ബിഎസ്എൻഎലിന്റെ ഓരോ കളികളേ..; വിപണിയിൽ തരംഗമായി ഈ പ്ലാനുകൾ, വില 100 രൂപയിൽ താഴെ?
ബിഎസ്എൻഎൽ എന്ന കമ്പനിയെ കുറിച്ച് ഇന്ത്യക്കാർക്ക് ഒരു മുഖാവരുടെയും ആവശ്യമില്ല. എന്തെന്നാൽ വർഷങ്ങളായി നാം അവരുടെ സേവനങ്ങൾ ആസ്വദിക്കുകയും അത് ഉപയോഗിച്ചുകൊണ്ട് ഒരുപാട് നേട്ടങ്ങൾ സ്വന്തമാക്കുകയും ഒക്കെ ചെയ്തിട്ടുണ്ട്. ഒരു പൊതുമേഖലാ സ്ഥാപനം എന്ന നിലയിൽ ബിഎസ്എൻഎൽ വളരെദൂരം മുന്നോട്ട് പോയിരിക്കുന്നു. അതിന്റെ കാരണം ഈ കമ്പനിയുടെ ഉപഭോക്താക്കളോടുള്ള താൽപര്യവും ആത്മാർത്ഥതയും തന്നെയാണ്.
ഇന്ത്യയിൽ അടുത്ത കാലത്തായി കൂടുതൽ മെച്ചപ്പെട്ട കണക്ടിവിറ്റി എന്ന ലക്ഷ്യത്തിലേക്ക് നടന്നടുക്കുകയാണ് ബിഎസ്എൻഎൽ. നേരത്തെ 3ജി സേവനങ്ങൾ മാത്രം നൽകിയിരുന്ന കമ്പനിയായിരുന്നു അവരെങ്കിൽ ആ കാലമൊക്കെ മാറി. അതവരെ വല്ലാതെ ബാധിച്ചിരുന്നു. അങ്ങനെ 4ജിയിലേക്ക് കൂടി കടന്നിരിക്കുകയാണ് അവരിപ്പോൾ. എങ്കിലും അവരുടെ ചില ബജറ്റ് ഫ്രണ്ട്ലി പ്ലാനുകൾ ഇപ്പോഴും ഞെട്ടിക്കുന്നതാണ്, അവയിൽ നൂറ് രൂപയിൽ താഴെയുള്ള ചില പ്ലാനുകൾ അറിയാം.
ബിഎസ്എൻഎൽ 58 രൂപ പ്ലാൻ: ഈ പ്ലാൻ 7 ദിവസത്തേക്ക് ദിവസേന അതിവേഗ ഇന്റർനെറ്റ് നൽകുന്നു, പ്രതിദിന ഡാറ്റ പരിധി കവിഞ്ഞാൽ വേഗത 40 കെബിപിഎസ് ആയി കുറയ്ക്കുന്നു. വേഗതയേറിയതും താങ്ങാനാവുന്നതുമായ ഡാറ്റ പാക്കേജ് ആവശ്യമുള്ള ഹ്രസ്വകാല ഉപയോക്താക്കൾക്ക് നല്ല ഓപ്ഷനാണ് ഇത് ദീർഘകാല പ്ലാനിൽ ഏർപ്പെടാതെ ബന്ധം നിലനിർത്താൻ ആഗ്രഹിക്കുന്ന ഏതൊരാൾക്കും ഈ പ്ലാൻ അനുയോജ്യമാണ്. ഡാറ്റയ്ക്ക് മുൻഗണന നൽകുന്ന സമയത്ത് നിങ്ങൾക്ക് ഇത് വളരെ മികച്ചൊരു പ്ലാൻ തന്നെയാണ് ഇത്.
