകയും ചെയ്തു. ആടുജീവിതത്തിന് വേണ്ടി ഈ പാട്ട് പാടിയ ജിതിൻ രാജും കമന്റ് ചെയ്തു. ഈ മനോഹര ​ഗാനം സമ്മാനിച്ചതിന് നന്ദി എന്നാണ് ജിതിൻ രാജിന്റെ കമന്റിന് മറുപടിയായി പ്രാർത്ഥന കുറിച്ചത്. എന്നാൽ അഭിനന്ദനങ്ങൾ മാത്രമല്ല, വിമർശനങ്ങളും ഉയർന്നു. പ്രാർത്ഥന പാടിയത് നന്നായില്ലെന്നാണ് ചിലർ പറയുന്നത്.

അച്ഛന്റെ പുതിയമുഖം ഇതിനേക്കാൾ നല്ലതാണ്. നിങ്ങൾ നല്ല ​ഗായികയാണെന്ന് അറിയാം, പക്ഷേ ഇവിടെ പാളി പോയി സാരല്ല്യ പാടിക്കോ, ആ അങ്ങകലെ എങ്ങോ പോയി... സ്വന്തം കൊച്ചച്ഛനോട് ഇത് വേണ്ടാരുന്നു... ആ പാട്ടിനെ കൊന്നു, ആ പാട്ടിനെ പാടി നശിപ്പിച്ചു, എന്നിങ്ങനെ പോകുന്ന വിമർശിച്ച് കൊണ്ടുള്ള കമന്റുകൾ. എന്നാൽ വിനർശിക്കുന്നവർക്ക് മറുപടിയുമായി ചിലർ രം​ഗത്തെത്തി.

മോൾ പാടുന്നതിന്റെ രണ്ട് വരി പോലും പാടാൻ അറിയാത്തവരാണ് കമന്റിൽ വന്ന് വധിക്കുന്നത് എന്നാണ് ചിലർ കുറിച്ചത്. സോഷ്യൽ മീഡിയയിൽ വളരെ സജീവമാണ് പ്രാർത്ഥന. 2018 ൽ പുറത്തിറങ്ങിയ മോഹൻലാൽ എന്ന ചിത്രത്തിൽ ലാലേട്ടാ എന്ന പാട്ട് പാടിയത് പ്രാ‍ർത്ഥനയാണ്. പിന്നീട് കുട്ടൻ പിള്ളയുടെ ശിവ രാത്രി, ഹെലൻ, ഓ ബേബി എന്നീ ചിത്രങ്ങളിലും പാടി.
‌‍

English summary

Prarthana Indrajith Trolled After Singing Periyone en Rahmane Song From The Film Aadujeevitham