ഒരു ഗൂഗിൾ സംഭവം ലോഡിംഗ്; പിക്സൽ 9 സീരീസിൽ ഇനി അടിപൊളി എഐ ഫീച്ചറും, കേട്ടാൽ ആരും ഞെട്ടും
സ്മാർട്ട്ഫോൺ വിപണി വലിയ മാറ്റത്തിന് സാക്ഷ്യം വഹിക്കുകയാണ് ഇപ്പോൾ. അതിനൊപ്പം പങ്കുചേർന്നിരിക്കുകയാണ് ഗൂഗിളും. അവരുടെ മുൻനിര മോഡലുകളുടെ വിശേഷങ്ങൾ അറിയാൻ എപ്പോഴും ആരാധകർ കാത്തിരിപ്പിലാണ്. ഇപ്പോഴിതാ ഗൂഗിളിന്റെ ഏറ്റവും പുതിയ ഫോണായ പിക്സൽ 9 സീരീസിനെ കുറിച്ചുള്ള അഭ്യൂഹങ്ങൾ സജീവമാണ്.
രണ്ടാഴ്ചയിൽ താഴെ മാത്രമാണ് ഈ ഫോണിന്റെ ലോഞ്ചിന് ഇനി ശേഷിക്കുന്നത്. അതിനിടയിലാണ് കൂടുതൽ വിശദാംശങ്ങൾ രംഗത്ത് വരുന്നത്. ഈ സീരീസിലെ ഫോണുകൾ പുതുതായി അവതരിപ്പിക്കാൻ ഒരുങ്ങുന്ന ചില സവിശേഷമായ എഐ ഫീച്ചറുകളെ കുറിച്ചുള്ള വിവരങ്ങളാണ് ഇപ്പോൾ പല സൈറ്റുകളിലെയും ചർച്ചാ വിഷയം.
വരാനിരിക്കുന്ന ഫോണുകളിൽ ഗ്രൂപ്പ് ഫോട്ടോകളിലേക്ക് സ്വയം ചേർക്കാൻ നിങ്ങളെ അനുവദിക്കുന്ന പുതിയ "ആഡ് മി" ഫീച്ചർ ഉണ്ടായിരിക്കുമെന്ന് ചോർന്ന പ്രമോ സൂചിപ്പിക്കുന്നു. അടുത്തിടെ ലീക്കായ ഈ പ്രമോ വരാനിരിക്കുന്ന എഐ പവർ സവിശേഷതകളിൽ ശ്രദ്ധ കേന്ദ്രീകരിക്കുന്നു. ഒരേ ലൊക്കേഷനിൽ നിന്ന് രണ്ട് ചിത്രങ്ങൾ എടുക്കുന്നതിലൂടെയാവും ഇത് പ്രാവർത്തികമാവുക.
വീഡിയോയിൽ വരാനിരിക്കുന്ന ഫീച്ചർ വിശദമായി വെളിപ്പെടുത്തുന്നില്ലെങ്കിലും, ആഡ് മിയുടെ പിന്നിലെ ആശയം ഏതാണ്ട് വ്യക്തമാണ്. നിങ്ങൾ ഒരു ഫോട്ടോ എടുത്താൽ അതേ ഫ്രെയിമിലേക്ക് സമാന ലൊക്കേഷനിൽ നിന്നുള്ള ഫോട്ടോ കൂടി ചേർത്ത് ഒന്നാക്കാം എന്നാണ് സൂചന. അങ്ങനെയെങ്കിൽ ഫീച്ചർ ഏറെ ശ്രദ്ധിക്കപ്പെടുമെന്ന് ഉറപ്പാണ്.
പിക്സൽ 9 സീരീസിൽ വരുന്ന മറ്റ് ചില എഐ പവർ ഫീച്ചറുകളിൽ "പിക്സൽ സ്ക്രീൻഷോട്ടുകൾ" ഉൾപ്പെടുന്നു, പേര് സൂചിപ്പിക്കുന്നത് പോലെ നിങ്ങളുടെ സ്ക്രീൻഷോട്ടുകളിൽ പുതിയ മാറ്റങ്ങൾക്ക് ഈ ഫീച്ചർ അനുവദിക്കും, ഒരു ഇമേജിലെ പശ്ചാത്തലം മാറ്റിസ്ഥാപിക്കാൻ ഉപയോക്താക്കളെ അനുവദിക്കുന്ന നവീകരിച്ച മാജിക് എഡിറ്ററും അതിനൊപ്പം വരും.
ഗൂഗിൾ പിക്സൽ 9 സീരീസ് ഫീച്ചറുകൾ
ഗൂഗിൾ പിക്സൽ 9 സീരീസ് മുൻ മോഡലുകളിൽ നിന്ന് വ്യത്യസ്തമായി ഡിസൈൻ, പെർഫോമൻസ്, എന്നിവയിൽ കാര്യമായ മാറ്റങ്ങൾ അവതരിപ്പിക്കും. പിക്സൽ 9 പ്രോ മോഡലുകൾ രണ്ട് വലുപ്പങ്ങളിൽ ലഭ്യമായേക്കാം: 6.1-ഇഞ്ച് സ്റ്റാൻഡേർഡ് മോഡലും, 6.7-ഇഞ്ച് എക്സ്എൽ മോഡലും, ഉയർന്ന പുതുക്കൽ നിരക്കുകൾ വാഗ്ദാനം ചെയ്യുന്ന ഒഎൽഇഡി ഡിസ്പ്ലേകളാവും ഇവയിൽ കമ്പനി നൽകുക.
പിക്സൽ 9 പ്രോ കറുപ്പ്, വെളുപ്പ്, പച്ച, പിങ്ക് തുടങ്ങിയ നിറങ്ങളിൽ ലഭ്യമാകുമെന്ന് റിപ്പോർട്ടുകളുണ്ട്. സാംസങ്ങുമായി സഹകരിച്ച് വികസിപ്പിച്ച ഗൂഗിളിന്റെ കസ്റ്റമൈസ്ഡ് ടെൻസർ ജി4 ചിപ്പിലാണ് പിക്സൽ 9 സീരീസ് എത്തുക എന്നുറപ്പായി കഴിഞ്ഞു. ഇതിനെ അടിസ്ഥാനമാക്കിയാവും എഐ സവിശേഷതകൾ ഭൂരിഭാഗവും പ്രവർത്തിക്കുക.
Click it and Unblock the Notifications
Sign in with Google