പിക്സല് ഒന്പതിന്റെ വരവാണ് മക്കളേ, ആപ്പിളും സാംസങ്ങും വഴിമാറിക്കോ? കിടിലന് ഫീച്ചറുകള്
ഗൂഗിള് അവരുടെ പിക്സല് ഫോണിന്റെ ഏറ്റവും പുതിയ വേര്ഷന് പുറത്തിറങ്ങാന് ഒരുങ്ങുകയാണ്. ഈ വര്ഷം തന്നെ പുറത്തിറങ്ങും. എന്നാല് ഇതിന്റെ സുപ്രധാന വിവരങ്ങള് ഓണ്ലൈനില് ചോര്ന്നിരിക്കുകയാണ്. ഓണ്ലീക്സ് ആന്ഡ് എംഎസ്പി എന്നിവരാണ് വിവരങ്ങള് പുറത്തുവിട്ടിരിക്കുന്നത്. ഡിസൈനില് അടിമുടി മാറ്റം പിക്സല് 9 പ്രൊയ്ക്ക് ഉണ്ടാവുമെന്നാണ് സൂചന.
ഡിസ്പ്ലേയുടെ വലിപ്പത്തിലായിരിക്കും പ്രധാന മാറ്റം. മുമ്പുള്ള പിക്സല് ഫോണുകളെ അപേക്ഷിച്ച് ഈ മോഡലിന് വലിപ്പം കുറവായിരിക്കും. പിക്സല് എട്ട് പ്രൊ 6.8 ഇഞ്ച് സ്ക്രീനിലാണ് പുറത്തിറങ്ങിയത്. പിക്സല് 9 പ്രൊ പക്ഷേ 6.5 ഇഞ്ച് ഡിസ്പ്ലേയിലായിരിക്കും വിപണിയിലെത്തുക. കൈയ്യിലൊതുങ്ങുന്ന ഫോണായിരിക്കും ഇതെന്നാണ് പുറത്തുവന്ന റിപ്പോര്ട്ടുകള് സൂചിപ്പിക്കുന്നത്.
അതേസമയം പഞ്ച് ഹോല് ക്യാമറ ഡിസൈന് നിലനിര്ത്തി കൊണ്ട് തന്നെ പുതിയൊരു സ്റ്റൈലിലേക്ക് മാറാനാണ് ഗൂഗിളിന്റെ ശ്രമം. ഇതിലൂടെ വളരെ സ്ലിമ്മായി പിക്സല് 9 മാറും. അതോടൊപ്പം ഏറ്റവും സ്റ്റൈലിഷ് ലുക്കും ഈ ഫോണിന് ലഭിക്കും. നേരത്തെയുള്ള പിക്സല് ഫോണുകള്ക്കൊല്ലം കര്വ്ഡ് എഡ്ജുകള് ഉണ്ടായിരുന്നു. എന്നാല് പിക്സല് 9 പ്രൊയ്ക്ക് ഫ്ളാറ്റ് എഡ്ജുകളാണ് ഉണ്ടാവുക.
ഐഫോണ് പതിനഞ്ചുമായി ഇതിന്റെ ലുക്കിന് സാമ്യമുണ്ടാവും. വലതുവശത്തായിട്ടായിരിക്കും പവര് ബട്ടണും സൗണ്ടിന്റെ സ്വിച്ചുകളും ഉണ്ടാവുക. അതുപോലെ ഏറ്റവും താഴേ ഭാഗത്തായിരിക്കും യുഎസ്ബി സി പോര്ട്ട് ഉണ്ടായിരിക്കും. സ്പീക്കര് ഗ്രില്, സിം കാര്ഡ് ട്രേയും ഈ ഭാഗത്ത് തന്നെയായിരിക്കും.
പിന്ഭാഗത്തെ ക്യാമറയിലും കാര്യമായ മാറ്റങ്ങളുണ്ടാവും. സെന്സറുകള്ക്ക് അനുയോജ്യമായ തരത്തിലായിരിക്കും ഈ ഡിസൈന് മാറ്റം. അതേസമയം ക്യാമറയില് ഈ പിക്സല് ഫോണുകളും ഞെട്ടിക്കുമെന്ന് ഉറപ്പാണ്. പിന്നിലെ ക്യാമറ ട്രിപ്പിള് ക്യാമറയിലായിരിക്കും വരിക. വൈഡ് ആംഗിള് ലെന്സുമുണ്ടാവും.
അതോടൊപ്പം ടെലിഫോട്ടോ ലെന്സും, പെരിസ്കോപ്പ് ലെന്സും ക്യാമറയിലുണ്ടാവും. അതുകൊണ്ട് ആപ്പിള്, സാംസങ്ങ് ഫോണുകളെ വെല്ലുവിളിക്കാന് സാധിക്കുന്ന ക്യാമറ ഫീച്ചറായിരിക്കും ഈ ഫോണിലുണ്ടാവുക. അതേസമയം ഇക്കാര്യങ്ങള് ഗൂഗിള് ഔദ്യോഗികമായി പ്രഖ്യാപിച്ചിട്ടില്ലെങ്കിലും വലിയ പ്രതീക്ഷകളാണ് ടെക് പ്രേമികള്ക്ക് ഉള്ളത്.
ഉറപ്പായും ക്യാമറയില് മുന്നേറ്റമുണ്ടാക്കുമെന്നാണ് ടെക് പ്രേമികള് പറയുന്നത്. ഗൂഗിള് സ്ഥിരമായി ക്യാമറയില് വലിയ മാറ്റങ്ങള് വരുത്താറുണ്ട്. ഓരോ മോഡലിലും ക്യാമറ ക്വാളിറ്റി വര്ധിക്കാറുമുണ്ട്. അതേസമയം ഗൂഗിള് ഔദ്യോഗികമായി ഈ ഫോണ് എപ്പോഴാണ് പ്രഖ്യാപിക്കുകയെന്ന് ഇപ്പോഴും വ്യക്തമല്ല.
നിലവിലെ സഹാചര്യത്തില് അധികം വൈകാതെ തന്നെ പ്രഖ്യാപനം ഉണ്ടാവാനും സാധ്യതയുണ്ട്. ഗൂഗിളിന്റെ എട്ട് വിപണിയില് വന് വിജയമായിരുന്നു. ക്യാമറയുടെ കാര്യത്തില് ഏറെ പ്രശംസയും യൂസര്മാരില് നിന്ന് ഈ ഫോണിന് ലഭിച്ചിരുന്നു.
-
സാംസങ് ഗാലക്സി S25 FE വില കുത്തനെ കുറഞ്ഞു; ഓഫർ മിസ്സ് ചെയ്യരുത്! -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം
Click it and Unblock the Notifications
Sign in with Google