എക്സ് വിറ്റഴിച്ച് ഇലോൺ മസ്ക്, അതും കുറഞ്ഞ വിലയ്ക്ക്; പക്ഷേ ട്വിസ്റ്റുണ്ട്, വാങ്ങിയത് സ്വന്തം കമ്പനി തന്നെ..
പ്രമുഖ മൈക്രോ ബ്ലോഗിങ്, സോഷ്യൽ മീഡിയ പ്ലാറ്റ്ഫോമായ എക്സ് വിറ്റതായി പ്രഖ്യാപിച്ച് ശതകോടീശ്വരൻ ഇലോൺ മസ്ക്. വിൽപ്പന എന്ന് പറയുന്നതിന് അപ്പുറം ഏറ്റെടുക്കൽ എന്ന് പറയുന്നതാവും കൂടുതൽ ഉചിതം. കാരണം മസ്കിന്റെ തന്നെ ആർട്ടിഫിഷ്യൽ ഇന്റലിജൻസ് സ്റ്റാർട്ടപ്പ് കമ്പനിയായ എക്സ്എഐയാണ് 33 ബില്യൺ ഡോളർ മുടക്കി പഴയ ട്വിറ്ററിനെ ഏറ്റെടുത്തിരിക്കുന്നത്. മസ്ക് തന്നെയാണ് ഇക്കാര്യം പ്രഖ്യാപിച്ചത്.
ഏറ്റെടുക്കലിന് പിന്നാലെ എഐയുടെ സാധ്യതകൾ കൂടി പ്രയോജനപ്പെടുത്തി എക്സിനെ പുതിയ തലങ്ങളിലേക്ക് എത്തിക്കുമെന്നാണ് മസ്ക് വ്യക്തമാക്കിയത്. 'എക്സ്എഐയുടെ വിപുലമായ എഐ ശേഷിയും വൈദഗ്ധ്യവും എക്സിന്റെ വ്യാപ്തിയും സംയോജിപ്പിച്ചുകൊണ്ട് പുതിയ സാധ്യതകൾ തുറക്കും" മസ്ക് തന്റെ സോഷ്യൽ നെറ്റ്വർക്കിലെ പോസ്റ്റിൽ പറഞ്ഞു.
നിലവിൽ 600 ദശലക്ഷത്തിലധികം ഉപയോക്താക്കളാണ് എക്സിന് ആഗോള തലത്തിലുള്ളത്. രണ്ട് വർഷം മുമ്പ് ആരംഭിച്ച എക്സ്എഐയുടെ ഭാവിയുമായി സോഷ്യൽ മീഡിയ പ്ലാറ്റ്ഫോമിന്റെ ഭാവി ഇഴചേർന്നിരിക്കുന്നുവെന്നാണ് മസ്ക് പറയുന്നത്. എക്സിന്റെ 12 കോടിയുടെ കടബാധ്യതകൾ കൂടി കുറച്ചുകൊണ്ടുള്ള ഇടപാടാണ് ഇതെന്നാണ് സൂചന.
'ഇന്ന് ഡാറ്റ, മോഡലുകൾ, കമ്പ്യൂട്ട്, വിതരണം, കഴിവുകൾ എന്നിവ സംയോജിപ്പിക്കുന്നതിനുള്ള നടപടി ഞങ്ങൾ ഔദ്യോഗികമായി സ്വീകരിക്കുന്നു. ഇത് ലോകത്തെ പ്രതിഫലിപ്പിക്കുക മാത്രമല്ല, മനുഷ്യ പുരോഗതിയെ സജീവമായി ത്വരിതപ്പെടുത്തുന്ന ഒരു പ്ലാറ്റ്ഫോം നിർമ്മിക്കാൻ ഞങ്ങളെ അനുവദിക്കുകയും ചെയ്യും' മസ്ക് പ്രത്യാശ പ്രകടിപ്പിച്ചു.