ബിഎസ്എൻഎൽ 87 രൂപ പ്ലാൻ: ഇതിൽ ഉപഭോക്താക്കൾക്ക് പ്രതിദിനം 1 ജിബി അതിവേഗ ഡാറ്റ നൽകുന്നു, അതായത് 14 ദിവസത്തെ വാലിഡിറ്റി കാലയളവിൽ ആകെ 14 ജിബി. ഇതിനുപുറമെ, ഉപയോക്താക്കൾക്ക് പരിധിയില്ലാത്ത ലോക്കൽ, എസ്ടിഡി കോളുകൾ ആസ്വദിക്കാനും കഴിയും, ഇത് ഡാറ്റയും ടോക്ക് ടൈമും ആവശ്യമുള്ളവർക്ക് മികച്ച മൂല്യമാക്കി മാറ്റുന്നു. ഗെയിമിംഗ് പ്രേമികൾക്ക് നല്ല ഒട്ടേറെ അനുകൂല്യങ്ങളും ഇതിൽ ലഭ്യമാണ്.
ബിഎസ്എൻഎൽ 94 രൂപ പ്ലാൻ: ഇത് പ്രതിദിനം 3 ജിബി അതിവേഗ ഡാറ്റ നൽകുന്നു, 30 ദിവസത്തെ വാലിഡിറ്റി കാലയളവിൽ ആകെ 90 ജിബി ലഭിക്കും. ഇതിനുപുറമെ, പ്ലാൻ 200 മിനിറ്റ് ലോക്കൽ, നാഷണൽ കോളിംഗ് എന്നിവയും ഇതിൽ വാഗ്ദാനം ചെയ്യുന്നു. ഡാറ്റയെയും കോളുകളെയും വളരെയധികം ആശ്രയിക്കുന്നവർക്ക് നല്ല ഓപ്ഷനാണ് ഈ പ്ലാൻ. 3 ജിബി പ്രതിദിന പരിധിക്ക് ശേഷം, വേഗത 40 കെബിപിഎസായി കുറയുമെങ്കിലും സാധാരണഗതിയിൽ ഇത് തീരാനുള്ള സാധ്യത വളരെ കുറവാണ്.
ബിഎസ്എൻഎൽ 97 രൂപ പ്ലാൻ: ഡാറ്റ ബാലൻസും കോളിംഗ് ആനുകൂല്യങ്ങളും ആഗ്രഹിക്കുന്ന ഉപഭോക്താക്കൾക്ക് ഇതൊരു നല്ല ഓഫറാണ്. 15 ദിവസത്തെ വാലിഡിറ്റിയിൽ, ഈ പ്ലാൻ പ്രതിദിനം 2 ജിബി ഡാറ്റ നൽകുന്നു, ആകെ 30 ജിബി വരെ. ഒപ്പം ഈ പ്ലാൻ ഏത് നെറ്റ്വർക്കിലേക്കും പരിധിയില്ലാത്ത സൗജന്യ കോളിംഗും നൽകുന്നു എന്നതാണ് ഇതിന്റെ സവിശേഷത.
ബിഎസ്എൻഎൽ 98 രൂപ പ്ലാൻ: വെറും 98 രൂപ വിലയുള്ള ഈ പ്ലാൻ വാലിഡിറ്റി 18 ദിവസത്തെ കാലാവധിയിൽ 2 ജിബി ദിവസേന ഡാറ്റ നൽകുകന്നു.അതായത് ഈ പ്ലാനിലുടനീളം ആകെ 36 ജിബി വരെ ലഭിക്കും. 97 രൂപ പ്ലാനിനൊപ്പം വെറും 1 രൂപ കൂടി നൽകിയാൽ, ഉപഭോക്താക്കൾക്ക് 3 ദിവസത്തെ അധിക വാലിഡിറ്റിയും 6 ജിബി അധിക ഡാറ്റയും ലഭ്യമാവും. അതുകൊണ്ട് തന്നെ കമ്പനിയുടെ ജനപ്രിയ പ്ലാനുകളിൽ മുന്നിലാണ് ഇത്.
Click it and Unblock the Notifications
Sign in with Google