യുപിഐ ഇടപാട് നടത്തുന്നവരുടെ ശ്രദ്ധയ്ക്ക്..; ഈ അഞ്ച് കാര്യങ്ങൾ മാത്രം ശ്രദ്ധിച്ചാൽ പണം ലാഭിക്കാം...
ഡിജിറ്റൽ ഇന്ത്യ എന്ന സ്വപ്നത്തിലേക്ക് രാജ്യം നടന്നടുക്കുകയാണ്. പണ്ടുകാലത്ത് നമ്മൾ പണം കൈയിൽ കരുതി നടക്കേണ്ട അവസ്ഥ ആയിരുന്നു. ഇന്നത് മാറി, എല്ലാവരുടെയും കൈയിലും സ്മാർട്ട് ഫോൺ എത്തി. ഇതോടെ പേയ്മെന്റ് സംവിധാനങ്ങളും കൂടുതൽ എളുപ്പമായി. അതിന് പുതുവഴി വെട്ടി തുറന്നതാവട്ടെ യുപിഐ സംവിധാനമായിരുന്നു.
എങ്കിലും പലർക്കും യുപിഐ സേവനം പ്രയോജനപ്പെടുത്തേണ്ടത് എങ്ങനെയെന്നോ, അതിന്റെ ഗുണങ്ങളോ പൂർണമായും അറിയില്ലെന്നതാണ് വാസ്തവം. ചില കാര്യങ്ങൾ ശ്രദ്ധിച്ചാൽ യുപിഐ ഉപയോഗം വളരെ എളുപ്പമാവും എന്നത് മറക്കരുത്. പ്രത്യേകിച്ച് പുതുവർഷത്തിൽ കേന്ദ്രം ചില മാറ്റങ്ങൾ കൂടി കൊണ്ട് വന്ന സാഹചര്യത്തിൽ. ഇവയെകുറിച്ച് കൂടുതലറിയാം.
ആദ്യ ഇടപാടിന് നാല് മണിക്കൂർ പരിധി
രണ്ട് ഇടപാടുകാർ തമ്മിലുള്ള ആദ്യ യുപിഐ ഇടപാട് 2000 രൂപയ്ക്ക് മുകളിലുള്ള തുകയ്ക്ക് ആണെങ്കിൽ നാല് മണിക്കൂർ സമയ നിയന്ത്രണമുണ്ടാകും. അതായത് നടപടിക്രമങ്ങൾ കഴിഞ്ഞ് നാല് മണിക്കൂറിന് ശേഷമേ സ്വീകർത്താവിന്റെ അക്കൗണ്ടിൽ പണം ക്രെഡിറ്റ് ആവുകയുള്ളൂ. നെറ്റ് ബാങ്കിങിൽ പിന്തുടർന്ന് വരുന്ന ഈ രീതി ഇടപാടിന് കൂടുതൽ സുരക്ഷയുറപ്പാക്കും. തട്ടിപ്പുകൾക്ക് തടയിടാൻ ഒരു പരിധി വരെ ഇത് സഹായിക്കും.
യുപിഐ എടിഎമ്മുകൾ
യുപിഐയുടെ സൗകര്യവും സുരക്ഷിതത്വവും എടിഎമ്മുകളിൽ കൂടി ലഭ്യമാക്കി ഇടപാട് കൂടുതൽ ലളിതമാക്കുകയാണ് യുപിഐ എടിഎമ്മുകൾ ചെയ്യുന്നത്. കാർഡില്ലാതെ തന്നെ പണം എടുക്കാൻ കഴിയും എന്നതാണ് ഈ രീതിയുടെ ഏറ്റവും വലിയ പ്രത്യേകത. ഇതിലൂടെ ക്യൂആർ കോഡ് സ്കാൻ ചെയ്ത് നേരിട്ട് പണമെടുക്കാവുന്നതാണ്. ജപ്പാനിലെ ഹിറ്റാച്ചി പേയ്മെന്റ് സർവീസസ് നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയുമായി (എൻപിസിഐ) സഹകരിച്ചുള്ള ഹിറ്റാച്ചി മണി സ്പോട്ട് യുപിഐ എടിഎം എന്ന പേരിലാണിത് നടപ്പിലാക്കുന്നത്.
യുപിഐ ഐഡി നിർജീവമാകും
ഇടപാടുകാർ ഏറ്റവും ശ്രദ്ധിക്കേണ്ട ഒരു വിഷയമാണിത്. ഒരു വർഷമായി ഇടപാടുകൾ നടക്കാത്ത യുപിഐ ഐഡികൾ എൻപിസിഐ നിർജീവമാക്കും എന്ന് അറിയിച്ചിട്ടുണ്ട്. ഈ സാഹചര്യത്തിൽ ഇത്തരം ഭീഷണികൾ നേരിടുന്ന യുപിഐ ഉണ്ടോ എന്ന് നിങ്ങൾ ഉറപ്പ് വരുത്തണം. തുടർന്ന് വീണ്ടും യുപിഐ ആപ്പ് ഉപയോഗിക്കണമെങ്കിൽ റീ രജിസ്ട്രേഷൻ നടത്തേണ്ടി വരുമെന്ന് ഓർക്കുക.
ഇന്റർ ചേയ്ഞ്ച് ഫീസ്
ഓൺലൈൻ വാലറ്റ് പോലുള്ള പ്രീപെയ്ഡ് സംവിധാനങ്ങൾ ഉപയോഗിച്ച് 2000 രൂപയ്ക്ക് മുകളിൽ ഇടപാട് നടത്തുമ്പോൾ ഇന്റർചേയ്ഞ്ച് ഫീസീടാക്കും എന്നതാണ് പുതിയ പരിഷ്കാരം. ഇത് നിങ്ങളറിയാതെ തന്നെ പണം നഷ്ടപ്പെടുത്താൻ കാരണമാവും.
ഇടപാട് പരിധി
അടുത്തിടെ യുപിഐ വഴിയുള്ള പ്രതിദിന ഇടപാട് പരിധി ഒരു ലക്ഷം രൂപയാക്കി ആർബിഐ ഉയർത്തിയിരുന്നു. കഴിഞ്ഞ ഡിസംബർ 8 മുതൽ ആരോഗ്യ പരിപാലന സ്ഥാപനങ്ങളുടെ യുപിഐ ഇടപാട് പരിധി ഒരു ലക്ഷം രൂപയിൽ നിന്ന് 5 ലക്ഷം രൂപയാക്കിയും ഉയർത്തിയിട്ടുണ്ട്. ആശുപത്രികൾ ഉൾപ്പെടെയുള്ള ഇടങ്ങളിൽ ഇടപാട് നടത്തുമ്പോൾ ഇക്കാര്യം ഓർമ്മയിൽ വയ്ക്കുന്നത് നന്നാവും.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google