2022 അവസാനത്തോടെയാണ് കമ്പനിയുടെ കടബാധ്യതകൾ കൂടി ഉൾപ്പെടുന്ന ഒരു ഇടപാടിലൂടെ 44 ബില്യൺ ഡോളറിന് ഇലോൺ മസ്ക് ട്വിറ്റർ അഥവാ ഇപ്പോഴത്തെ എക്സ് വാങ്ങിയത്. തൊട്ടടുത്ത വർഷം തന്നെ എക്സ്എഐ ആരംഭിക്കുകയും ചെയ്തു. ഈ സംരംഭത്തിന് ഉയർന്ന നിലവാരമുള്ള എൻവിഡിയ ചിപ്പുകൾക്കായി കോടിക്കണക്കിന് ഡോളറാണ് മസ്ക് ചിലവഴിച്ചത്.
ഫെബ്രുവരിയിൽ മസ്ക്, ചാറ്റ്ജിപിടി നിർമ്മാതാക്കളായ ഓപ്പൺഎഐക്ക് വേണ്ടി ഒരു കൺസോർഷ്യവുമായി 97.4 ബില്യൺ ഡോളറിന്റെ ബിഡ് നടത്തിയെങ്കിലും അത് നിരസിക്കപ്പെട്ടിരുന്നു. ഓപ്പൺഎഐ സ്റ്റാർട്ടപ്പ് വിൽപ്പനയ്ക്കില്ലെന്ന നിലപാടാണ് സ്വീകരിച്ചത്. 2015ൽ സിഇഒ സാം ആൾട്ട്മാനുമായി സഹകരിച്ച് മസ്ക് തന്നെയാണ് ഓപ്പൺഎഐ സ്ഥാപിച്ചത്, പിന്നീട് കമ്പനി വിടുകയായിരുന്നു.
ഇതോടെ ചാറ്റ്ജിപിടിയുമായി ഏറ്റുമുട്ടാൻ ഒരുങ്ങുകയാണ് മസ്കിന്റെ എക്സ്എഐ. കഴിഞ്ഞ മാസം അവരുടെ ചാറ്റ്ബോട്ടിന്റെ ഏറ്റവും പുതിയ പതിപ്പായ ഗ്രോക്ക് 3 പുറത്തിറക്കിയിരുന്നു. ചാറ്റ്ജിപിടി, ചൈനയുടെ ഡീപ് സീക്ക് എന്നിവ പോലുള്ള ഉത്പന്നങ്ങൾ മത്സരിക്കുന്ന മേഖലയിൽ ഇതിന് സ്വാധീനം ചെലുത്താൻ കഴിയുമെന്നാണ് മസ്ക് കരുതുന്നത്.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ദിലീപിൻ്റെ റിയൽ എസ്റ്റേറ്റ് ബിസിനസിൽ നിന്ന് പിൻമാറാൻ കാരണം; കാവ്യ മാധവൻ പറഞ്ഞത്..'മനസിലേറ്റ മുറിവ് മാറുമോ' -
മീനാക്ഷിയെ പോലെ പണം വാരുന്ന ഡോക്ടറാണോ? അച്ഛന്റെ സ്വപ്നം സഫലമാക്കി ശ്രീലക്ഷ്മി, കലാഭവൻ മണിയുടെ മകൾക്ക് കയ്യടി -
സ്വർണ വില ഇനി കുത്തനെ താഴേക്കോ? സ്വർണം വാങ്ങുന്നത് കുറച്ച് കേന്ദ്രബാങ്കുകളും..എന്തുപറ്റി? അമ്പരപ്പ് -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ -
സ്വർണ വില അഞ്ചാം ദിനവും മൂക്കും കുത്തി താഴെ; പവന് 60,000 രൂപയെന്ന ആഗ്രഹമൊക്കെ നടക്കുമോ?അറിയാം -
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
'കോട്ടാത്തലേ, ചാണകപ്പുഴു..പേപ്പട്ടികള് കെട്ടിയിട്ടിടത്തു നിന്ന് കുരയ്ക്കും';അഖിൽ മാരാർക്കെതിരെ ഷിയാസ് കരീം -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
മിനിറ്റുകൾക്കുള്ളിൽ സർവ്വനാശം: ലോകാവസാന മിസൈൽ പരീക്ഷിച്ച് യുഎസ്
Click it and Unblock the Notifications
Sign in with Google