എയർടെൽ ഒരു കില്ലാടി തന്നെ; അടിപൊളി പ്ലാൻ, 3 ജിബി ഡാറ്റയും അൺലിമിറ്റഡ് ഫ്രീ കോളും 30 ദിവസത്തേക്ക്, വില?
ഇന്ത്യൻ ടെലികോം വിപണി വലിയ പരിവർത്തനങ്ങൾക്ക് സാക്ഷ്യം വഹിച്ച വർഷമാണ് കടന്നുപോയത്. 2025ലേക്ക് കടന്നപ്പോഴും അതിന് മാറ്റമുണ്ടാവില്ലെന്ന് തന്നെയാണ് പ്രതീക്ഷിക്കുന്നത്. വിപണിയിൽ മത്സരം കടുക്കുമ്പോൾ കമ്പനികൾ തമ്മിലുള്ള ഏറ്റുമുട്ടലും പരസ്യമായി. മുൻനിര കമ്പനികളായ റിലയൻസ് ജിയോ, ഭാരതി എയർടെൽ, ബിഎസ്എൻഎൽ എന്നിവയാണ് പ്രധാനമായും ഈ മേഖലയിലെ കരുത്ത് തെളിയിച്ച കൂട്ടർ.
ഒരു മാസവും അതിൽ കൂടുതലും ദൈർഘ്യമുള്ള പ്ലാനുകളിലും മറ്റും ബിഎസ്എൻഎൽ മറ്റ് കമ്പനികളേക്കാൾ ബഹുദൂരം മുന്നിലാണ് നിലകൊള്ളുന്നത്. അത്രയും മികച്ച പ്ലാനുകളാണ് അവരെ വേറിട്ട് നിർത്തുന്ന ഘടകം. ബജറ്റ് ഫ്രണ്ട്ലി ആയി കൂടുതൽ ഗുണങ്ങൾ കൂടി ചേർത്ത് കൊണ്ടുള്ള ബിഎസ്എൻഎൽ പ്ലാനുകൾ പോലെ അതേപാത പിന്തുടർന്ന് എയർടെൽ കൂടി സമാനമായ രീതിയിലുള്ള പ്ലാനുകളുമായി രംഗത്ത് വന്നിട്ടുണ്ട്.
ഒരുകാലത്ത് ഇന്ത്യൻ മാർക്കറ്റിൽ എയർടെൽ ഉണ്ടാക്കിയ ഓളം ഇന്നും പല കമ്പനികൾക്കും സ്വപ്നമാണ്. എട്ടര വർഷം മുൻപ് റിലയൻസ് ജിയോ അവതരിച്ചതോടെയാണ് ശരിക്കും എയർടെലിന്റെ ശനിദശ തുടങ്ങിയത് എന്ന് വേണമെങ്കിൽ പറയാം. എന്നാൽ അവരിപ്പോൾ ഉഗ്രനൊരു തിരിച്ചുവരവിന്റെ പാതയിലാണ്. അതിന്റെ ആദ്യപടി എന്നോണം കൂടുതൽ ഓഫറുകളുമായി അവർ രംഗത്ത് വരുന്നുണ്ട്.
അത്തരത്തിൽ ഉപഭോക്താക്കളെ കൈയിലെടുക്കുക ലക്ഷ്യമിട്ട് എയർടെൽ അവതരിപ്പിച്ച ഏറ്റവും പുതിയ പ്രീപെയ്ഡ് പ്ലാൻ ആണ് പലയിടത്തും ഇപ്പോൾ ചർച്ചാ വിഷയം. കുറഞ്ഞ വിലയിൽ ഒരു മാസത്തേക്കുള്ള എല്ലാ ആനുകൂല്ല്യങ്ങളും നൽകുന്ന ഈ പ്ലാൻ നിലവിലെ മാർക്കറ്റിൽ ഒരു ഗെയിം ചേഞ്ചർ ആവുമെന്നാണ് കരുതപ്പെടുന്നത്. എയർടെലിന്റെ ഈ ഇടിവെട്ട് പ്ലാനിനെ കുറിച്ച് കൂടുതലറിയാം.
എയർടെൽ 219 രൂപ റീചാർജ് പ്ലാൻ
ഈ പ്ലാൻ വെറും 219 രൂപ ചിലവിൽ 30 ദിവസത്തെ വാലിഡിറ്റിയാണ് ഉപഭോക്താക്കൾക്ക് നൽകുന്നത്. അൺലിമിറ്റഡ് വോയ്സ് കോളിംഗ്, 300 സൗജന്യ ടെക്സ്റ്റ് മെസേജുകൾ, മാസത്തേക്ക് 3 ജിബി ഡാറ്റ എന്നിവ ഈ പ്ലാനിന്റെ ഭാഗമായി നിങ്ങൾക്ക് ലഭ്യമാവും. ഈ പ്ലാനിന്റെ മറ്റൊരു സവിശേഷത, അതിൽ 5 രൂപ ടോക്ക് ടൈം കൂടി ഉൾപ്പെടുന്നു, നിങ്ങളുടെ 3ജിബി ഡാറ്റ ഉപയോഗിച്ചുകഴിഞ്ഞാൽ ഈ ടോക്ക് ടൈം പ്രയോജനപ്പെടുത്താവുന്നതാണ്.
നിങ്ങളുടെ ഡാറ്റ തീർന്നതിന് ശേഷം, നിങ്ങൾ ഉപയോഗിക്കുന്ന ഓരോ അധിക എംബിയ്ക്കും കമ്പനി നിങ്ങളിൽ നിന്ന് 50 പൈസ ഈടാക്കും. ആവശ്യമെങ്കിൽ ഡാറ്റയ്ക്കായി നിങ്ങളുടെ ചില ടോക്ക്ടൈം ഉപയോഗിക്കുന്നതിന് ഇത് അധിക ഫ്ലെക്സിബിലിറ്റി നൽകുന്നു. കൂടുതൽ ഡാറ്റ ആവശ്യങ്ങൾ നിറവേറ്റാൻ ഈ ഓഫർ നിങ്ങളെ സഹായിക്കുകയും ചെയ്യും.
അതേസമയം, ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) രാജ്യവ്യാപകമായി മൊബൈൽ ഉപഭോക്താക്കൾക്ക് പുതിയ നോട്ടീസ് നൽകിയിട്ടുണ്ട്. സൗജന്യ റീചാർജ് ഓഫറുകളുമായി ബന്ധപ്പെട്ട തട്ടിപ്പുകളെക്കുറിച്ച് മുന്നറിയിപ്പ് നൽകിയാണ് നോട്ടീസ് നൽകിയിരിക്കുന്നത്. സൗജന്യ റീചാർജിന്റെ പേരിൽ പണം തട്ടുക ലക്ഷ്യമിട്ട് ഇറങ്ങിയ സംഘങ്ങളെ കുറിച്ചുള്ള മുന്നറിയിപ്പാണ് ഇതിലുള്ളത്.
Click it and Unblock the Notifications
Sign in with Google